S 22 uff em Rugge - s 12 im Häärze

[Schooffseggel]

Du bisch nit aifach ain vo vyyle
Wo grad fir rotblau schutte dien
Und e baar Jeerli do verwyyle
Bis si zem näggschte Club denn zien

Kunnsch zwar au vo me fäärne Land
Doch hesch di yygläbbt do am Rhy
Fyylsch di wool, s liggt uff dr Hand
Du bisch mit Häärzbluet do derby

Fir di sin nämmlig blau und root
Nit nur zwai Farbe, nai s isch mee
Du waisch, ass daas viil diefer goot
S sin d Farbe doch vom FCB

Du waisch, was uns daas duet bedytte
S isch uns’re Stolz, s isch unser Häärz
In guete wie in schlächte Zyte
In grosser Fraid wie au im Schmäärz

Genau, wie mir, dr zwelfti Maa
Immer hinter dir dien stoo
Bisch du fir uns au immer z haa
Bisch fir uns Fans vo Basel doo

Fir di spiilt s iberhaupt kai Rolle
Eb grosse oder glaine Fisch
Fir di zellt nur – und daas isch s tolle
Ass me im Häärz drin rotblau isch

Du spiilsch nit numme wäg de Frangge
Du bisch mit Häärz und Seel derby
Do derfyr wän mir dir dangge
Bisch ain vo uns – wirdsch s immer syy

[Suffbrueder]

absolut erschti sahne, sehr geil. würd vorschloh, das mer im das sötte zueko loh..aber vilicht lister jo au im forum mit?

[wickedap]

schön und eifach numme zueträffend!

herrlich das mir di wieder so dörfe spiele (und singe & supporte... ) z'seh nach dä letschte joor!

merci ivan, grosse respekt!

[Basel Senator]

einer von uns, einer von uns ivan ergic ist einer von uns!

[IP-Lotto]

Kitsch isch mänggmoll soo schön!

[unbekannt]

ganz geil!!!

[nachtschein]

spitzeklass!!!

[rory]

die Värs aifach guet!

Danggerscheen drfir

[fcbscheelpoppsli]

Ganz geil!

S goht diräggt ins häärz

[z basel a mym ryy]

super.. gratuliere wirklich geil!!!
geht wirklich direkt ins herz¨!
hammer... danke

[Cuore Matto]

Geniali Värs - danggscheen!!

[Eckfahne]

Phänomenal! Geili Sach...

Vom Match in Thun:

[Eckfahne]

Bisch e geile Siech. Do no e Foti us Thun (Danke Nasty):

[robotnik]

Komplimänt!

[pinHEad]

Geil gschryybe, Schooffseggel. Dr Ivan wird immer ain vo uns blyybe.