rotoloso hat geschrieben:Wär Fuessball liebt, dä liebt gwüssi Fuessballkünschtler wie sie bi Barça und anderi Grossverein unter Vertrag sinn. Das heisst nid dass ich mi nid sehnlichscht e Sieg vo unserm FCB wünsch (au wenn i genau weiss, nid emol e Wunder würd länge).
Ich lueg ständig au Fuessballspiel vo Mannschaft wo ich nid Fan bi, z.b. hütt Real - Juve, me ka jo sage was me will aber do kömme träffe ganz grossi Fuessballstars ufenand und das losst jede Fuessballerhärz höcher schloh, nid?
NEI
liebi zum fuessball isch ungleich liebi zum GROSSE fuessball..
ich kah vo mir behaupte dassi sit ich klei bin jede scheiss im tv lueg wo mit fuessball ztue het. trotzallem kanni ehrlich vo mir behaupte dassi nid emol gwüsst han, dass hüt real-juve spielt. au jetzte wonis weiss wirdis nid luege (und nid willi e trötzler gegenüber dr CL bin), wills mi schlicht und eifach nid interessiert...
wenni ehrlich bin könnti dir ussert buffon, del piero und no e paar anderi näme dir nid sage wär bi juve und wär bi real spielt. schlicht und eifach wills mi nid interessiert...
genau s gliche mit barca.d familie kunnt vo barcelona. sit ich klei bin, wachsi mitem 2te verein "barca" uf. ich mag mi no genau an d 92er finale vo wembley ulnd am koeman si goal erinnere, aber könnti dir hüt irgendöppis über barca sage? irgendwelchi spieler (mol abgseh vo dene wo sit joore bi barca kigge)? irgendwelchi biographie? irgendwelchi schlagerspiel in dr liga?
nei kah dr nid und nid willi kei fuessballfan bin, sondern schlicht und eifach wills mi nid interessiert. fuessball isch für mi so viel mehr als näme..
p.s.: für mi als person wo au nöch mitem morgige gägner verbunde isch, sind nid die grosse näme (e messi isch mir morn SO ÖPPIS VO EGAL ob dä spielt oder nid) oder die grosse erfolg das wo dä super verein usmache. nei, s spezielle an barca isch, dass sie e eigeni philosophie hend. barca isch konstant. sit ich dänke kah isch barca immer s gliche. barca isch prinzipiell mol catalunya. für das spielt dä verein! weder für spanie, no für sponsore, sondern einzig und allei für catalunya. barca isch aber au dä top-verein wo am meiste uf d nuttene vo spieler scheisst. wie oft in dr gschicht sind spieler vo barca enteckt worde, sind raffgierig worde und sind denn nach italie oder zu real gange?
nei barca isch viel mehr als irgendwelchi stars wie messi, ronaldinho, ronaldo, maradoo usw, barcelona isch d nationalmannschaft vo catalunya! wenn morn blaugrana im joggeli uflauft isch das für uns kei ehr will in ihre reihe e paar vode beste fuessballer in dr historie gspielt het, sondern es isch e ehr für uns wills die EINZIG mannschaft (miteme sone erfolgspalmarés) isch, wo au für WIRKLICH öppis ihstoht...
