Schnitzelbängg 2007

scoddy · Beitrag von **scoddy** » 26.02.2007, 21:47

So i start emol de offizielli Schnitzelbangg Thread!!

Mi Favorit bis jetzt sind d' Striggete ...

Vorallem ihre Abschluss isch de hammer

John_Clark · Beitrag von **John_Clark** » 26.02.2007, 21:49

Die Verlumpte sin aber au nid ganz übel gsi

panda · Beitrag von **panda** » 26.02.2007, 21:49

*argh mist, Recorder vergässe z programmiere...

Gascht · Beitrag von **Gascht** » 26.02.2007, 21:54

Wiederholung morgen um 9 Uhr.

scoddy · Beitrag von **scoddy** » 26.02.2007, 21:55

Wo isches eigendlig besser zum lose?

Basilisk oder Basel1?

panda · Beitrag von **panda** » 26.02.2007, 21:58

Gascht hat geschrieben:Wiederholung morgen um 9 Uhr.

Merci für e Tipp, i hoff i däng dra wenn i heim chum zums programmiere

(aluege duen is eh erst nach em Mittwoch - will mer s live-erläbnis nid kaputt mache)

Captain Sky · Beitrag von **Captain Sky** » 26.02.2007, 22:17

Die "Auswahl" von Telebasel ist bis jetzt eher lahm, ein paar Ausnahmen (Gwäägi, Striggede)...

unit_bs · Beitrag von **unit_bs** » 26.02.2007, 22:58

e tannebaum im klassezimmer das ghört sich eifach nit,
drum mache mir jetz au bi erziehig ohni religion mit,
und löhne unsri kinder nümme use in dr nacht,
wenn dr mond e sichle macht

oder so ähnlich

Suffbrueder · Beitrag von **Suffbrueder** » 27.02.2007, 08:23

dr uffgweggt isch di absolutti kröönig bis jetz! sooo geil. e baar uszüg:

Ganz ginschtig grangg si kame dank generika,
s ischs glyche dinn und trotzdäm sin die billig z ha
si wirke glych zem halbe pryys, drum wärs nid dumm
gäbs vom vasella au moll e generikum.

(als helge s joor 2007)
Wenn do e zwei isch, gheert e drey dert ane gschryybe
ych probier emoll e vier oder doch e siebe?
Dasch kei Sudoku-Leeser mit no wenig Ahnig
dasch d Eva Herzog an dr Basler Budget plaanig.

kurze zweizyyler:

S rieft z Istanbul dr Blocher: Gülle-gülle, lyt! (heisst aadie uf türkisch)
schwätzt är dütsch, änderet sich inhaltlich nyt!

Basic · Beitrag von **Basic** » 27.02.2007, 08:35

Mir Basler sinn scho gscheydi Sieche,
löhn d Äärde beebe, vo Basel bis Rieche.
Mir hänn d Technik und Lyt derzue, wo wisse wie mes macht.
Jetzt mien mers nur no aanegriege, dass es nur in Ziri gracht.
Nachtschwärmer

Cuore Matto · Beitrag von **Cuore Matto** » 27.02.2007, 08:43

Bim Penaltyschiesse gege d'Ukraine han i dänggt: "Das isch jetzt glungeu2026"
was macht dr Marco Streller do fir Bewegige mit sinere Zunge?
I ha's denn au probiert und sithär isch's fir mi e Uffsteller,
wenn d'Frau als zue mir sait: "Kumm, mach mir dr Streller"!

Schnapsbagge

Bender · Beitrag von **Bender** » 27.02.2007, 08:59

scoddy hat geschrieben:So i start emol de offizielli Schnitzelbangg Thread!!

Mi Favorit bis jetzt sind d' Striggete ...

Vorallem ihre Abschluss isch de hammer

Korrekt. d'Striggedde waren sehr gut! Auch gut fand ich den Singvogel und die Heiggle. Der Rest war ziemlich bieder ...

