Fcb Freak hat geschrieben: 17.03.2021, 08:51
Heute im Telebasel Talk ca um 19.00 ist Herr Nationalrat Eymann zugast. Er hatte ja auf srf im Sportpanorama für pro Burgener und Herri ausgesprochen.
Ich bin in der Regel nicht dafür die Einmischung des Kantons,oder Regierungsrates fordern,aber in dem Fall könnten es sich die Herren Jans und Cramer ernsthaft überlegen ob Sie Vermitteln wollen und könnten.Zb Zwischen AG Führung und Fans.
Wie findet ihr das?
Has grad gluegt und cha am Herr Eymann nid überall zuestimme:
1. S Know-How isch nid vo eim Daag ufe anderi vrschwunde, soviel i mitbicho han sin dr Heusler und dr Heitz in dr Übergangsphase dr neue Fiehrig berotend zur Site gstande.
2. Was dr Herr Eymann nid seht isch dass wenn me nid zumene Dialog mit dr Fiehrig chunt, denn muess me ufeme andere Weg Zeiche setzt (z.B. Mahnmol). Au wenn vo dr Fiehrig immer behauptet wird me sig offe für Gspröch.
3. S gröschte Problem isch d Kommunikation und die liggt bi dr Fiehrig. Me weiss nid was dr Plan vo dr Fiehrig isch, me erfahrt s meiste nur us de Medie und weiss nid öbs wohr isch. D Fiehrig isch nid transparent und dörf sich dorum au nid beklage wenn Grücht so gstreut werde.
4. Dr Herr Eymann stellts chli so dar, als würd dr Unmuet momentan nur vo dr sportliche Leistig cho. Das stimmt nur bedingt, me weiss eifach nid wos anegoht und het Angst (siehe Punkt 3). I kenn gnueg wo säge das si lieber witerhin sportlich undedure gönd als mit sonere Fiehrig.
5. Die ganze Identifikationsfigure in dr Fiehrig sin weg (usser dr Cecca wo uf Indie outgsourced worde isch und dr Karli vo dem me nüt ghört), will si selber kündet händ. Me döf sich froge wieso die Persone gkündet händ.
6. Dr Her Burgener het am Afang gseit er möcht sich im Hintergrund bewege. Minere Meinig noch het er abr bi viel zviel s letschti Wort (das isch natürli nur e Vrmuetig). Do ghört au drzue dass me bis vor churzem gar kei Sportchef gha het (und jetzt sowas wie e Bindeglid). Und die guete Transfer sin minere Meinig am Herr Zbinden z vrdanke. Dr FC Basel isch nid eifach e Unternehme mit Kunde und do drfür isch minere Meinig dr Herr Burgener zfescht e Unternehmer.
