Kawa hat geschrieben:
Abgesehen davon vermummen sich ja nur Feiglinge die etwas anstellen wollen ....
Das tönt plausibel. Immerhin hani entgege der Prässemäldig vo der Zircher Bollitsei keini Vermummte gseh und es isch au nüt agstellt worde.
Und no das us der Prässemäldig:
Während 50 Minuten weigerten sie sich, sich einer Personenkontrolle zu unterziehen. Erst nachdem ihnen ein Ultimatum mit Androhung einer Verzeigung wegen Hinderung einer Amtshandlung gestellt wurde, löste sich der Widerstand.
Au das isch - mindestens in mim Fall - gloge. Ich ha nie mitgriegt, dass me sich miesst/soll lo kontrolliere. Ich bi dervo usgange, mer wärde ufghalte, zum e Zämmeträffe mit de Zürcher Fans z verhindere. Eimol e unverständlig lisligi "Mega"phondurchsag vo de Schmirläppe und denn nur no Grücht unter de Fans. Und froge hesch au kei Bollizischt könne, will sie uf öppe 10 Meter Abstand zwüsche sich und de Fans bestande hän. Jä nu, denn het me halt gwartet. Und denn d Kontrolle äxtra langsam und nur bi eim Durchgang. So Ändi 1. HZ wäre mer im Stadion gsi. Aber ebe, zum Glück het me d Billije könne zrugggäh. Hani stark gfunde.
Und jo,
au vo mir e ganz e härzliggs Danggeschön an d SK. Spitzeaktion.
Anonymus hat geschrieben:Lass dich nicht unterkriegen!!! Dass ist doch genau das, was sie wollen.
Leider hesch Du völlig rächt, denn au ich ha mir in der Wuet hüt gseit "Nie wider sone Schissdräck!" I bi zwar bi wittem kei Allesfahrer, aber uf e Usswärtsspiel ab und zue möcht i nid verzichte. Aber in Kuehzunft wirdi wohl wider uf eigeni Fuscht mit eme reguläre Zug go. Mol luege ob sie eim us der 1. Klass schmeisse wenn me Rot-Blau azoge isch
S Edith maint no völlig zue Rächt:
E ganz grosses Dankeschön und big Respect au an d Standbetriiber im Letzi für die yskalte Gratisgetränk wo sie uns offeriert hän, während mer vor em Stadion hän miesse warte. Schliesslig hätt i s verstande, wenn grad die uf FCB Fans nid so guet z spräche wäre.
Und d Zwillingsschweschter vom Edith maint no:
Nadirlig au härzlige Dangg an FCB wo gwunne het und an alli Fans wo sich aständig ufgfiert hän und sich nid hän lo provoziere (und das sin alli woni gseh ha).
