Zubi: Bechunsch vo mir e 5,5. Är het dr chaschte suuber ghalte, het paar ganz tolli Paradene (wieso heisst das eigentlich Parade???) zeigt. Dr 6er het är nid, will die beide mol, wo är dr Ball uf d Tribüni bölzt het, es uf mich nid so "Oli-Kahn"-mässig gwirkt het, sprich nid wie e Topgooli, fascht scho bitz nervös. Aber sunscht absolut tadellos.
Magnin: Dä isch eifach dr Hammer. Vo mir e 6,0. Dä lauft rossi-mässig viel, het s Temperamänt vo 3 Südamerikaner und git ächt bis zum Schluss nie uf. Dä wird uns in dr Türkei no fähle.
Müller: Ha mi ehrlich gseit nid so uf ihn g'achtet gha, isch nid soo ufgfalle (eigentlich es sehr guets Zeiche für d Vorderlüt), aber d Defense isch jo unter sim Kommando absolut stabil gstande, Note 5,5.
Senderos: Shit, dä isch no jünger als ich, aber hinde isch är dicht und vorne potänt (wie me im Blick-Jargon sage cha). Für mi die absoluti Zuekunft für d Nati-IV. Note 6,0
Däge: I ha immer bitz Problem mit em Däge (mit beidne). Klar, beidi hän en geile Drang zum Offensive, das gfallt mer, aber irgendwie die überheblich-arrogant-ich-ha-scho-soo-viel-Fuessballerfahrig-Usstrahlig, wo si uf mi hän.. die kackt mi eifach bitz a. Aber, mich deucht, dr P. Däge het si Job hüt au sehr guet gmacht. Viel Rushes nach füüre, defensiv mit em Gygax guet abgsproche gsi, doch Däge, hesch en 5,5er verdient.
Vogel: I ha dä früehner nie möge. Arrogant, als Mittelfäldspieler eifach z wirkigslos gsi, aber jetzt füehrt är das Team uf em Fäld (näbdra wüsse mers jo nid) absolut guet und au erfolgrich, was ich am afang nid dänkt ha. I glaub, dass es ihm ächt guet tuet, bimene absolute Topteam unter Vertrag zsi und meh merkts em au a. Klare 5,5er.
Gygax: Hmm... i ha so d Tradition, dass ich Nati-Spiel immer mit mim Papa lueg.
Nid lache, gwüssi Traditione muess meh au mit 22ig no pfläge. Und in minute 60ig öpe het är zu mir gseit:"Du, die spiele hüt jo super, aber dr Gygax isch hüt scho e Pfluume". Ha em rächt gäh, will die erschti Halbzit lang isch s Spiel total a ihm verbi gange. I ha zumindescht s Gfühl gha, dass isch z'viel abverlangt gsi vo mir. Cha aber au si, dass är halt au, will är grad die erschti Chance soo beschisse abgschlosse het, sich grad nümm sooviel getraut het. Är het sich aber doch no gege Ändi vom Spiel gsteigeret. Nei, bi nid vom Beni beeiflusst. Mini eigeni meinig, är isch immer aspielbar gsi, het dr Ball füregnoh, in Strofruum gspielt (zwar nid sehr guet meischtens). Steigerig ämel ersichtlich. I gib em mol e 4.75. Cabanas: Ach, i find dä eifach so überschätzt. Und irgendwie gseht är, wenn dr Schiri ihm mol nid en Freistoss git, immer so us, als würd är grad afo gränne. Är isch mir nid speziell ufgfalle. Het är überhaupt mol e Freistoss becho? Sorry, aber i ha ihn hüt ächt nid viel gseh. Also, Bitchi Bananas, bechunsch e 5er.
Barnetta: Naja, chönnt en jo au Beretta nenne. Das isch wiedermol es Fuessball-Produkt vo däm meh mit Stolz sage cha, dass är CHler isch. Was dä um de Ball fighet, die Technik am Ball, wie är dr Abschluss suecht. Für mich au en ganz klare kandidat für d Note 6.
Strelli: Är het eifach dr Tritt nonig gfunde. I mach mer do eigentlich keini Sorge, d Stuttgarter wärde scho wüsse, worum sie ihn gholt hän. Nur isch halt sini Nati-Bilanz chli beschisse. 6 Spiel und kei Gool. Fascht scho Marco Grassi-mässig
Aber das isch en andere Marco und dr Streller wird mit stiegender Form scho no si Platz näb em Alex Frei chönne bestätige. Trotz verschwändete Goolschosse und wäge guetem Isatz geg ändi vo dr zweite Halbzit, dr Strelli bechunnt en 5er.Vonlanthen: Isch mir nid ufgfalle, zwenig Isatzzit, aber do ich au em Behrami e Note gib bechunnt dr Vonlanthen eifach do en 5er.
Behrami: I gib zue, i mein viel vo Schwizer Fuessballer zwüsse, aber irgendwie isch dä Behrami mir bis vor sim erschte Nati-Isatz total unbekannt gsi. Do är aber bi Lazio spielt wird är einiges uf em Chaschte ha, ha ich dänkt. Jo, hüt het ärs mit sim Gool und au mit sim Spiel bestätigt. I schrib em mol en 6er.
Köööbi: I ha immer s Gfühl, dass dr Köbi eifach sini Manne viel z'spot uswächsle tuet. I gseh das irgendwie immer als Fähler a. Hmm... Dr Erfolg git em Köbi aber rächt, 14 Spiel ungschlage und au in dr Barrage absolut uf WM-Kurs. Köbi, machsch es nid so schlächt, wie ich dänkt ha. Hättsch dr Gygax nid müesse spiele loh. *g* Wär aber au nid so überzügt, dass dr Huggel öpis bessers abglieferet hät. Vo däm här kei Fähler vo dr Köbi-Site här. Hesch dr au din 6er verdient Köbi.
Publikum: Au wenn die Fähnli-Aktion vom SFV us chunnt, es het Stimmig brocht und au schön usgseh. Also, es isch nid s Härzbluet vo de MK-Fans drin gsteckt, aber doch, s het d Mannschaft apeitscht. Das längt doch als uszeichnig.
So, das isch mis Geschriebsel. Notene sin viellicht bitz überrisse, was do dra liegt, dass dr Match mi sehr mitgrisse het.
Fazit: Sehr guets Spiel vo dr Nationalmannschaft, tolle Fuessball-Obe gsi, chönnt sogar eins vo de unvergässliche Spiel gsi si, wo mer mol unsere Goofe dervo wärde verzelle.
]Hallo ich bin auch kein Zürcher sage aber auch "Cervelat"![/QUOTE]
), Streller
