FCB-Forum

Scott hat geschrieben:also y muess sage, lobworte hi- oder her...y ha s drummeli rächt schwach gfunde im grosse und ganze. schwächer als letschtjoor.

3-4 gueti sache drunte, 2-3 sackschwachi darbietige, rest ok. rahmestüggli mit usnahm gigi/gross dail wieder mol langwilig.

Musikalisch/Uffmachig vo de Glyygene han ys mehrheitlich guet bis sehr guet gfunde (schwächeri gits immer).

d Gluggersegg hän mi nidd so überzügt wie sunscht amme. De Peperoni isch sehr guet überekoh. Är gwünnt halt scho mit sinere Art (wie au de Schorsch "dozumols") und denn muess es gar nidd unbedingt e Topvärs syy, dass d Lyt Freud hänn an ihm - aber guet isch är gsi.

d Rahmestiggli sin schwach bis ganz schwach gsi - ussr das übere FCB. Han y sehr härzig gfunde und y muess sage, dass ych sogar s einte oder andere Dräänli vrdruggt ha. Öbbe am Afang wos um de 13. Mai gangen isch (Truurdräänli), oder au am Schluss wo mr gäge Ziiri Maischter worde sin (Freudedräänli) (nur hätte sie s Joohr 07 anstatt 08 nenne könne )

Alles in allem hetts mr gfalle. Me goht mittlerwyyle au nidd wäg de Rahmestyggli sondern wägem Musikalisch ins Drummeli (und vorallem um au s letschte Stygg Fasnachtsfieber wo no fählt in sy Körper yynefliesse z loh...)

Mayor hat geschrieben:...oder au am Schluss wo mr gäge Ziiri Maischter worde sin (Freudedräänli) (nur hätte sie s Joohr 07 anstatt 08 nenne könne )

y ha bis am schluss fest drmit grächnet es git no e 3-4!!! trauma

Mayor hat geschrieben:Alles in allem hetts mr gfalle. Me goht mittlerwyyle au nidd wäg de Rahmestyggli sondern wägem Musikalisch ins Drummeli (und vorallem um au s letschte Stygg Fasnachtsfieber wo no fählt in sy Körper yynefliesse z loh...)

y ha ebbe au scho darbietige nid so guet gfunde wie letschtjoor. vo de raamestiggli wott y gar nid rede.
klar, es isch schwer ebbis sensationells zmache jedes joor. aber wenn ei clique nach dr andere eifach uff d bühni stoht und eine herzlos anefiedlet, find y schwach. lieber e hundsnormale marsch, muess jo nid immer experimentiere si, ABER derfür mit härzbluet und suuber pfyffe und gruesst. s letschtere ha-n-y schwer bi einige vermisst und drum wohl au mi negativs urteil.

Scott hat geschrieben:y ha bis am schluss fest drmit grächnet es git no e 3-4!!! trauma



y ha ebbe au scho darbietige nid so guet gfunde wie letschtjoor. vo de raamestiggli wott y gar nid rede.
klar, es isch schwer ebbis sensationells zmache jedes joor. aber wenn ei clique nach dr andere eifach uff d bühni stoht und eine herzlos anefiedlet, find y schwach. lieber e hundsnormale marsch, muess jo nid immer experimentiere si, ABER derfür mit härzbluet und suuber pfyffe und gruesst. s letschtere ha-n-y schwer bi einige vermisst und drum wohl au mi negativs urteil.

hehe, das isch mir geschter genau glyych gange

sunscht han i's im grosse und ganze aber e guete joorgang gfunde (vo de raamestiggli emol abgsee - i ha nit ai ainzigs mool au numme e bitz miesse lache! das mit gigi und cg isch ok gsi, aber au nit unbedingt luschtig)

gluggersegg wääre ganz schwach, wenn si nit so guet kennte singe, die hoole mit iirem uffdrätte extreem viil uuse!

peperoooni e spitzejoorgang (mi favorit: s micheline mit em offside )

glygge zwysche duurchschnitt und wältklass

schotte: syt joore die bescht gugge am drummeli (hienerhut bi highland cathedral)

unter aller sau isch numme mi dischnoochber gsi
und s schungge sändwich het au gschmeggt, als wäär's no ains vom letschte joor

alles in allem bin i z friide gsi - d fasnacht ka koo

basel het e neui trendsportart: kääskiechli-baseball!

Gryff hat geschrieben:basel het e neui trendsportart: kääskiechli-baseball!

y ha gmeint y spinn wo mi dr bierschlitte im saal im zarte hauchdeutsch gfrogt het "wollen sie noch einen käsekuchen"

Gryff hat geschrieben:basel het e neui trendsportart: kääskiechli-baseball!

WIESCHT!!!

scheen: http://www.youtube.com/watch?v=8a2GvBqIZQE

do bekumm i grad wieder gänsehutt wenn i das hör...

Gryff hat geschrieben:basel het e neui trendsportart: kääskiechli-baseball!

und do no s'bewyysfotti drzue:

Was hänn dr zu de Dernière straich g'maint, het mi dunggt het e paar ganz gueti drunter gha....

Läggerlifreak hat geschrieben:Was hänn dr zu de Dernière straich g'maint, het mi dunggt het e paar ganz gueti drunter gha....

würdi au meine

Läggerlifreak hat geschrieben:Was hänn dr zu de Dernière straich g'maint, het mi dunggt het e paar ganz gueti drunter gha....

wenn den e gueten uffdritt hesch, isch s hald schambaar schweer en mit eme guete straich welle z toppe/verhuntze!