http://www.muttenzerkurve.ch
Am 5.2 het d SBB ihri neui Strategie zu Extrazüg bekannt gäh. Nach em Vorfall in Altstette, wo d SBB uf behördlicher Site au beteiligt gsi isch, isch s Wort Extrazug für e Merheit kei Thema meh gsi. Dass d Extrazüg überhaupt wieder benutzt worde sin, het uf dr einte Site mit de attraktive Priise (10.-/20.-) ztue, isch aber schlussendlich dr aktive Muttenzerkurve und dr Ornella vom Fanprojäggt z verdanke. Sion, Vaduz, Luzern, Lugano etc., het jo alles sie mit dr SBB und uns organisiert kah u2013 und es isch guet gange!
Klar hän Extrazüg für d Fans au Vorteil. So könne mir rauche, singe, Fondue ässe, etc. Mir sin unter uns und es stört kein. Drfür hän mir aber immer wieder, usser in Züri und Lugano, uf Märsch vom Hauptbahnhof verzichtet, wo uns wichtig wäre. Wenn d SBB jetzt die Priise eifach wieder ahebt (u201Eeimol mehu201C ohni Rücksproch, weder mit Fans no mit Fanprojäggt)
gits für uns nach Bern, Luzärn und Züri sehr viel weniger Gründ dr Extrazug z benütze. (E Mehrheit isch im Bsitz vo Halbtax und Gleis 7)
Schlussändlig stellt sich eifach d Frog, wieso das jetzt wieder muess gänderet wärde. Genau jetzt wo d Extrazüg mit wenige Usnahme akzeptiert worde sin und mir au unsere Teil zum ene guete glinge vo dere Sach gleischtet hän (Flyer, Mischtkübelsägg, Durchsage, etc.).
Mir wärde nach Bern mit eme reguläre Zug an HB fahre und vo dört us zum Stadion marschiere.
Besammlig: 12.30 Basel SBB
Wie mer letzte Mäntig gseh hän, sin in dr Winterpause ganz viel neui Dhs und Schwänkfahne entstande. Verzaubere mer dr Gästesektor in e Rotblaus Fahnemeer!
