Schnitzelbängg 2008

[gruusigeSiech]

Clocharde
Hammerharte Verse. Super!

[panda]

ich schmeiss meinen Rekorder zum Fenster raus, wenn der das auch dieses Jahr nicht aufgenommen hat...

[jay]

ich schmeiss meinen Rekorder zum Fenster raus, wenn der das auch dieses Jahr nicht aufgenommen hat...

OT: http://www.youtube.com/watch?v=uyPPigFadZE

[gruusigeSiech]

Luuszäpfe
Naja

[Rey]

OT: http://www.youtube.com/watch?v=uyPPigFadZE

nur geil, uralt zwar aber nach wie vor geil.
aber das in einem schnitzelbangg thread?? ZONK
DAT GEIIIT

[Arcanis]

in thun, me mags kum glaube
het me sich entschyyde e neys stadion z baue
und zum d mannschaft motiviere
het me sich entschide
e kindergarte z integriere



weiss nümm vo wem

[Crane]

e Froog: wo chame am Mittwuch go Schnitzelbängg luege? Ich und e Kolleg wänn is chli amüsiere^^
Chame do eifach in e Baiz oder muess me reserviere? Mr hän eigentlich nid vor gross go z'Nacht ässe, ehnder gmietlig öbis dringge und chli bängg lose.

[Arcanis]

e Froog: wo chame am Mittwuch go Schnitzelbängg luege? Ich und e Kolleg wänn is chli amüsiere^^
Chame do eifach in e Baiz oder muess me reserviere? Mr hän eigentlich nid vor gross go z'Nacht ässe, ehnder gmietlig öbis dringge und chli bängg lose.

hotel basel
mövenpick am barfi (oft voll)
fischerstube (chöme eifach nit soooo vil bängg)
schlüssel
safran (voll völler safran)

[panda]

gmüetlich Bängg lose ohni z ässe isch sowit i weiss fascht niene möglich... allefalls im stadtcasino. dört hämmer vor 2 johr glaub 20 stutz itritt zahlt, aber ohni konsumationspflicht. häbse kasch au ohni z ässe, dört zahlsch aber no mehr und s kömme weniger bängg

[macau]

in thun, me mags kum glaube
het me sich entschyyde e neys stadion z baue
und zum d mannschaft motiviere
het me sich entschide
e kindergarte z integriere



weiss nümm vo wem

Ich habe noch ein paar andere Thunfisch-Verse gehört, einer in etwa

FC Basel ist Spitze, Thun-Spieler sind nur spitz...


Und ein Hammer Martina-Somg

Melodie: http://www.youtube.com/watch?v=V3eZoBkydcU

statt Anita --> Martina

Ich kann mich nicht an den ganzen Text erinnern, nur ein Vers:

wele Tennis Crack
het Koks im Gepäck
MARTINA...

[DrSharki27]

Liebe Marcel, do hesch di bees verspeegguliert,
Dr guet Rueff vo dr UBS isch ruiniert,
Falls de denn e neie Job suechsch - kenne mir dir saage,
Du kasch vo uns uss s näggscht Joor unseri Helge draage.
(Babberlababb)

Dr Marcel Ospel griegt jetz nur no zwei Millione
E so duet s Schaffe sich jo wirgglig nimmi loone.
Kai Bonus - es isch scho schlimm, no greesser isch dr Schregg,
won äär erfaahrt - fir ihn gits kaini Reka-Check.
(Die Penetrante)

Ass d UBS z Amerika vyl Gäld abschriibe duet,
das findet au dr Marcel Ospel in Ziri nimm so guet,
und doch maint är: Ich has im Griff, dotal, s laufft nyt verkehrt,
kai Angscht, ich ha scho in dr Schuel perfäggt abschriibe glehrt.
(Schnaabelwetzer)

