Wart no 10 Joor, denne wird dNostalgie no ine kicke und denne wirsch villicht das nomol anderst gsehMaster hat geschrieben: 28.05.2025, 10:49Dr erschti Teil stoht für mi immrno, i glaub das wird mr effektiv nie me so erläbe. E 2:1-Sig gege ManU füre Iizug in CL-Achtelfinal und es stöhn uffem Platz e Yann Sommer, Fabian Frei, Xherdan Shaqiri, Granit Xhaka, Alex Frei, Marco Streller, Valentin Stocker, Scott Chipperfield... (plus e David Abraham, Joo-ho Park, Aleksander Dragovic, Markus Steinhöfer, Cabral (Adilson Tavares) und dr Kusunga).Konter hat geschrieben: 25.05.2025, 12:08 Me het jo lang gseit, dMaischtermannschafte vo de Joore 10-12 isch eimoolig gsi und wird me so in däre Konstellation wohl nie me erläbe, mitem Basler Leadertrio Strelli, Huggel und Frei, junge eigene und ganz geile internationale Spieler. Ich will jetzt nid sage, dass die Mannschaft gester besser gsi isch, abr für mi het sie e ähnliche Kultstatus.
Basler Leitfigure mitem Tauli, Shaq, Dome und Albi.
Jungi eigeni talentierti mitem Leon.
Tolli internationali und Schwiizer Spieler, wo sich mitem FCB-Virus händ loh ahstecke.
Nid numme isch das e erfolgrichi Mannschaft, sondern e Mannschaft, wome sich voll und ganz ka demit identifiziere.
Das isch nit eifach nur regional, FCB, sondern au schlicht und eifach: Wältklass. Do sin uffm Fäld 4 Spiler gstande, wo vrmuettligg in dr Top5-Top10 vo de beschte Schwizer Spiilr vo allne Ziite sin.
Abr i schweif ab und wird nostalgisch.
Mi erinneret di aktuelli Mannschaft eigetligg ehndr an 2002 resp. di friehe Gross-Ziite. Au vom Spiler-Mix här. Und waisch was als näggschts kunnt? Mr schmeisse Celtic in dr CL-Quali use und rocke döt ab!
.Nai, ich verstand di scho au, die Mannschaft damals isch scho none Spürli spezellier gsi, abr ebbe ich find au die jetztigi Mannschaft richtig geil und hoff, dass dr Kärn füre paar Jöörli zämme blibt.
