Also y muess sage, s isch nid dr erschti Versuech gsi. Und y bi wirkligg sowit gsi, dass y ha welle uffheere und es Leid gsi bi, dass y a däm Gift häng. D Lunge het knisteret, ha ghueschtet, s het Gäld kostet, ha gstungge und s soziale Umfeld wo sich änderet (siehe Rauchverbote etc).Supersonic hat geschrieben:Und wie hesches gschaft?
Derbyy bi-n-y nid e Kampfraucher gsi. Ha 10 Joor ebbe 1 Päggli pro Daag graucht, do gits jo Schlimmeri. Aber glich, die inneri Ystellig zum uffheere isch do. Und das isch glaub scho s wichtigschte.
Denn ha-n-y mi bi däm Versuech mol nid mit Nikotinpfläschterli und Kaugummi oder "Ersatzsucht" (z.B. Siessholz o.ä.) zuedonneret. Und ha das Buech vom Allen Carr "Endlich Nichtraucher" nomol gläse.
Die erschte drey bis fimf Dääg sind die schlimmschte gsi, und denn isch es allewyyl wie besser gange.
Das Buech het mr insofärn gholfe, dass es mi Vorhabe und Vorgehe unterstytzt het. Weiss nid ob s Buech kennsch. Es isch kei Woodoo und kei billige Zauber, y glaub es kunnt druff ah wie das Buech nimmsch. Es het Passagene gä wo-n-y dr Kopf gschyttlet ha (wo-n-y gfunde ha er ybertribt scho kli) und anderi wo mr gwissi Sache eifach nomool beschtätigt händ und au e weneli Ruggewind.
Aber ebbe, es muess e jede sy eigene Wäg finde. S git glaub kei Rezäpt. Aber Uffheere welle, dass muess me halt scho ganz dief im Innere.
:)