Finde Si nit au grad daas Joohr - s hilft kai Murre,
mien Ospel und Vasella unde duure?
mir hoffe, sehnligscht ass sich s Schicksal doch no wändet,
und frooge: Hänn Si scho für Zweimol-Wienacht gschpändet?
(d Zahnstocher)

Im Läggerlihuus gits bald e Aktion,
me ka Läggerli bschtelle am Delifoon,
Dr Huusliferdienscht sott beschtens klappe,
es bringt si uff em Velo - em Mirjam si Babbe.
(Gratzbürschtli)

Dä beesi Blocher het me ghasst,
drum het men jetzt au uuse gschasst.
Me wäält derfir als bsundere Trumpf,
die Frau Bundesreetin Widmer-Schlumpf,
Noomool e Frau - jetz kumm y druss
Au z Bärn gits jetz e Frauehuus.
(dr Waggis)

Bisch geege dr Bush, denn duesch McDonalds boykottiere,
Als fromme Moslem kasch e Schungge nit goutiere,
Als brave Bebby waisch, dass mir kai Ziri-Gschnätzlets ässe sotte,
Bisch in dr SVP - isch s Bindnerflaisch verbotte.
(Dootebainli)

Dr Roger, unsere Tennis-Maischter
Deubelet, sisch ai Desaschter
Wo dr Schiri gaitscht: «This Ball is out»
Hett är kuum syne Auge draut
Die wysse Linie - dasch nit glooge
Hett wiider d Hingis inezooge.
(D Rambasse)

[DrSharki27]

«Äh mis Mami, äh hätt gseit, äh», blauderet si wine Binggis
«Äh ich find das alles äh so lässig, lallt s Martina Hinggis
Zem so sidig kenne schwafle muess si nid emool vyl biffle,
Sondern numme s Pulver us dr Zuger Gschirrmaschine schniffle.
(Die Gsalzene)

Eb Wäschmaschine, Tömbler oder Gschirrspielautomat,
D Martina isch fir soone Wärbig jederzyt parat,
Im Tennis isch si zwar no guet - hett aber ebbis dräggslet,
Het s Wäschpulver halt dummerwys mit Kokain verwäggslet.
(Rotznaase)

In dr Schwyz hän mir mee wie siibe Bärge
Und z Bärn woone imene Schloss unseri siibe Zwärge
Dr Roger isch dr Prinz - schteggt alli in sy Täsche
Und s Schneewiddli Hingis isch mit allen Pilverli gwäsche.
(Mässmögge)

Ich hane Linie Koks in d Nase gsnifft,
kräftig gsoffe - zwei drei Gugge kifft,
denn fahr ich Auto - völlig vo dr Rolle,
und scho kumm ich in d Verkehrskontrolle,
jetzt fahr ich Velo - alsno zue - wisset ihr was?
ich gwinn - ihr wärdets gseh - eso die näggschti Tour de France.
(Dr Vogel Walther)

Si macht Wäggselbeeder mit - die armi Hillary,
mänggmol isch si lutt und mänggmool ischs e stilleri,
Und fallls si gwählt wird, bahnt sich für dr Bill e Drama aa,
Si stellti schyynts als Praktikant denn dr Obama aa.

Wenn mir als us dr Fläsche dringge,
und brinzle dien im Stoo.
Wenn mir uns statt em Birchermiesli
E Pizza leen lo koo,
Wenn niermerts us dr Kuchi riefft:
«Hesch grad e Minütli?»
Jä, denn isch erscht Auguscht
Und d Fraue fyyre uff em Rütli.
(d Syydiaane)

S bruucht jede Hehr si Gwehr - das briele d Eidgenosse,
Mir laischte Gegewehr und hänn grad z laid beschlosse,
es gäb nur ains wo uns drey Fraue wurd entlaschte,
S Gwehr ins Züüghuus und dr Maa, dä kunnt in Kaschte.
(d Zahnstocher)

