ludwig van auf arbeitssuche...

[Ludwig van]

dr ludwig van isch ab em 1. februar arbeitslos, wil sis befrischtete arbeitsverhältnis denn beeändet wird sie... im septämber fang i sehr wahrschienlig e fachhochschuel ah... fyr d zwüschezyt suechi arbeit. Öbis uf mim erlernte bruef (kaufmännischer angestellter mit berufsmatur und 1.5 jähriger berufserfahrung auf ner bank) wär scheen, aber ich stell mi au uf e "job" ihu2026 händ ihr mir tipps, in welne u201Ebrancheu201C me guet e job härbekunnt, oder kennedr am änd sogar öber, wo e arbeitskraft suecht? Ob das jetzt u201Ekopiere und kaffi bringeu201C, verkaufe oder serviere oder was kaufmännischs isch, isch nid wichtig. danke für anregungen, ratschläge etc..

[einspielen]

spedition sin lüt gsuecht... aber isch so zimlich s härtischte ufem KV sektor...

[Ludwig van]

spedition sin lüt gsuecht... aber isch so zimlich s härtischte ufem KV sektor...

in wiefern hart? was sind möglichi firmene? was für vorussetzige bruchts defüR?

[Zemdil]

... was für vorussetzige bruchts defüR?

viel kriminelli Energie!

[nogomet]

ansonsten such lucie noch einen neuen chauffeur. zemdil passt gerüchten zufolge nicht mehr in den maybach, seine beine sind zu weit hinten montiert.

[Huber]

[quote="Zemdil"]viel kriminelli Energie! ]

hesch jetzt dä lustig gfunde?

[einspielen]

in wiefern hart? was sind möglichi firmene? was für vorussetzige bruchts defüR?

hmmm.. sisch hald rein vom umgangston usw. sicher eini vo de härtischte branche. zuedem sin d arbetszite teils recht unterschiedlich, sprich du gosch heim wenn dr letscht LKW abglaade isch oder so... so als bispiil.

dr rauhi umgangston muess nit negativ si, aber me muess drmit chönne umgoh. ich selber schaff au im Büro, in dr baubranche. isch worschinlich öbbe s gliiche. aber ebe, me muesses könne näh

[Zemdil]

hesch jetzt dä lustig gfunde?

nid im Gringschte! Das isch leider todärnscht ...

[Sharky]

spedition sin lüt gsuecht... aber isch so zimlich s härtischte ufem KV sektor...

aber wohl au s'spannendschte!
Vorallem muesch nit so uf s'üssere Luege wie uffere Bank oder Versicherig.
Dr Umgangston isch härter, hesch Konakt zu Chauffeure, Lagerarbeiter, Kunde, Partner uf dr ganze Welt....

Aber schaffe muesch!

Ich würd ni uffere Bank oder Versicherig schaffe....

[Mätzli]

aber wohl au s'spannendschte!
Vorallem muesch nit so uf s'üssere Luege wie uffere Bank oder Versicherig.
Dr Umgangston isch härter, hesch Konakt zu Chauffeure, Lagerarbeiter, Kunde, Partner uf dr ganze Welt....

Aber schaffe muesch!

Ich würd ni uffere Bank oder Versicherig schaffe....

Mir hänn 4 Johr als Spediteur glängt. No ha-n-y uf dr Banggseggtor gwäggslet. Y waisch scho worum.

[Ludwig van]

aber wohl au s'spannendschte!
Vorallem muesch nit so uf s'üssere Luege wie uffere Bank oder Versicherig.
Dr Umgangston isch härter, hesch Konakt zu Chauffeure, Lagerarbeiter, Kunde, Partner uf dr ganze Welt....

Aber schaffe muesch!

Ich würd ni uffere Bank oder Versicherig schaffe....

was wäre potenzielli firmene? was schafft me do? mir seit spedition gar nix, ha also au no kei erfahrig in dem bereich

[Mätzli]

was wäre potenzielli firmene? was schafft me do? mir seit spedition gar nix, ha also au no kei erfahrig in dem bereich

1. Lyt wo am Pult zämmeklappe, will si während dr Arbet vor Stress e Härzinfarggt hän. Ain hett emool e Närvezämmebruch gha und isch em Rhy entlanggloffe bis Rhyfälde, wo men-en uffgriffe hett.

2. Potentiell 60% Alkoholiker. D' Wiehnachtsfeschter in de 70-er sinn legendär gsi. Do isch jedes Hoolträffe e Kindergartefeschtli drgäge.

3. Miese Zapfe

Drfir bi-n-y am Aafang bi de Bänggler komisch aagluegt worde, wenn y myni Wuetaafäll gha ha. Isch aber scho e Zytli här.

[Ludwig van]

1. Lyt wo am Pult zämmeklappe, will si während dr Arbet vor Stress e Härzinfarggt hän. Ain hett emool e Närvezämmebruch gha und isch em Rhy entlanggloffe bis Rhyfälde, wo men-en uffgriffe hett.

