cantona hat geschrieben:Für e Barfirundi mit em BMW sött me drastischi Strofe ihfiehre. Ufem Märtplatz an Prangerstelle odr so. Odr me beschlagtnahmt s Auto und duet dene Affe drmit e Usbildig finanziere.
Neubad-Velofahrer represent! Nur willde us em Balkan kunnsch heisst das nid, dass de zwingend e riese Auto muesch fahre, zum vom Gundeli ins Glaibasel go Hajdin. Ich kenn uf jedefall einigi us dere Region wo sich wie "Neubad-Velofahrer" benämme und nid e riese Drang nachme M5 hän.
Dass d Elsässer alli mitem Auto kömme isch au e Fakt, ha ufjedefall no nie öppis anders gseh in persönlicher Erfahrig. Vieli vo dene wohne halt au in irgendemne gmietliche Dorf und vo dört us mit em Bus und denn Zug uf Basel z ko isch allwä scho um einiges miesamer, vrständlicherwies mache sy das nid freiwillig.
Lüt wo in BS wohne...sötte kei Auto bruche um ind Stadt z cho. Aso wie de weisch wohni im Gundeli und bi no nie in mim Läbe mit em Auto ind City. Entweder z Fuess d Heuwoog durab oder wenni is Glaibasel ha miesse, denn hanni s Trämmli gnoh.
Trotzdäm hanni vili Kollege wo uffem Land wohne und die chömme halt au nit alli mit em ÖV.
I finds guet wenn d Lüt animiert wärde de ÖV z benutze aber es muess do kei Hetzjagd geh...wenn Lüt vo chli wyter wäg s Auto benutze.
Das mit em Barfi isch sowieso oberpyynlich. Vo mir us ka mr d ganz Innerstadt als autofreii Zone verändere.
Und das wäg de Elsässer isch wirgli e gueti Idee.
I ha eifach öppis gege so links-grieni-Hippies wo knapp e Abstimmig gwunne hänn...und jetz meine, dass alli Bewohner vode Stadt uffs Velo umstyyge sötte.
I ha ganz eifach kei Bock meh mit mine 30 joor...uffem Velo schwitze odr bi Räge im Businessazug durch de Verkehr düse...aber hey...jedem das seine.
Mir im Gundeli sind wohl die erschte wo sich über de Verkehr beschwere sötte aber mein Gott...es isch schlichtwäg nit möglich dr Verkehr z reduziere wenn d Stadt wachst und wachst.
