Quo vadis - Poesie?

[Schooffseggel]

Als Väärslibrinzler muess i saage
I fyyl mi nimm so wool do in
D Zensur-Wuet doo schloot uff e Maage
So macht doch s dichte weenig Sinn

Zwar wäärde d Väärsli toleriert
Wär Kommentär will schryybe
Dä wird drgeege zensuriert
Die Posts deerfe nit blyybe

I gib vyyl Zyt und Häärzbluet dryy
Due lang am Schrybdisch heggle
Wenn s Feedback glescht wird froog i glyy
Wär will mi ver(Schooff)seggle?

Als Dichter bruucht me d Reaggtioon
Gritigg bringt ain doch wytter
Isch si guet, no isch s mi Loon
Wenn nit, isch s Väärsli schytter

Wenn me als Admin all das lescht
Bringt d Dichtkunscht me ans Änd
So schryb i halt die Väärs, s schyynt s Bescht
Nur no ins Parlamänt


An dääre Stell e ganz e häärzligs Danggerscheen an alli, wo in de letschte Joor mini Väärs glääse und sich driiber gfrait, gnäärvt, glangwyylt, motiviert oder sunscht in ere Form aagsproche gfyylt hän.
Und e bsundere Dangg an all die, wo mir e Feedback (egal eb positiv oder negativ) gää hän (oder s zumindest versuecht hän, bevoor d Zensurfraggtioon wieder zuegschlaage het).

[Mayor]

Im richtige Momänt e tolle Värs vo Dir hett mi immer bewegt!

Y verstand Di Fruscht, aber nimms nidd tragisch! Im Parlamänt sin Sie wyterhin willkomme!

[*BEBBI*4ever!!!]

Absolut UNTERSCHTI was d Füürweehr aka Löschkommando FCBF widr mol abzieht...

Und widr emol e super Värs *drHuetziehundmivernaig!*

Loss di nid unterkriege, mir hän alli (dänggi emol) dini Värs immer gnosse
und gärn gläse, und wenni das do nümmi ka (bzw. dr kai Fiidbägg me ka gä),
denn wirdi halt jetzt no meh ins Parlamänt yyneluege...

ALLEZ ALLEZ ALLEZ ALLEEEEEEEEEEEZ, VORWÄRTS SCHOOFFSEGGEEEEEEEL!

[Latteknaller]

s forum vo de poete
zensurfrei

[Luigi]

wirdi halt jetzt no meh ins Parlamänt yyneluege...

Isch wohl s sinnvollste wo me cha mache. D Forum Admins do kömme mr vor wie dr SFV. Sie mache eifach irgendwas so hobbymässig, aber hän drvo leider überhaupt kei Ahnig.

Beachte: Mini Signatur

[andreas]

Isch wohl s sinnvollste wo me cha mache. D Forum Admins do kömme mr vor wie dr SFV. Sie mache eifach irgendwas so hobbymässig, aber hän drvo leider überhaupt kei Ahnig.

Beachte: Mini Signatur

Ebeso mini Signatur, isch aber noni so alt wie dini. I fins schad, dass z.T. gueti
Biträg glöscht wärde und anderi eifach blibe. Klar het me nid gnueg Zyt zum
alles finde, aber worum nid eifach meh stohloh und wirklich nur abschätzigs
lösche?

[FEDERER]

ich habe bis jetzt zwar noch auf kein versli reagiert, fand sie aber immer super und auch mit inhalt!, was nicht zuletzt dieser beitrag beweist. auch sind die reime erste klasse und nicht einfach 0815. Grosse klasse!!! ein problem des forums wird hier klar und gut angesprochen.

[Balisto]

Wenn wir schon bei entsprechenden Signaturen sind:
http://www.fcbforum.ch/member.php?u=192

[seth]

simples feedback vo mir: genial wie immer, beriehrend und träffend (wie immer)!

ps. hani dir eigentlig welle persönlig sage, das ich mi über dini värsli immer sehr freu

[Luigi]

Geil. Langsam hän immer meh Lüt e Signatur wos umd Zensierig goht. Wyter so!

[Suffbrueder]

meuterei wird nicht geduldet!

[Strizzi]

Hey Schooffseggel

Lass dich nicht unterkriegen. Deine Verse waren/sind eines der Highlight in diesem Forum!!

Nur wer auch Verse dichtet, merkt viel Arbeit hinter deinen Beiträgen steckt. Diese zu zensurieren ist nicht fair. Da gibt es viele unnützere Beitragseröffnungen. Also: Alles Schooffseggel, weiter so !!!

[Admin]

Zur Klarstellung: es wurden keine Verse von Schooffseggel zensuriert!

[Mayor]

Zur Klarstellung: es wurden keine Verse von Schooffseggel zensuriert!

Wär nätt gsi, wenn De nidd nur uff s letschte Post yygange wärsch, sondern au uff e Thread-Eröffner...

[Admin]

Es ist immer die gleiche Diskussion. Siehe Suchfunktion unter Stichwort "Zensur".

[-Vize-]

Es ist immer die gleiche Diskussion. Siehe Suchfunktion unter Stichwort "Zensur".

Hesch dä nid au scho glöscht.... *dückundweg*

[Mayor]

Es ist immer die gleiche Diskussion. Siehe Suchfunktion unter Stichwort "Zensur".

Do ych (glaubi uff jede Fall) no nie vo däm betroffe gsi bi, weiss ych au nidd was dört stoht! Ha mi au no nie dryygmischt wenns ums Lösche oder so gange isch, wills mr rächt am A**** vrbyy goht. Nur bim Schoofseggel sine Värs kan ych mir halt bim beschte Wille nidd vorstelle, dass dörte Antworte ko sin, wo unter d Zensur falle sotte (ha kai Ahnig was für Reaktione ko sin)!

Ha das Stichwort mol yygäh: Wenn ych unter "Titel" suech, denn kömme vier Themene (won y nüdd vo Dir find) und in Themene isch es mr z dumm go sueche was Du meinsch.

Wiexait, ych bi no nie betroffe gsi (änderet sich jez villicht ), aber in däm Momänt han ych gfunde Du kasch au uff e Eröffner und nidd nur uff s letschte Post yygoh!

[Yazid]

Jo super...

Denn lueg i halt amigs ins Parlamänt iine...

Immer 1A gsii bis jetzt, Schooffseggel!

[Luigi]

Ich find eifach s Forum läbt eifach au vo Blödeleie. Eifach mol irgendwelchi sinnlose Kommentär. Aber isch jetzt glich. Ich ha mi scho lang drmit abgfunde dass ich nach Kommentär vo mir suech wo scho lang weg sind und ich somit keini Antworte finde wird.

Wenn me im Schoofseggel in de Thread nümm danke darf, denn muess me halt si Postihgang überfülle.

[ellesse]

Ich find eifach s Forum läbt eifach au vo Blödeleie.

Für Blödeleie en masse gits wie scho erwähnt e spezialisierts Forum... mann, amigs kumm ich mir do vor wie imene Teenie-Chat... hän dir sunscht kaini sorge in eurem läbe?

[Schooffseggel]

falls es epper interessiert:

http://www.dasparlament.ch/showthread.php?t=3820

vyyl vergniege bim lääse und noo emol sorry, ass i mini väärsli nimm diräggt do yyne stell (begrindig vgl. aafang vo däm thread)