in der 1. thorsten saison het der fcb ä 2-3-3 bilanz gha, in der 2. mehreri pünkt überflüssig verlore, und das johr ä 1-3-2 bilanz.
hets der thorsten verbockt oder sinds übrigi faktore gsi, dass me zu beginn nid gnueg punktet het ?
in der 1. kei kritik am coach, eifach zum erkenne, dass der erfolg am afang beschränkt isch, do hets mehreri wuche durt, bis jede die offensivi philosophie korräkt agwändet het, über johre hets technische elemänt kei bedütig mehr gha.
in der 2. wenn überhaupt beschränkti kritik am coach, der sheriff abeknalle het finanziell bedingt eifach priorität gha, dopplets engagement isch nid möglich.het der sheriff priorität gha, me het gmerkt, dass team und coach die wuche nid ufem level gsi sind.
die saison ordentlichi kritik am thorsten, me isch zu beginn eifach zu überheblich ufträtte und nümm gnueg gierig gsi, bis me gmerkt het, dass das engagement nid gnüegt und weli bedütig der vatter im team het, jetz wo är retour isch het me defensiv kei müeh meh.
fazit isch eifach, dass der fcb 2mol glück gha het, dass unsri konkurränte am änd nid souverän gsi sind, und das johr, dass die übrige teams nid dominiere. irgendwenn isch irgend ä team nid am verdödle und die pünkt, wo mer am afang verliere, nümm zum korrigiere.
