laider het dr fcb mit 1:2 verloore
dr match het bi sehr spezielle witterigsverhältnis stattgfunde - es het e so saumässig gschneit, ass me kuum me vom ainte gool bis zem andere gsee het (vo de wisse linie gar nit z reede)! zuedäm isch es au no arschkalt und halt ebe nass gsi
eppe in dr 30 minute isch basel in fierig gange und het das resultat bis in d pause brocht.
fir die zwait halbzyt het me s spiilfäld miesse wäggsle, well dä raase sunscht ganz kaputt gsi wär!
ainigi zueschauer sin in dr pause offebar haim gange und so sin numme no grad acht persoone ibrig blyybe, wo dä match hän welle luege
thun jetz jetz dr match immer mee sälber in d händ gno und isch zue mehrere guete chance koo. aimool het unsere goalie mit de fingerspitze no kenne zem eggball klääre, e ander mool het dr pfoschte gholfe.
schliesslig isch thun denn aber doch no zem ussglyych koo.
basel het sich nomol uffgrafft und isch au nomol zue me gool ko, aber das het wäg e re offside-positioon nit zellt.
wenigi minute vor schluss denn viil päch fir e fcb. e hooche ball im stroofruum isch vo me aigene spiiler so ungligglig abglänggt woorde, ass är unhaltbar im aigene netz glandet isch
bsunders uffgfalle sin dr grippo mit ere tolle spiilibersicht und dr stocker, mit ere grosse laufberaitschaft.
bi thun het vor allem ai maa gspiilt: und dä haisst haberthür und het vor kuurzem no in rotblau in dr U-21 gspiilt.
wär waiss, viellicht griegt är bald e uffgebot fir die erscht mannschaft vo de bärner.