2. Potentiell 60% Alkoholiker. D' Wiehnachtsfeschter in de 70-er sinn legendär gsi. Do isch jedes Hoolträffe e Kindergartefeschtli drgäge.

3. Miese Zapfe

Drfir bi-n-y am Aafang bi de Bänggler komisch aagluegt worde, wenn y myni Wuetaafäll gha ha. Isch aber scho e Zytli här.

Aber WAS FüR FIRME UND WAS MUESS ME MACHE???!!!

[mimpfeli]

1. Lyt wo am Pult zämmeklappe, will si während dr Arbet vor Stress e Härzinfarggt hän. Ain hett emool e Närvezämmebruch gha und isch em Rhy entlanggloffe bis Rhyfälde, wo men-en uffgriffe hett.

2. Potentiell 60% Alkoholiker. D' Wiehnachtsfeschter in de 70-er sinn legendär gsi. Do isch jedes Hoolträffe e Kindergartefeschtli drgäge.

3. Miese Zapfe

Drfir bi-n-y am Aafang bi de Bänggler komisch aagluegt worde, wenn y myni Wuetaafäll gha ha. Isch aber scho e Zytli här.

4. Computer wo zum Fenschter usefliege am Fryttig am 6i will no e LKW itruudlet...

Betr. 2. Oh jä. im Pult d'JD-Fläsche bunkere und ab und zue wieder emol e Schlüggli drvo näh....



D'Lehr uff Spedi gmacht, glaub so ziemlig die härtischti KV-'Schuel' wo de kasch duuregoh, aber drfür weisch nochhär was schaffe heisst.

[Zemdil]

Aber WAS FüR FIRME UND WAS MUESS ME MACHE???!!!

Die do im Züüg ummejage!

[Mätzli]

4. Computer wo zum Fenschter usefliege am Fryttig am 6i will no e LKW itruudlet...

Betr. 2. Oh jä. im Pult d'JD-Fläsche bunkere und ab und zue wieder emol e Schlüggli drvo näh....



D'Lehr uff Spedi gmacht, glaub so ziemlig die härtischti KV-'Schuel' wo de kasch duuregoh, aber drfür weisch nochhär was schaffe heisst.

Das stimmt. Wenn de emool bi -5 Grad im Freylager 5'000 Paar Schue noh Grössi sortiert hesch, als KV Stift notabene, und in zwai Stund mit em Kolleeg e 40 Fuess Container vo Hand ussglaade hesch, no waisch wie scheen e Fyyroobe ka syy. A maischte aagschisse hänn mi d'Zollformular und denn bi soneme Zöllner-Arschloch miesse dr Bückling mache, dass dr Camion no rächtzytig uusekunnt...

[dee 1]

Jessesgott...hän dir so Schäde vo dr Spedi drvo treit
Sisch sicher kei Schoggijob, aber meh seit jo nid umsunscht, dass wenn meh mol uf dr Spedi gschafft het, cha me überall schaffe.

[Starmaster]

gosch ufe strich

[mimpfeli]

[quote="dee 1"]Jessesgott...hän dir so Schäde vo dr Spedi drvo treit ]

Nöö, ich ha (zum Glück) kei Schade drvo treit, dass sinn Sache wo ich in dr Lehr erläbt ha....zT vo Lütt wo scho sitt e paar Jöhrli uff däm Bruef schaffe.

Ich ha ziemlig zügig d'Branche gwäggslet.

[Lou C. Fire]

ansonsten such lucie noch einen neuen chauffeur. zemdil passt gerüchten zufolge nicht mehr in den maybach, seine beine sind zu weit hinten montiert.

Das stimmt!
Ludwig sende Dein Dossier mit Referenzen an meinen persönlichen Adjudanten Huebi!

[Corpsegrinder]

Wenn es dir egal ist, ob die Arbeit legal ist oder nicht, du kein Zwuckel bist (d.h. unter 1.80m) und auch kein Knochengerüst bist, kannst du für mich arbeiten. Bei den Arbeitszeiten musst du flexibel sein.

[Sharky]

Jetzt gänd däm armi Ludwig doch e Antwort....

Also...im Export Bereich muesch dini LKWs mit Ware fülle, die Ware muesch bi verschiedene Kunde in dr CH abhole lo und im Lager zwüschelagere. Die Ware sötsch gwünnbringend in dini zue verfügig stehendi LKWs lade und ins Bestimmigsland bringe. Derzue muesch no alli Zollpapier zämmestelle und die komplett den de Deklarante geh (Zollfachmänner in dr Spedi), die kontrolliere nomol alles und gänn denn dr ganzi Bättel em Zoll ab. In dr zwüschezyt muesch mittem Lagerchef luege, dass alles richtig veralde wird. Muess jo au alles Platz uffem LKW ha, derzue no wenn möglich in dr richtige Abladereihefolg.

