Beckenpower hat geschrieben:Und ob meh die Entscheid vergliiche cha. Nit inhaltlich sondern wägge dr Begründig vom SFV und do isch eimol dr sportlich Aspäkt in Vordergrund gschoobe worde (Xamax) und eimol dr regeltechnischischi Aspäkt (Gülle-Züri). Rein uffgrund vo däm chunnts zu däm Vergliich und drum isches au kei Wunder dass dr SFV s'Xamax-Urteil sicherlich nit uffs Parkett bringt.
I ha sälber scho chli recherchiert und keini Prezedänzfäll gfunde. Einzigi Möglichkeit wär no dr Liechtskandal vo Gülle, aber dört hett meh rein regeltechnisch chönne uff höheri Gwalt plädiere. Bim Xamax-SPiel isches schlicht finanzielli Gizknäpperey gsii sprich Eigeversage, drum cha meh die Spiel nit vergliiche.
Und zum x-te mol für di (will in de Threads scho besproche): s'Aarau-Spiel isch nit vergliichbar do d'Regle eidüttig gsii sin. Ebeso damals wo dr FCZ forfait verlore hett. In beidne Fäll sind d'Regle klar gsii, dr fählerhafti Verein hett jedoch die Regle vergässe/nit beachtet und uss Versehe en Regelverstoss gmacht, was zum rein rächtlich gseh korräkte Urteil vonere Forfaitniederlag gfüehrt hett.
Bim Muntwiler-Fall isches kei Versehe gsii, sondern Gülle hett sich uffgrund vo dr unklare Regelgäbig informiert und denn dr Spieler igsetzt, wissend um d'Regle und im Glaube dass die vo höchschter SFV-Sitte usegäbeni Regelinterpretation die richtigi isch.
Drum isch dr Muntwiler-Fall bishär au einzigartig, do d'Regle ebbe nit klar gsii sin.
dir sind wie die chleine Chinder...obwohl sowohl erstinstanzlich wie au
in Lausanne bestätigt sich St. Galle nid reglementskonform verhalte hett
behaupted dir immer no s'Gegeteil will dir d'Realität eifach nich chönd
sportlich akzeptiere...mit däm ha ich eifach verdammt mieh..
und nei Xamax isch ä ganz ä andre Fall spiel hett nonig stattgfunde
gha und isch drum sportlich uf ä andre Termin verschobe worde,
Züri - St. Galle und Aarau - St. Galle chasch aber sehr wohl mitenand
vergliiche...chasch nid nur muesch sogar...in beidne Fäll hett s'Spiel
zerscht stattgfunde und nochträglich hetts en Rekurs ghe...beidi
Spiel händ also scho stattgfunde und chasch drum nümm eifach
verschiebe. Drum isch die einzig sportlich Möglichkeit wo bliebt die
bestehende Regle z'interpretiere und denn z'Entscheide. Bi Aarau-St.Galle
isch entschiede worde dass en nid Spielberechtige Spieler igsetzt wordä
isch will nid lizenziert...bi Züri - St. Galle isch entschiede worde dass
en nid Spielberechtigte Spieler igsetzt wordä isch wo in dr. 1 Liga Mannschaft
vom Platz gfloge und eigentlich nid in dr Superleague hätt dörfe spiele
will er d'Sperri in dr 1. Liga nonig abgsässe hett...also eigentlich zwei
fascht identischi Fäll, es isch eigentlich sportlich entschiede wordä,
will reglementskonform, jetzt muend mir das nur no sportlich akzeptiere
wie's dr Chrigu hütt au im Interview xeit hett und nid wiiter umehuele
und druff bestoh dass jo unser Regelverständniss eigentlich richtig wär
und nid so wie Entschiede und bestätigt worde isch.
Ich hoff jetzt isch es aber au dir würklich langsam inegange und
hesch es begriffe.
Was no Stil hätt wär wenn dr Heussler vor d'Kamera wurd stoh und
wurd igestoh dass er sich mit siner Regelinterpretation offebar giirt hett.
