ChosenOne hat geschrieben:wissen "wir" jetzt eigentlich wie das Turnier im Casino Basel am Sonntag aussieht?
NL Hold'em
max. Teilnehmer 22
Blinds?
Stack?
Buy-In 100.-- ?
Ich ha am erschte turnier (14.01.) mitgmacht.
Mir sind z'dritt vo prattele us loszoge. Es het gheisse ka, me söll am 12i im casino si, um sich z'registriere.
Mir sind ca. 11.50 dört gsi, aber es het trotzdem scho sicher 20 bis 25 lüt dört ka, wo vor dr rolltreppe gwartet hän.
Am 12i sind denn alli ufegstürmt. Jede zahlt 100 stutz und zieht so ne iigschweissts kärtli. Dört druff stoht denn, an welem tisch du spielsch und an welem platz. Vor uns sind scho zwei tisch voll gsi, d.h., mir sind erscht spöter dra cho (tisch 3).
S'dumme isch, dass sie im casino immer no nur ei tisch hän. So muesch eifach ewig warte, bis emol dra chunnsch. S'casino het eigentlich an dem tag plant ka, dass es ab 14.30 zwei turnier git. Aber wo sie gseh hän, dass es dütlich mehr als 22 interessente het, hän sie beschlosse, 4 turnier z'mache und sofort z'starte. So het s'erschte turnier ca. am 12.30 agfange.
Mir sind denn endlich ca. 16.30 dra gsi. Ich bi usegfloge, dr einti kolleg us prattele het s'turnier gwunne.
S'niveau isch sehr tief. Meischtens sinds so internet kiddies, wo zum erschte mol im casino spiele. Das het me dütlich gmerkt, etlichi sind ufgforderet worde "korrekt" z'setze, zum byspiel wenn eine kei asag macht und denn 3 stapel chips hinterenand setzt und erscht denn e "raise" useloht. Oder me hets au gmerkt, wenn me bim showdown gseh het, mit was für händ d'lüt bis zum schluss mitgange sind. Vo dene lüt, wo suscht in basel chash game spiele, het kei einzige am turnier teilgnoh.
Ich ha denn spöter gfrogt, wieso sie nur ei tisch hän. Sie hän irgendwie problem ka mit ere genehmigung oder so. Ab märz sötte sie denn meh als ei tisch ha, hets gheisse.
Ich ha eimol mitgmacht, zum luege, wie das turnier so isch. Aber in dere form isch es für mi nid interessant. Muesch am 11i us em huus, muesch im casino astoh um dich azmelde und dörfsch denn ei paar stund warte, bis endlich emol dra chunnsch.
Es sött doch möglich sy, dass me e reservation cha mache. Vo mir us au so, dass me bim reserviere grad s'geld iizahlt, damit die lüt denn am turniertag au uftauche. So isch es eifach müehsam, do goht eifach dr ganzi sunntig druff.
Woher soll ich das wissen?
