Witeri Infos zum Ablauf und de Tickets gits vor Ort.
Wie Hohn tönts, wenn d Stadtpolizei Zürich plötzlich vo Deeskalation redet und im gliche Schriibe e ganzi Reihe vo Gründ ufzellt, um unsere Marsch erneut iizkessle. Mir könne die Verantwortig nit übernäh und wärde dorum dr Extrazug und die erneuti Eskalationsstrategie umgoh!
Witer sig erwähnt, dass es sich bim Ticketprozedere vom Samschtig um e Teschtlauf bezüglich Kombiticket handlet. Quasi durch d Hintertür will me do e zuekünftigi Massnahm für d Gäschtefans teschte: Kei Internetverkauf, kei Tageskasse, Tickets usschliesslig im Extrazug!