9 T-Shirts zG. Dachverband betr. 05-12-04

[Bandita]

schad chanis shirt nit scho hüt ha... han in dä nächste zwei dääg ussbildig in altstette....

Luegsch, dass nid am BHF ikesslet wirsch....

[33 Rossi]

so hüt sin wie versproch die erste shirts uf post. ich ha mi verspräche zu ca. 95% chönne halte und alli bstellige wo bis am sunntig igange sin und bis hüt zahlt gsy sin, chönne verschicke.

alli wo sich morn uf t-shirts chönne freue hän wie immer e bestätigungsmail becho. alli andere wo scho bstellt hän, hän immer no e chance am donnstig mit em shirt izlaufe :-)

ich wird hüt nacht nomol al mini konti checke und morn no verschicke was möglich isch.

denn möcht ich mi do bi allne bedanke, hätt nie miteme somene positive echo grächnet. und was ich super find, nid nur fcb fans bstelle das shirt. do hets fuessballfans us dr ganze schwyz drunter.

[Geissenpeter]

und was ich super find, nid nur fcb fans bstelle das shirt. do hets fuessballfans us dr ganze schwyz drunter.

Es hät nid nur in Basel FCB-Fans...

[33 Rossi]

jo das isch mir au klar :-)
aber wenn eine fc_stgalle oder fcz@xy.ch het, denn glaub ich chum, dass er fcb fan isch

ich weiss sogar vo yb fans wo die aktion unterstütze

[BloodMagic]

[quote="33 Rossi"]jo das isch mir au klar :-)
aber wenn eine fc_stgalle oder fcz@xy.ch het, denn glaub ich chum, dass er fcb fan isch ]

Ich denk, wer ab zue in Foren vo ander Clubs isch gseht wie si drüber dänke ... die meischte sind voll und ganz gägä die Aktion ..! Also ich glaub dir, dases vili lüt git wo nid FCB Fans sind und die Aktion unterstütze

[Butters]

finds ebefalls e guti Aktion. Ich bstell vilicht die 3 Liebli mit m Datum druf, aber ich fänds no genial weme no sini Gfängnissnummere neume chlei ufs Liebli drucke chönt lo . Würd au 10 - 15Fr. meh zahle. Wer das echtscht no möglich?

[Geissenpeter]

finds ebefalls e guti Aktion. Ich bstell vilicht die 3 Liebli mit m Datum druf, aber ich fänds no genial weme no sini Gfängnissnummere neume chlei ufs Liebli drucke chönt lo . Würd au 10 - 15Fr. meh zahle. Wer das echtscht no möglich?

Möglich wirds sicher si, aber wenn do alli vierhundertirgendöpis das wönd?

[Se7en]

Schad sinds T-Shirt ... wird hart bi 0 Grad mitem T-Shirt ins Stadion ...

... chauf mr aber gliich eis

kasch jo s in xxl-kaufe unds über d jagge a legge :-)

[BloodMagic]

kasch jo s in xxl-kaufe unds über d jagge a legge :-)

gseht sicher cool us ... *g* ... nei merci ... hamrs jetzt kauft und denn luege mr mol wittr ... schlussendlich isches au e erinnerigsstück ...!

Merci Rossi33

[Dome]

ich weiss, das wär scho schön...aber absolut unmöglich...sorry nüt gege di persönlich...aber zahligsmoral vo diverse lüt isch leider so schlächt, dass ich scho lang bankrott wär, wenn ich bstellig uf rächnig würd abiete. ich weiss wäge e paar nase miehn alli drunter liede...aber es liegt eifach bi mir nid drin.

ha jetzt scho mieh mit dene wo gern emol bstelle und denn glich nie izahle...isch zwar denn kei verlust für mi...aber ich hock dennoch uf dr ware und grad bi t-shirts etc. isch es denn nüm so eifach wieder genau die glichi grössi mit em gliche druck z'verkaufe.

ich bi sogar scho sowyt dass ich mir muess überlege ob ich per nochnahme no cha abiete. do chömme laufend päckli zrugg wo nid abgholt werde. das kostet mi jedesmol 28.-- porto und muess 2x uf post....und die kunde melde sich denn nid emol....

ich hoff du verstohsch das...ich ha ebe no kei umsatz vo 5mio wie dr orig. shop :-)

Hm, doch doch, noch dinere interpretation chani das guet verstoh. bi bis jetzt au nonig zum iizahle cho, weiss au nonig genau, wenns mer längt, bi grad chli im stress. aber versproche, de kriegsch die Stutz und ich nimm das T-Shirt uf jede fall. cha aifach sie, dass es chli spöter wird. wenn i glück ha , längts mers au evt hüt oder morn kurz go iizahle (wenn i no gäld uf em e.banking konto ha, den poscht isch ame scho zue wenn i fyrobe mach)

[dasto]

hab meine shirt heute erhalten :-)

sehen cool aus, das bedruckte ist fast schon ein bischen klein

[Schwerverbrecher]

Ha mis ebefalls erhalte. sin kuul nur wie mi vorgänger, d'schrift ha au ich mir grösser erhofft. trozdäm DANKE

[33 Rossi]

merci, das freut mi

...waaaaaaaaas d'schrift isch z'chliii...jetzt wo alli druckt sin

also falls es öpperem überhaupt nid gfallt und er nüm cha läbe dermit denn chame sich bi mir natürlich au melde :-)

demnächst dr neusti stand vo dr spänd....es sin wieder einigi franke zäme cho...muess aber zerst no rechne :-)

[33 Rossi]

heute gehen chf 300.-- (aufgerundet) an den dachverband für die anwältin.

es sind leider noch nicht alles t-shirts bezahlt und ausgeliefert. ich habe jetzt den betrag einmal aufgerundet. sollten noch mehr bestellung und zahlungen eintreffen, werde ich den betrag noch nachliefern.

ich möchte mich herzlichst bedanken für eure grosse unterstützung und ich denke da rede ich auch im namen des dv mk.

daaaaaaanke


ps: die shirts werde ich voraussichtlich ende januar wieder aus dem shop nehmen...wer noch keins hat, kann also jetzt noch bestellen.

[Ghetto Child]

rossi ih ha sit 3 woche bstellt und zahlt aber no nüt becho!!!!

[33 Rossi]

hesch e mäldig becho, dass geld acho isch?
falls jo, denn sötts morn endlich uf post goh...leider het dr lieferant syt daage keini shirts meh gliefert...sorry

sorry au an alli andere wo no warte...aber kei angst...sy chöme :-)

[Ghetto Child]

jo hani becho.
jo denn eshc da easy wenn hanis denn öbe ha ebe no kors ihn zörrri

[LkL]

find i e sehr gueti idee
wird au no eins bestelle sobald sgeld für fasnacht uf dr siete isch

[33 Rossi]

jo hani becho.
jo denn eshc da easy wenn hanis denn öbe ha ebe no kors ihn zörrri

wenn wirklich alles klappt und ich bechum sy morn..denn hesch es am mittwuch oder donnstig....wenn mehreri bstellt hesch denn frytig, will ich denn e päckli muess mache

[Ghetto Child]

da passt prima am dinstag hani kors ihn zööööri