Arcanis · Beitrag von **Arcanis** » 27.02.2007, 09:31

do für die wo d striggede nonig gse hän

(eifach uf +18 klike)
http://www.veoh.com/videos/v2694756amMzwNj

Arcanis · Beitrag von **Arcanis** » 27.02.2007, 09:34

s'Schugger-Miisli seit zem Hundeli, chum mer luege C.S.I.-Gundeli

weis nümm vo wäm

smd · Beitrag von **smd** » 27.02.2007, 12:45

http://www.youtube.com/watch?v=gwLwJmG71bU

saint john · Beitrag von **saint john** » 27.02.2007, 14:16

Cuore Matto hat geschrieben:Bim Penaltyschiesse gege d'Ukraine han i dänggt: "Das isch jetzt glungeu2026"
was macht dr Marco Streller do fir Bewegige mit sinere Zunge?
I ha's denn au probiert und sithär isch's fir mi e Uffsteller,
wenn d'Frau als zue mir sait: "Kumm, mach mir dr Streller"!

Schnapsbagge

BaselStar · Beitrag von **BaselStar** » 27.02.2007, 14:20

Weiss öpper wie die heisse wo sprüch über gig oeri gmacht händ?

Rankhof · Beitrag von **Rankhof** » 27.02.2007, 14:29

Basel Fan 89 hat geschrieben:Weiss öpper wie die heisse wo sprüch über gig oeri gmacht händ?

do muesch scho konkreter wärde, öppe jede 3. Bangg hett e Oeri-Värs...

Suffbrueder · Beitrag von **Suffbrueder** » 27.02.2007, 16:17

Arcanis hat geschrieben:s'Schugger-Miisli seit zem Hundeli, chum mer luege C.S.I.-Gundeli

weis nümm vo wäm

isch vode groobschlächtige

Fritz · Beitrag von **Fritz** » 27.02.2007, 17:07

Hanslimaa

Fritz · Beitrag von **Fritz** » 27.02.2007, 17:13

S Tamara Wernli goot ganz penetrant uff Bsuech
und froggt: «Das Buech do das, das isch vo wämm si Buech?»
Dää sait: «S isch myns, das wär im Fall der Genitiv.»
Do rieft s Tamara: «Nai au, sind sii primitiv!»

(Die Penetrante, Comité-Schnitzelbank)

E Hund wo Durchfall het, e Buur, wo d Milch schyns ranzig isch!
Bym Wasserfallebähnli moolt me d Pföschte jetzt ganz frisch!
En überfahreni Wildsau und in Ziefe streunt e Katz!
Jä gälle Sii, dasch ebbis glatts, dä Regionaldail vo der BaZ!

(Striggede, Comité 2000)

Der Pegoraro ihre Maa
isch (a)sozial, me seht ems aa.
Är verdailt, was ihn nit steert,
e Huffe Gäld, wo ihm nit gheert.
Au d Calmy-Rey, die machts eso,
nur die muess nit in d Kischte go.

(Staubwolgge, VSG)

Dr Christoph Eymann findet d Basler Kinder syge dumm
vier Johr lang Primarschuel längt nit firs Gymnasium
Muesch säx Johr in d Primeli, bisch denn no immer z blööd,
isch kai Problem, denn d Basler SP suecht Regierigsrööt.

(d Räppli, VSG)

scoddy · Beitrag von **scoddy** » 28.02.2007, 20:25

Grad kört d'Pierro.

Eidütig eine vo de beschte in dämm Johr

basler · Beitrag von **basler** » 28.02.2007, 22:10

ganz klar s spitzige ryssblei!

ultio · Beitrag von **ultio** » 28.02.2007, 23:15

Bester Bangg auf Telebasel: Tam Tam

SHELLibaum · Beitrag von **SHELLibaum** » 01.03.2007, 14:33

ultio hat geschrieben:Bester Bangg auf Telebasel: Tam Tam

Das sin doch diä letschtjährige Schnaabelbryys Gwünner gsi (?)... diä hän uf jede Fall au dis Joor wieder e ganz starggi Leistig bote. Hämr au am beschte g'falle.

toaster · Beitrag von **toaster** » 01.03.2007, 15:13

Ich ha das Joor d Gwäägi super gfunde:

