Rhyyläx hat geschrieben: 27.02.2021, 22:32
MistahG hat geschrieben: 27.02.2021, 22:29
Rhyyläx hat geschrieben: 27.02.2021, 22:25
Echt? Gut haben "wir" damals alles verdammt, was gut war. Den Erfolg, den Zürcher Trainer, das Spiel, das System.
Hochmut kommt vor dem Fall.
Heute haben wir einen Präsi und Vorstand zum Vergessen, einen Trainer, der mit sich selber mehr beschäftig ist und die Kompetenz nicht hat und eine Mannschaft, die den Schlamassel nicht mehr ausbaden kann, weil sie nicht mehr die Qualität hat, die eine FCB-Mannschaft einst hatte. Danke an alle, die den erfolgreichen FCB von vor 4 Jahren runtergebrüllt haben und alls besser wussten.
da hat das ganze angefangen. mit dem bünzlifussball, den dein geliebter zürcher trainer hat spielen lassen. seit dann wurde es jede saison schlimmer. damals war halt YB noch nicht bereit, wären sie es schon gewesen, hätts schon da so ausgesehen, wie danach... hat man ja international schon gesehen, dass die mannschaft nicht mehr das selbstverständnis hatte.
nur weil es jetzt noch schlimmer ist, heisst das nicht, dass es damals gut war. leider waren die schritte, die man dagegen unternommen hat, nicht die richtigen...
Ich habe nicht wirklich erwartet, dass du es kapierst.
Ich has scho kapiert, du willsch widr stichle... ABER,
Du hesches ebbe nid kapiert. Me het ebbe probiert drgege z stüüre, aber d massnahme hän nid griffe, well si ebbe die falsche gsi sin. d kritik damals am leischtigsabfall (trotz das me d liga no gwunne het), isch absolut berächtigt gsi. kritik isch au denn richtig, wenn no viiles guet lauft. du willsch dir jetzt uf d schultere klopfe, well du damals gfunde hesch, veränderige sin falsch, und de di jetzt bestätigt gsehsch... es isch aber nid falsch gsi, öbbis welle z verändere, sondern d veränderige wo me denn gmacht het, sin falsch gsi...
aber du wirsch so öbbis nie begriffe, well für di laufts erscht falsch, wenn d kacke am dampfe isch, wie jetzt. aber es foht ebbe früehner a. das het me damals erkennt, het aber leider die falsche schlüss druss zoge, respektive grad dr ganzi laade welle ufe kopf stelle, anstatt d problemzone einzeln azpacke... entweder hätt me domols dr trainer no sölle bhalte, wemme die halb mannschaft uswäggslet, oder me hät sölle d mannschaft zämmebhalte, wemme dr trainer wäggslet... wobi s villicht sogar guet koh wär, wenn YB nid genau in dere saison denn dr knopf ufgmacht hätt. aber im nochhinein isch me immer schlauer. aber ganz schwach sin die, wo im nochhinein denn hindefüüre krabble und kreische, si heiges scho immer gwüsst...
d froog isch doch jetzt, wie me do widr usekunnt (isch jo nid so, dass mes nid probiert...), und do hesch du jo widr nüt konstruktivs biztrage. du kunnsch numme vo hinde füre mit dim "es isch euri schuld, well dir mitem fischer nid z friide gsi sind...".
aber d schuldfroog isch garnid die, wo me sich muess stelle, denn ich bi überzügt, jede bim FCB het nach sim beschte gwüsse ghandlet. und kei schritt het in die richtigi richtig gfüehrt bis jetzt. me könnt au sage, me het dr wicky z schnäll ufgäh, oder erscht z spoot gmerkt, dass es nid funktioniert, wemm die beschte abgit, und nid probiert guet z ersetze... oder, dass es e hirnrissigi idee gsi isch, sälle ciri z hole... aber au das isch obsolet. interessant isch jetzt, was me jetzt sotti mache... alles andere isch kalte kaffi, schnee vo geschter und e alte huet...
ich glaub, dr burgener isch nid emol s gröschte problem. vorallem, well me bim burgener nid ka apacke, well dä wird nid goh. dr heri isch do eher e fählbsetzig... also müesst me em burgener klarmache, dass är sich vom heri sött trenne... und denne öbber hole, wo uf dere position drusskunnt. oder villicht het me mitem alexander staehelin do sogar scho öbber, jung, guet und international vernetzt und e basler, wo dr FCB am härze ligt (dass uet er am heri zwar au)...
d froog isch au, ob e neue trainer dene herre ka dampf unterem arsch mache. oder ob d mannschaft scho z fescht im schlendrian steckt, und me dört müessti d "leischtigsträger" usmischte, und e jungi, hungrigi mannschaft ufbaue...