E Gweer im Kaschte fieri halt,
lut Fetz zue eheliger Gwalt,
Yverstande - aber graad wäge dääne Gwalte,
wett y wenigschtens my Helm none bitzeli bhalte.
(Peproni)

[DrSharki27]

So wies usgseht kennt Ihrs doch glatt vergässe,
im näggschte Summer ab em Grill e Glepfer zässe,
Bi unserer Lieblings-Wurscht bestoht - ob kalt oder warm,
wäge dääne z Brüssel en akute Darm-Alarm,
Sehr wohrschynlig griegsch denn d Wurscht
als flüssigs Breili uffe e Disch,
und wird erscht denn zum Glepfer, wenns denn
dur e Maage duure isch.
(Bangg-Ghaimnis)

E Mamme schmaisst Kinder in Dood, ganz elai,
Drei Gnäggis vergeen sich am Gschpänli dehai,
Im Gimmi verschiesst aine sämtligi Lyt,
und mir hänn e Task-force fir Cervelat-Hyt.
(Schooffsuuri)

Z Basel herrschi Grossarlarm - sait mir dr höggschdi Schugger
Alles numme wääg däm Harry Potter - hols dr Gugger,
Da käm exakt um Mitternacht - das fänd me do nid glatt
Basel syg scho ohni dä die gröschti Gaischderstadt.
(Stächpalme)

Mir sinn halt scho e bitz enttüscht vom Harry Potter,
Well mir dr Meinig sinn, als Zauberlehrling sott er,
doch au e Trick in syner Zauberdäsche haa,
as me sy Buech au z Basel z Nacht verkauffe kaa.
(Gasladärne)

Ich bi dr Blatter Seppeli
Im ganze Land bekannt,
Bi friener s flottischt Bürschtli gsi,
hüt bin ich e Vagant.
Muess luege dass my FIFA macht,
Waas ich befoole ha,
Und läbt d Verwandtschaft guet dervoo,
goht Eych daas au nyt aa.
(GluggerSegg)

Anstatt uff d Balle und mänggmol e Schutt draa,
konzentriert sich Thun uff s Kamasutra,
die kenne jetzt alli Erotik-Arte,
und griege derfür e rooti Karte.
(Fäärimaa)

D Schugger hänn jetz deutschen Schliff
Und d Hooligans scho jetz im Griff,
Wär aagryfft - so hänn si das gleert,
Wird verhaftet und hinderegeschpeert,
D Schwyz gwinnt d Euro, daarfsch frologge,
Well d Gegner in dr Kischte hogge.
(Bebbi-Buebe)

Wenn in dr Schwyz Formel 1 kasch gseh,
und in Minchestai hets e grosse See,
Und dr Couchepin sy Huet wurd neeh,
denn gwinnt sicher au emool dr EHC.
(Alperöösli)

Im Altersheim zum Dootedanz - sin alli über sibzig,
Die hänn sich gsait «Sport im Alter» jo das wär no witzig,
No sin die go ne Mätschli spiele - was chunnt, duet fascht scho weh,
Mit 12 zue 3 hänn die gwunne - gege dr EHC.
(Bajass&Omega)

Feschte, suffe z Nacht goh schoppe, dasch z Basel soone Sach,
trotz Kultur für jede Buur, wään d Basler z Nacht kai Grach,
Me mechti hitte s ganzi Joor numme no sy Rue,
Waas uns fält isch d Stärbehilf, no mach mer d Stadt denn zue.
(d Uffeschtuehler)

Wie doch das Gschäft mit de Tourischte guet floriert,
kuum hämmer s Wohnmobil am Waldrand kurz parkiert,
kunt ain mit Kerze, ain mit Tee und ain, wo häggslet,
Jä nai, jetzt hänn die uns mit Dignitas verwäggslet.