Me duet jetzt d Basler-Schieler norme,
mit dääne Noorm-Schuel-Unifoorme,
es kunnt ys alles wie im Mittelalter vor.
Me duet die Kinder so verglaide,
dass d sy bald nimm kasch unterschaide,
es herrscht e Glaideroordnig wie vor 100 Joor.
Kaini braite Hooseschliich
Und kaini Naabelfreye Biich,
jeedes freye Stiggli Hutt, das wird verdeggt.
Kaini Lyybli, träägerloosi,
nur no Bulli, die vom Groossi
und au dr blutti Rugge, dä wird jetzt versteggt.
Au die Girtel mit de Niete,
duet me wills gfäärlig isch verbiete
Uf dr Klassefotti suechsch di aige Kind.
Numme d Leerer, dasch isch schlimmer,
hänn dr gliich Saich a wie immer,
was ich maischtens au nid vordailhafter find.
Und wenn de luegsch im Unterschiid,
was uf dr Landschaft d Schieler dryybe,
die hänn zwar als no wieschti Glaider,
nur hänn die Lääse gleert und Schryybe.

Modern Times · Beitrag von **Modern Times** » 01.03.2007, 17:02

http://www.20min.ch/news/basel/story/18976667

(Unter "Bildstrecke" hett's e paar Bängg)

SHELLibaum · Beitrag von **SHELLibaum** » 01.03.2007, 17:31

Modern Times hat geschrieben:http://www.20min.ch/news/basel/story/18976667

(Unter "Bildstrecke" hett's e paar Bängg)

Die gueti Muetter Ärde kunnt rasant in di Wäggseljoor, Si schwitzt und tropft, het Wallige und zimmlig schütter Hoor. D Frau Schneider boort se aa und froggt, Was duet die soo bedrugge? He, wemme dir in di Falte sprützt, so foosch au afo zugge.

Dä isch dr Hammer ! Hani erscht jetzt gseh !

schneewittch · Beitrag von **schneewittch** » 02.03.2007, 16:01

mini favorite sind fäldschnäggli gsi

dr fcb im dief
so ainiges lauft schief
hollari, hollari hollarooo

wieso das eso isch
mir legge's uf e tisch
hollari, hollari hollarooo

dr sterjovski millä
dä brucht scho lang e brillä
holleri, hollari hollarooo

und geg dr zanni reto
legge mir y e veto
hollari, hollari holerooo

und au bym chrigel gross
isch nymme sehr vyl los
war git ihm ändlig sy verdiente gnadestoss

dr kampfsushi nakata
trifft heggstens mol an d'latta
hollari, hollari hollerooo

dr babbe malik ba
hett au e kappe a
hollari, hollari hollerooo

und dr costanzo franco
sufft z'vyl martini bianco
hollari, hollari hollarooo

und dr scotti chippie
kifft wie e alte hippie
hollari, hollari hollarooo

fä liebe fcb
es isch eso per se:
bald goht's dir wie dym stadtkolleg em ehc

dr eduardo ka nid laufe
drum sott me dä verkaufe
hollari, hollari hollarooo

und dr ruedi zbinde
ka kaini guete finde
holleri, holleri hollarooo

dr majs-torovic danni
isch glych schlächt wie dr zanni
holleri, holleri hollerooo

do wär jo no dr petric
dr dzombic und ergic
dr rakitic und smilianic, jä ic ic ic

und dr delron buckley
ich nur e dumme gwaggli
hollari, hollari hollarooo

und vo dr gygi oeri
do sait me, dass sy stoeri
hollari, hollari hollarooo

und dr josef zindel
ghert au no zu däm gsindel
hollari, hollari hollerooo

jä gliebte fcb
mir wysse, du kasch me
und das joohr wämmer d'schlegerei in ziri gseh

http://www.faeldschnaeggli.ch

Latteknaller · Beitrag von **Latteknaller** » 02.03.2007, 16:11

schneewittch hat geschrieben: und dr delron buckley
ich nur e dumme gwaggli
hollari, hollari hollarooo
http://www.faeldschnaeggli.ch

aber gwaggli reimt sich doch gar nicht auf böckli

FCB-Forum

Schnitzelbängg 2007

Schnitzelbängg 2007

Schnaabelbryys 2007 ans spitzig Ryssblei