andreas hat geschrieben:Das isch halt dr Pryys vo dr guete Verdailig.
Stell dir vor, dr OB miesst dr Verkauf sälber organisiere. Er würd weniger Tickets
verkaufe und miesst usem Sack no Aagstellti zahle für d Kasse. An Ticketcorner
göhn d Gebühre, die sin immer glyych hoch, wohl öppe 3-5 Frangge pro Ticket.
Isch doch überall so hützutags. Z.B. e Hotel muess d Zimmer uf hotels.com und
co. usschryybe, und zwar für z diefe Pryyse. Das mache die au nur, will suscht
d Lüt zue dr Konkurränz göhn und me sälber gar kaini Lüt me het.
Wieso weniger Tickets vrkaufe?
99% vo de Lüt wo das Spiel gönn go luege sind eh Basler und kaufe sicher nid e Wuche vorane sone Ticket, wennmes jo gmietlich bi dr Schütze ka kaufe. Und für die wo unbedingt ihre Platz in dr Mitti vo dr Tribüni wänn miesst me halt ei Obe lang e Vorvrkauf mache und denn het sischs. Mein Gott, das isch e Cup Spiel, erschti Rundi, für das brucht me doch kei Ticketcorner. Dä brucht me so odr so nid. Und für so Späss wie Tickets vrkaufe ka me au Juniore ihsetze odr Trainer odr suschtigi Mitglieder wo denn halt e Brotwurscht und e Bier drfür kriege, so lauft das imne Vrein. Me kriegt und me git.
Und das mit de Hotels macht au kai Sinn, meinsch ohni Ticketcorner gönn d Lüt e andere Match go luege? Denke nicht. Vorallem gits OB au syt fascht 120 Johr, die wärde doch e Ticketvrkauf für ihres Stadion ahnekriege.
Abr jo, langsam ha au ich gnueg umegflennt. Weich findis zwor witerhin, abr ändere ka mes jo eh nid.
Achtung: Yakin-Bashing!