, wenn dr bender uftaucht cha me jo dr fred wieder determiniere bzw. in sine integriere.taktischi schpitzeleischtig in eme sich bewährende 4-1-4-1, wo dr gegner permänt dominiert worde isch und sich nid het chönne entfalte. usser de 2 ungnüegende het mr dr räscht grossi freud bereitet, denn das isch wirklich abzockt gsi. s zentrum dominiert, alli 4 offensivere mf mit guete aktione noch vorne, schtetig rochierend was für dr gegner vrdammi unberächebar und praktisch nid z kontrolliere isch. hinde hetts inneduo zuegmacht, d usseverteidiger mit wenig problem, einzig dr schturm isch e ärgernis gsi.
konstanzo 5: nüüt z tue gha, abgseh vo de beide kopfball (sin die offside gsi ?). bemerkenswert eifach, wie schnäll är uff dr bei isch bzw reagiert, wenn er uselaufe muess gege e gegeschpieler, wo sich dr ball chönnt angle.
nakata 4.5: unterhaltigsmässig sicher kei bländer, mängsich e bitz sehr wiit vom gegeschpieler entfärnt und au nid dr schnällscht, aber trotzdäm grundsolid und mit guetem schtelligsschpiel. isch halt sini mentalität, tortzdäm treit au är massgäblich zum ufschwung vo dr defense bi.
smiljanic 5: fascht alles abgruumt, kompromislos im zk, do isch für d gegner im momänt eifach praktisch nüüt z hole.
majstorovic 5.5: unglaublich sini präsänz in de schtrofrüüm, imo no e tick schtärker punkto dominanz als si kolleg. mit son eme duo holt me sich titel.
zanni 5: wie usgwäggslet. schöni rushs, defensiv bissig und bim ma, d binde schiint em guetztue.
ba 5.5: dr energischti und dr gegnerisch schpielfluss ischränkendschti schpieler, woni in 20 johr fan sein bim fcb gseh ha, unglaublich wie reaktionsschnäll und abdrängend dä reagiert, was do gegeagriff abgschnitte, vrlangsamt und unterbunde wärde. do isch absolut kei durchcho, und wenn doch isch dr schnäll rhythmus vom agriff zunichte. schpielerisch verbesseret, aber witerhin wöchschtens mittlemass, aber wär intressiert das scho.
caicedo 4.5: nümm ganz so guet, was va mit sinere position z tue het. är ka sich im lm eifach nid so entfalte wieners im om oder asl hängendi schpitze zelebriere chönnt, mit sine solos wär är doch jewils 2x pro matsch elei vor em gool.
chipperfield 5.5: e erinnerig an beschti zite, sehr lauffreudig, offensiv und zk betont mit eme schöne abschluss. trotzdäm im lm wär är besser z gebruuche denn mir bruuche sini flanke.
rakitic 3.5: sry, aber von eme om erwarti mehr, är chunnt mit sine dribblings nid vrby und dr letscht pass au nid, nur torgförlichkeit, das isch z wenig. ghört ins rm. schwalbekönig
sterjovski 5: so guet wie geschter hanen sälte gseh, wenn er platz het goht er ab, är isch halt scho rächt schnäll, do chan er halt sini technische defizit am beschte kaschiere.
da silva 2.5: inexischtänti torgfohr, fehlpäss, unnötigi vrzögerige, permanänts ufsueche vo dr siteuslinie, schtockfähler, kei letschte pass
ergic 4.5: besser als dr rakitic im om, är ziehts schpiel an sich, das bruuche mer, will die andere schpieler denn mehr platz hän. tortzdäm chönnts mängisch e tick schnäller goh.
)
