chickens**t hat geschrieben:wenn de sone tour mitem doppelstöckige bus machsch griegsch es biechli mit guetschin. döt isch au eine debi fürs camp nou. griegsch glaubs 10% uf tickets (in barcelona händ sie dspiel in verschiedeni klasse iteilt. das heisst das spiel gege Real und anderi topmatch klasse A spiel sind, für die griegsch die reduzierig nit.) aber inecho söttsch glaubs fascht immer, muesch eifach in kauf näh dass de z'oberst obe sitzisch im camp nou ( und das isch wiiiiiiiiiiit obe!!!)
jetz waiss i, was i in minere empfääligslischte no ha welle schriibe!
so ne byyljee fir dää bus koschtet zwar 15 euro (zumindest vor drey joor so gsi), isch aber 24 stund gültig und s gäld uff jeede fall wärt, vor allem, wenn s erschte mol in barcelona bisch. kunnsch relativ schnäll duur die ganzi stadt, fahrsch an allne, wirgligg allne wichtige ort verby (camp nou, sagrada familia, haafe, park güell (mit em beriehmte schlangebänggli vom gaudi), wasserspiil
, montjuïc mit em olympiastadion vo 1992 ...)
s guete draa isch, ass aifach an jeedere haltstell noch beliebe kasch yy- und ussstyyge und aigentlig nie lang muesch warte, well all baar minute wieder so ne bus kunnt.
und wenn au numme d hälfti vo dääne sehenswürdigkaite, wo me mit däm bus gseet, mit dr u-bahn oder sogar z fuess wottsch go besichtige, denn hesch mindestens dopplet so lang und zaalsch woorschniinlig erscht no mee!
usserdäm würd i mi no informiere, me bim tourismusbüro (am plaça catalunya, allerdings unterirdisch, me muess es e bitz sueche) e "barcelona-card" kaufe. bi nimm ganz sicher was alles inbegriffe isch, aber zumindest kunnsch denn an de maischte ort billiger iine und evtl. kasch sogar mit däre karte gratis u-bahn fahre. bi mir het's uff jeede fall rentiert!
falls dir uff klassischi muusig steen: s liceu isch ains vo de bekanntischte operehyyser wältwyt! im yygangsberiich het's e laade mit viilne klassische cd's (logischerwyys vor allem opere) zue erstuunlig ginschtige pryyse!
und doo du jo mit dr frindin goosch: unbedingt emol uff em plaça reial go znachtässe!!!
, macht nüt, hauptsach mr chöme ine und sötts nit klappe, hani irgendwo vo so Wasserspiel gheert..., das söll au no ebbis si..... 
Wäre ja ein krasser Zuschauer Auflauf...
) 