Dr Stress bim Export: Zytdrugg extrem. Denn me weiss meischtens ei Tag vorher was es zum abhole, bzw. zum expordiere git. Die meischte Export sind am Frytig. Also hole, luege das die War rächtzytig in dim Lager isch, dr Chauffeur wo die War am Frytig in dim Lager denn übernimmt, isch erscht am Donschtig bim Import inecho und muess no diversi Lieferige mache bevor er wieder füre Export bereit isch....dr CH-Zoll macht am 17.00h zue, d.h. muesch alli Papier vorher fertig ha. Wie obe erwähnt, hesch erscht Füürobe wenn dr letschti LKW glade isch und Zollpapier abgstämplet vom Zoll zrugg becho hesch. Je nochdäm wartisch bis am 9i zobe....usser me machts eso wie ich früehner und gib em Lagerchef dNatelnummere, so cha er mir denne bi Problem dehai alütte....aber das chasch erscht als Abteiligsleiter mache.

Ich find dr Export viel spannender, isch aber viel stressiger als dr Import. Ich ha 7 Johr Export England und Holland gmacht, sind die extremste Länder bim Export.

Bim Import chunnt dr LKW ihne, dWare wird abglade und verzollt. Sobald alles verzollt isch, muesch die Ware denn de Empfänger liefere. Die wän die War am liebschte grad bim Akunftstag, was aber fascht nie möglich isch, usser bi Direktuslieferige uffem Internationale LKW.

Denn muesch natürlich die ganzi Administration noch mache, wie Avisiere, Abrächne, Dossiers richtig zämmestelle, Abrächnige mit de Partner (Pool oder Ameta)

Du chasch aber au grad so guet in dÜbersee Abteilig, dört isch alles e chli ruhiger, do jo dLaufzyte e paar Wuche göhn und nit wie bim LKW 2-4 Tääg....

so in Etwa isch sSpeditionsläbe...

Firmene:

Natural (scheissbude)
BLG (Dito)
Danzas
Kühne Nagel
Crowe
Gondrand
Nauta
Frans Maas
Tollimpex
Allsped
Metzger / Richner

usw....

viel Spass

[Ludwig van]

danke sharky

[Mätzli]

Wenn es dir egal ist, ob die Arbeit legal ist oder nicht, du kein Zwuckel bist (d.h. unter 1.80m) und auch kein Knochengerüst bist, kannst du für mich arbeiten. Bei den Arbeitszeiten musst du flexibel sein.

Auftragskiller?

[einspielen]

Fiege

[Mätzli]

danke sharky

Er hat noch vergessen zu erwähnen, dass nicht nur der Zeitdruck riesig ist, sondern auch der Margendruck, was sich auf die Löhne auswirkt.

Aber wenn jemand gerne unter Druck arbeitet, mit Leuten aus allen Herren Ländern zu tun hat ( ich hab damals mit den Russischen Camionneuren Strumpfhosen gegen geschmuggelten Wodka getauscht; mitten im Kalten Krieg), dann ist das schon das richtige für ein halbes Jahr.

[prattela]

Wenn es dir egal ist, ob die Arbeit legal ist oder nicht, du kein Zwuckel bist (d.h. unter 1.80m) und auch kein Knochengerüst bist, kannst du für mich arbeiten. Bei den Arbeitszeiten musst du flexibel sein.

Türsteher

oder Zügelmaa, bevorzugt in Häuser ohne Lift und ab 5. OG

[hotdog]

Wenn es dir egal ist, ob die Arbeit legal ist oder nicht, du kein Zwuckel bist (d.h. unter 1.80m) und auch kein Knochengerüst bist, kannst du für mich arbeiten. Bei den Arbeitszeiten musst du flexibel sein.

Bi au uff Stellesuechi und entsprich 100% dine Aforderige. Wenn kani afange?

[Sharky]

[quote="Mätzli"]Er hat noch vergessen zu erwähnen, dass nicht nur der Zeitdruck riesig ist, sondern auch der Margendruck, was sich auf die Löhne auswirkt.

Aber wenn jemand gerne unter Druck arbeitet, mit Leuten aus allen Herren Ländern zu tun hat ( ich hab damals mit den Russischen Camionneuren Strumpfhosen gegen geschmuggelten Wodka getauscht]

Tja, so wie es scheint, hast du gleich die doofste Bude zum Arbeiten erwischt

Also mir persönlich haben die 7 Jahre auch gereicht, und bin jetzt froh, selbständig zu sein....

[Sharky]

Er hat noch vergessen zu erwähnen, dass nicht nur der Zeitdruck riesig ist, sondern auch der Margendruck, was sich auf die Löhne auswirkt.

Stimmt, und vergessen hab ich auch noch, das du als Disponent immer das Arschloch bist....