Sa 19. Okt | 19:00 | Basel - Thun

[T-Bear]

Au jetz no, 24 Stund spöter, bin i gschoggt und unglaublig truurig. Der Dave isch mer wirgglig e guete Fründ gsi. I vergiss nie si Support, wo i in Basel e Marathon gloffe bi. 4x isch er an verschiedene Ort an der Streggi gstande - immer d'ASB Fahne uffghängt - und hett mi aagfüürt. Am Ziel isch er natürlig au dört gsi und hett mer grad als erschts e Bier in d'Hand druggt. Au bi divärse Stadtläuf isch er mi go supporte und mer sinn immer nochhär no eins go schnappe. In der letschte Zyt hämmer uns nümm ganz soviel gseh, aber wenn, denn isch es eifach immer härzlig gsi. Und jetz isch er eifach nümme do, si markants Uffträtte, si unverkennbari Stimm, si unübertroffeni Härzligkeit.

Dave, mir kömme alli emol zu Dir - und denn gitts aber so öppis vomene Wiederseh! Bis denn mach's guet do obe und bliib au dört, so wie de immer gsi bisch: wild, unaapasst und mit eme unglaublig guete Wääse. Und dangge für alles, was Du mir - uns alle - guets gmacht hesch.

[Domingo]

Dangge für dini Wort @T-Bear, bi au immer no gschockt.

Genau, dr Dave hett meh nid weiss wie oft miesse gseh, aber wenn denn ischs sehr härzligg gsi.
Wenn i nur dra dängg bi wievielne Sache er mir in Sinn cho und fähle wird...

Si Stimm bliibt uns Gottseidangg erhalte, will er uns immer wieder dr Schreyhals verkündet uff "E'N Urschrey für Rotblau"

Und weisch was Dave?
Näggscht Johr gang i für di mit em Handtuech über dr Schultere go schaffe...

RiF alte Sagg

[Razer]

RIP Dave.

[Schambbediss]

I ha dr dave ca. im 2003 kenneglehrt.
nodürlig dure FCB. i erinnere mi gärn an dr offtopic-100er stammtisch woni ab und zue e intressants gspröch mit em gha ha. nodürlig het är mir ainiges über bier glehrt. presänt isch mr au d'carfahrt im 2004 wo mr nach mailand sinn an match gege inter. denn nodürlig au ab und zue im restaurant viertelkreis zumene bierli amigs. i hanen als e gmietlige und glatte mensch wohrgnoh.
e "original" in mine auge.

ach mann... es duet weh, dass de scho hesch miesse goh... de fählsch.

[faederli]

Tschau Dave, du blibsch i mim Herz als Origanal solange das schloht. Eigentlich ischs de Abgang gsi, wo zue dir passt. ich wünsch dir dört obe die besti Musik und immer e früsches Bier in dr Hand.

"you'r just like penguin in bondage BOY !!!"

[nidganzbache]

[Schranz]

R.I.P Dave

[4everblackandwhite]

R.I.P Dave

[Back in town]

R.I.P Dave

[Lusti]

Habe dich zum ersten mal an einem Grümpeli getroffen. Du bist mit dem Velo mit Anhänger und einem Fass Bier aufgetaucht. Danach habe ich dich immer wieder mal gesehen, wir haben diskutiert, du hattest immer eine Meinung, gute Argumente und einige Weisheiten auf Lager. Du warst immer freundlich, offen, zugänglich. Die Kurve ist ein bisschen Ärmer geworden ohne dich. Ich werde dich vermissen, ich werde unsere Gespräche vermissen. Schade dass du so früh gehen musstest. Deinen Angehörigen und deinen Freunden drücke ich mein Beileid aus.
R.I.P. Dave

[Lusti]

-- fyr di Dave --
e Mah stoht in dr Kurve - parat fyr e Match
so wie a jedem Spiltag - wien är syt Johre so macht
e Mah stoht in dr Kurve - s'Bier isch schon zapft
so wie a jedem Spiltag - d'Kurve singt und lacht
e Mah stoht in dr Kurve - am schwätze und diskutiere
so wie a jedem Spieltag - mit syne alte Säck am zelebriere

s'letsche Bier isch drungge - dr letscht Match isch scho gsy
eh kurze Momänt im Läbe für alli - in sim dr letschti, verbii
vili versueche z'rette - wo nyt me z'rette isch
e dangg allne wo's probiert händ - es isch leider wie's isch

e lääre Stuel stoht in dr Kurve - wo e Mah setti stoh
so wie a jedem Spieltag - z'läbe muess mol vergoh
e lääre Stuel stoht in dr Kurve - d'Kurve zeigt Truur
so wie a jedem Spieltag - e Faggle als Zeiche drfür
eh lääre Stuel stoht in dr Kurve - wo dr Dave setti stoh
so wie a jedem Spielttag - und nie me wieder s'isch kum z'verstoh

fyr e FCB gebore - im Joggeli von uns gange
stoht do als Nochricht fyr alli - fyr immer als Foto igfange
So blyybt uns nur lääri - und e alte Sagg voll mit Gschichte
als Errinerig a dä Mah - schön isch gsy mit dr z'Brichte
dr Dave het uns vorgläbt - a jedem Match wo är isch gsy
FCB Fan chasch nid wärde - FCB Fan das muesch si

[Fcb Freak]

Von mir aus auch R.I.P. Sehr Tragische und Traugrige sache wo bei uns im joggeli pasierte.

[Spucknapf]

R.I.P Dave
Ich has grad ersch erfahre
Weiss öbber genauers zur Beärdigung und würd mr die Infos zuecho loh?

[footballclub basel]

Liebe Freunde von Dave

Wir müssen Euch mitteilen, dass Dave (David Alexander Striebel) am Samstag, 19. Oktober 2019 im Kreise seiner FCB-Freunde an einem plötzlichen Herzstillstand verstorben ist.

Wir laden Euch ganz herzlich zur Abschiedsfeier ein
Datum: 9. November 2019
Zeit: 13:30
Ort: vor dem Fanshop, Joggeli

Falls Ihr später kommt, findet Ihr uns ab 15:30 im «Saal 12»
(Weidengasse 53, 4052 Basel)

Brigit
Cyril und Lea
Anina
Dieter
Caroline und Roland
Christine und Markus mit Pia

Da Dave immer ein Mann der Geschichten war, würden wir gerne möglichst viele davon Sammeln, wir waren ja leider nicht immer selber dabei.
Wir würden uns sehr freuen wenn Ihr eure Geschichten (sowie auch Fotos welche ihr von ihm habt), welche Ihr mit Dave erlebt habt auf die folgende Mail Adresse schicken würdet:

davesgeschichten@gmail.com

«Don't Panic»
Douglas Adams, The Hitchhiker's Guide to the Galaxy