RALE BALE hat geschrieben:naja, sooo glich sind dChance au nid.... e Kind us richer Familie hets bedütend eifacher (well gsponseret vom Mami und Papi) e STudium durezsieh, und-oder mol 50% zschaffe, well me Zuesatzusbildig mache wott als ärmeri Mensche. Somit sind dErfolgschance höchstwohrschinlig nid glich. Usserdäm gits sehr wohl unteschied bi de Geburt, bzw. in de erschte Joor als Goof. Was hesch Du defür, dass Du vo Eltere uf dWält kunnsch, wo weniger begabt sind (us wellne GRünd au immer)? Die könne logischerwys weniger Wüsse ufsuge und Verhaltensmuschter wo wichtig wäre abluege. Klar sind do dEltere schuld. Wenn Du in sonere Family aber inegebore wirdsch, hesches doch einiges schwerer als, wenn in sone schlaui RALEBALE FAmily inegebore wirdsch!
Ah jo und vil Spass, wenns kei Lagerischte, Medisverpacker etc. mehr gäbti. Sind wichtigi Prief in unserem Wirtschaftssystem. Ganz zem Schwyge vo de ganze Soz. Prief wo massiv unterbezahlt sind. Naja em Tuborg sini Lösig, wäri wohl überheblig zsage, dass die Lüt jo sälber dä Job usgwählt hän... wär jo perfeggt, wenn ab sofort Randgruppene nüm betreut würde wärde, well sich alli e andere Job sueche
Wägem Auti... mir isch das Auti eigentlig nid so wichtig, es git diversi Mögligkeite. Es isch aber immer bedänklig, wenn me Alltagsguet de Bevölkerig wägnimmt und es als Luxusguet deklariert.... Vil Familiene wo agwiese sind ufs Auti hätte do massiv problem... aber ebe sind jo sälber schuld..
Nanana do legsch mr aber e huffe Züg ins Mul woni nid gseit ha. Also Chancengleichheit im Sinn vo "alli händ glichi finanzielli, DNA-erbtechnischi etc Mittel" isch Blödsinn. Loht sich nid emol im theoretische Kommunismus irichte. Wasi mehrmols betont ha isch, dass es e Jede sälber in dr Hand het, ob är sich e bitz Mieh git und öbbis erreicht oder ob är e fuli Sau isch wo Null Bock und somit Null Chance ufem Arbeitsmarkt het. Es het uf jedem Niveau Jobs und Möglichkeite, öbbis z'wärde. Dass nid jede studiert und Chefarzt ka wärde isch relativ klar. Aber me ka jo au ohni Studium eifach e solide Schuelabschluss mache, e Lehr nid eifach afo und 3x abbräche weil me grad kei Bock me het uf ufstoh, lehre oder schaffe, sondern durezieh. Nach dr Lehr kame bitzeli schaffe und sich denn zB witerbilde wemme mag. Sin alles Möglichkeite wo allne Lüt offestönd. DAS hani gmeint. Und d'Chance dass eine im Denner für 2800.-- netto (?) goht go Büchse uffülle isch denn eher gross, wenn är z'ful gsi isch, sich in dr Schuel ane Minimalstandard z'halte, e vernünftigi Lehr z'mache (und abzschliesse), und denn bi de erste 1-2 Jobs e vernünftige Leumund (Arbeitszügnis!) z'erarbeite.
Natürlig gizs immer Sottigi und Sottigi, aber d'Tendänz sott doch jetz ändlig klar si wasi gmeint ha oder?
Und dass au sogenannt "niederi" Arbeite sehr wichtig sind hani au scho betont. Ohni Strossewüscher, Mistkübelmänner, Putzfraue, Krankeschwestere, Büchseuffüller, Migros-Kasseschnägge usw wärs relativ schwierig, au das bestritet absolut Niemerts, ich möcht keine vo däne Jobs gringschätze. Es isch nur eso, dass me's bis zumene gwüsse Grad sälber in dr Hand het, ob me ebe 0630 im Denner stoht oder ob me öbbis Vernünftigers mit entsprächend bitzeli mehr Kässeli ka schaffe. Und au wemme 0630 im Denner stoht isch das kei Ändstation, au dört kame sich uffeschaffe. Und am Ändi het sich übrigens halt doch e Jede si Job sälber usgsuecht. Es het jo au nid jede die gliche Asprüch und Neigige.
Dr Punkt isch nid, dasi behaupt, Alli händ dr glich Startplatz, sondern dasi behaupt, e Jede het sini Möglichkeite (dr Eint e bitz mehr, dr Ander e bitz weniger), aber e JEDE het die freii Wahl, ob är si Potenzial möchti usschöpfe (dr Bügsefritz wird Filialleiter, dr Briefträger bildet sich witer zum Posthalter, dr KV-Löli wird Abteiligsleiter, dr Jurist wird Notar, usw...), oder ob är lieber ful umehoggt und s'Läbe lang jommeret über si Schissjob wonär het und wie gemein Alli sind, weil sälber isch me jo nie Schuld. Ok?
Stichwort Auto. Ebe ob und in welne Fäll e Auto Luxus isch und wenn nid isch e Diskussion für sich. Weni aber die sogenannti Volkspartei ghör wo umeproletet (Ueli Murer dä Wichser), Soz-Hilfe-Empfänger bruche nid jedi Wuche Fleisch ufem Tisch und e Färnseh scho gar nid, denn kunnt mer s'Kotze.
Mi Meinig isch aber trotzdäm, dass Bappe Staat nid eifach jedem Sozi-Empfänger e Kaare sponseret, in dr Regel bruchsch das nämmli nid wirgligg zum zur Arbeit fahre wenn de keini hesch, und e Kind stirbt meistens au nid wenns halt mitem Trämmli ins Training fahrt. Ich hoff du gspürsch mi. Es goht nid um Gringschätzig, sondern eifach um d'Realität, dass Sozialhilf nid e bequäms Läbe mit Zuebehör, sondern e Basisunterstützig in dr Not sotti darstelle. Und wenn dr Einti goht go krampfe zum mit 4 Netto Frau und 2 Kinder durebringe und denn übere luegt, wo dr Ander täglig mitem Soz-Hilf-Auto nachem Usschlofe in dr Wältgschicht umetuckeret, denn stimmt öbbis nid.