En Unfall? Jä, was Si nit saage,
Ich chumm grad mit mim Chrankewaage,
S liggt ein im Bahnhof Ittige,
unter eme Bärg vo Gratiszytige.
(Doggter FMH)

Dr Papst Benedikt erklärt bim Abendmahl,
Mir Katholike, mir sinn s Original.
Jä, denn sind doch, nur das isch dumm,
Mir Proteschtante halt s Genericum. (Doggter FMH)

Parkrumgebyyre, und denne no Strossezoll,
Benzinzueschlag, Styyre, das find ich nit toll,
Drum haani, well s ainiges weniger koschtet
En Easyjet-Umwält-Abonnement boschtet.
(Anggewegglimaiteli)

[Beizensportler]

messi für poste vo all dene bängg!

Bi bis im summer in Thailand und ha scho Angscht ka, uf alli Bängg müese zverzichte

[Zapfe]

gmüetlich Bängg lose ohni z ässe isch sowit i weiss fascht niene möglich... allefalls im stadtcasino. dört hämmer vor 2 johr glaub 20 stutz itritt zahlt, aber ohni konsumationspflicht. häbse kasch au ohni z ässe, dört zahlsch aber no mehr und s kömme weniger bängg

Im Theater kasch au go Bängg loose und muesch nytt ässe. Ych waiss aber nit wievyyl das koschtet (woorschyyns au um die 20 Hämmer). Es kemme aber ainigi verby..

[Jamiroquai]

bi am mäntig im mövenpick gsi...

isch ziemlich öd gsi

thema 1: Blocher
thema 2: Hingis
thema 3: EHC

alli schnitzelbängg die gliiche sprüch....

nägscht johr bitte me abwägslig

[Barty]

bi am mäntig im mövenpick gsi...

isch ziemlich öd gsi

thema 1: Blocher
thema 2: Hingis
thema 3: EHC

alli schnitzelbängg die gliiche sprüch....

nägscht johr bitte me abwägslig

naja... isch halt jedes joor so... bi hüt zobe im "zorn" und ha am tv au scho vil gseh... ha chli bedänke... wird wohrschinlich au nid grad so dr knaller...
wobi i muess sage, dass s'durchschnittsniveau massiv höcher isch wie no vor 5 joor oder so... het aber weniger spitzebängg

[dr poet]

für mi s highlight vo däm johr: Doggter FMH

eifach wältklass!

[Bender]

für mi s highlight vo däm johr: Doggter FMH

eifach wältklass!

Jäääh, Sie!!


Ich fand's Rysblei super stark. Feine Pointen, stark vorgetragen. Dazu der Hunde/FCZ-Banng vom Banggeheimnis, sensationell!

[Barty]

Ich fand's Rysblei super stark. Feine Pointen, stark vorgetragen. Dazu der Hunde/FCZ-Banng vom Banggeheimnis, sensationell!

weiss nüm vo wäm... dr schlumpf-värs mit em rotblaue oberschlumpf und de idiotische wiss-blaue het mi fascht vom stuehl ghaue... hani alli im saal drmit grächnet, dass es irgendwie mit dr schlumpfine ztue het oder so... aber eifach so fadegrad gege d'züricher isch dr knaller gsi...

[pluky]

Jäääh, Sie!!


Ich fand's Rysblei super stark. Feine Pointen, stark vorgetragen. Dazu der Hunde/FCZ-Banng vom Banggeheimnis, sensationell!

hat das ryssbley denn jetzt auf einmal zu singen gelernt? solange der kerl in jeden vers alle 24 dur-und moll-tonarten packt, ist er für mich absolut ungeniessbar.

[dr poet]

Jäääh, Sie!!
Dazu der Hunde/FCZ-Banng

Der mit dem Schutt in arsch war sensationell

[basler]

Jäääh, Sie!!


Ich fand's Rysblei super stark. Feine Pointen, stark vorgetragen. Dazu der Hunde/FCZ-Banng vom Banggeheimnis, sensationell!

dä isch dr hammer

Usserdäm isch jede Bangg uf hochem Niveau!

