IP-Lotto hat geschrieben:... Das sing y immer em Gottibueb zum Yyschloofe. ...
singsch em lieber das do zum yschloofe (das, wo fett isch ganz lutt!!!)
Es wott es Froueli...
Es wott es Froueli z'Märit gah, z'Märit gah,
wott dr Ma deheime la, tra-la-la-la-la, tra-la-la-la-la,
wott dr Ma deheime la, tra-la-la-la-la, lala.
Hans Du muesch deheime blibe, heime blibe,
muesch de Hüener d'Eier griffe.
Im Ofe sy sächs grossi Chueche, grossi Chueche,
muesch mer o zu dene luege.
Am Abe, wo'sisch sächsi gsy, sächsi gsy,
si die Chueche gfrässe gsy.
U wo das Froueli hei isch cho, hei isch cho,
Ma, wo hesch mer d'Chueche glo?
U hei die Hüener alli gleit, alli gleit
dr Güggel het sis Ei verleit.
Do nommt si dr Hans bim Bärteli, Bärteli,
und rüert ne use is Gärteli.
Dr Hans, dä springt is Nachbers-Huus, Nachbers-Huus,
dr Chaschper luegt zum Fänschter uus.
Du, i sött dir öppis säge, öppis säge,
mini Frou, die het mi jetz grad gschlage.
O wärsch du ou scho geschter cho, geschter cho,
lueg, mini macht mer's ou eso.
Chaschper, mir wei zämeha, zämeha,
wei däm Froueli dr Gring verschlah.
D Froue sy es Lumpepack,
sy us Strou und Hudle gmacht.
Mir Manne sy ganz anger Lüt,
suffe viil und schaffe nüt.
Das sing y immer em Gottibueb zum Yyschloofe. Dangg dir kani hüt z Oobe villicht emol e biz me Variation dryybringe, als immer öbbe viermoll die erscht Schtroofe. Die 3. und 4. kame jo wägloo.