[DanceForMe]

Hinter dr Kirche stoot e Pfaarer umme, hebt e Biebli an dr Hand.
Hinter dr Kirche stoot e Pfaarer umme und hebt du2019Hand.
Stoot dr Pfaarer umme, hebt im Biebli du2019Hand,
lüpftu2019s em Pfaarer su2019Gwändli wie vo Gaischterhand.
Hinter dr Kirche stoot e Pfaarer umme und hebt du2019Hand.
(Staubwolgge)

Zerscht paggsch en uss und luegsch en aa,
ziehsch an dr Hutt und schmeggsch denn dra.
Mit Hutt und Hoor e Klepfer ässe,
kaasch wäg em Plastigg glatt vergässe.
Dr Minu schloot sofort Alarm;
e rächti Wurscht die gheert in Darm.
(Staubwolgge)

I haiss Martina Hinggis, schnupf mänggmol Kokain,
du2019Schuppe vo mym Frind und wenn y nyt ha halt Strychnin.
Y bi so hool, y bi so hool - und fyyl mi wool.
Ungschminggt hetu2019s mi friener schampar gschuuderet,
doch hyt biu2019n ych e staile Zaan, wo su2019Nääsli puuderet.
Y bi so hool, y bi so hool u2013 und fyyl mi wool.
E Wöschmaschine han y in dr Kuchi stoo,
su2019Wöschpulver zieh y yyne, denn y kau2019s aifach nit loo.
Y bi so hool, y bi so hool - und fyyl mi wool.
(Staubwolgge)

[Barty]

dr mittleri vo dr staubwolgge het bi uns dr saal dermasse gschockt, dass allne s'ässe im hals stecke blibe isch... alli hän welle loshüüle vor lache und kein het sich getraut... x lüüt mit zündroote keepf...

[Lucy in the Sky]

I
Und ein Hammer Martina-Somg

Melodie: http://www.youtube.com/watch?v=V3eZoBkydcU

statt Anita --> Martina

Ich kann mich nicht an den ganzen Text erinnern, nur ein Vers:

Do hesch dr Text (gottseidank gits Internet!): http://www.bebbi-baengg.ch/Groobschlaechtige.htm

[Hervé]

dr mittleri vo dr staubwolgge het bi uns dr saal dermasse gschockt, dass allne s'ässe im hals stecke blibe isch... alli hän welle loshüüle vor lache und kein het sich getraut... x lüüt mit zündroote keepf...

De isch für e Schnitzelbangg au unter dr Gürtellinie...




...aber i find en au glatt

[Cuore Matto]

Ein Geheimtipp für die nächsten Jahre: Schnapsbagge

Diese zwei sind goldig:

In dr Bar Rouge oobe frogt mi e Kätzli nääbedraa,
wo n'i e Martini bschtell, ob en gschyttlet oder gryhert mecht ha.
I sag: "Dä Verglych mit em James Bond isch guet, do git's nyt z'ryttle,
und i wär sehr gryhert, wenn's mer ain wurde schyttle."




Hey Mann tschöss - Fasnacht - isch voll Bullshit Mann, isch voll Scheisse
Hey was isch Mann - wenn so Vollarsch maint, muess mir Orangsche aschmeisse?
Aber waisch Mann - Goschdym - isch voll fett cool Mann, jetz muesch loose
Isch so voll geil Mann - wie Özgür sini Trainerhoose.

[Bender]

Der mit dem Schutt in arsch war sensationell

Hab ich im Mimösli zum ersten Mal gehört, und noch 10 Minuten später gelacht

[Bender]

Zerscht paggsch en uss und luegsch en aa,
ziehsch an dr Hutt und schmeggsch denn dra.
Mit Hutt und Hoor e Klepfer ässe,
kaasch wäg em Plastigg glatt vergässe.
Dr Minu schloot sofort Alarm;
e rächti Wurscht die gheert in Darm.
(Staubwolgge)