9/11 - Alles lügen ?

[sergipe]

Meine Frage: Warum macht die US-Regierung immer so heimlich mit angeblichen Dokumenten und Beweisen?

[Rhykurve]

offizielli mitteilige (versione) usezgäh isch kei problem. Es isch au kei Problem die (wenn unregelmässigkeite uftauche) jederziit aazpasse und abzändere, so dass nach usse gseh d'Puzzleteili wieder zämmepasse. Will die meischte Mensche Lemmings sinn glaube si au jede schissdrägg wo Ihne durch regierige, Agenture, Medie usw. "vorgschisse" wird.

Verschwörigstheorie könne nie komplett richtig sin. Ei Teil sin nochrecherchierti Fakte, ei Teil sin Ahnahme und zämme verschmolze git das e Theorie. Es wird jo au ufzeigt, dass es bi diverse Verschwörigstheme mehreri Theorie git.

vo däm här gits für mi nur Theorie; "offizielli" und "inoffizielli".... und d'Wohrheit liegt irgendwo... villicht dezwüsche oder au neume ganz anders

[Tolkien]

Wohl aus aktuellem Anlass - nachdem sich der Spiegel erst Tagelang nur über den Film lustig gemacht hat...

http://www.spiegel.de/spiegelspecial/0, ... 47,00.html

Interessante Punkte aber auch einiges und Müll. Für eine detailliertere Betrachtung fehlt mir die Zeit. Was allerdings gut ist: "Vom Einschlag des Flugzeugs ins Pentagon veröffentlichten sie (=die Behörden) lange nur fünf Standbilder einer Überwachungskamera - erst seit kurzem ist der ganze Film zu sehen." Ja, jetzt sieht man 8 statt 5 Frames und noch immer kein Flugzeug

Übrigens: In Flugzeugen kann man bis 15'000m telefonieren, ganz locker...

[BadBlueBoy]

so sieht ein gebäude aus, wenn ein flugzeug reinkracht



und nicht so....

[Ein Freund der Familie]

Wohl aus aktuellem Anlass - nachdem sich der Spiegel erst Tagelang nur über den Film lustig gemacht hat...

http://www.spiegel.de/spiegelspecial/0, ... 47,00.html

Interessante Punkte aber auch einiges und Müll. Für eine detailliertere Betrachtung fehlt mir die Zeit. Was allerdings gut ist: "Vom Einschlag des Flugzeugs ins Pentagon veröffentlichten sie (=die Behörden) lange nur fünf Standbilder einer Überwachungskamera - erst seit kurzem ist der ganze Film zu sehen." Ja, jetzt sieht man 8 statt 5 Frames und noch immer kein Flugzeug

Übrigens: In Flugzeugen kann man bis 15'000m telefonieren, ganz locker...

nix neues... isch eifach d härti das me es paar studis wo sone film zämme bastle mehr glaube schänkt als allne medie, bewiis oder zügeussage... aber wohschinlig isch d wält so eifach spannender

[PeppermintPatty]

... noch ein konstruktiver beitrag zu diesem thema:

[El Capullo]

isch eifach d härti das me es paar studis wo sone film zämme bastle mehr glaube schänkt als allne medie

jäso, du glaubsch de Medie...?? dämfall glaubsch aber au no an Osterhaas, odr wie hämmrs?

[IP-Lotto]

nix neues... isch eifach d härti das me es paar studis wo sone film zämme bastle mehr glaube schänkt als allne medie, bewiis oder zügeussage... aber wohschinlig isch d wält so eifach spannender

Schyyns gäbts jo Bewyys, wome däne Studis könnt s Muul stopfe mit.

Wurum zeigt me se nit?

[Fenta]

Ich weiss nicht obs die Amis oder die Araber gewesen sind, ich weiss nur dass es riesige Arschlöcher waren.

word

[Fenta]

Wohl aus aktuellem Anlass - nachdem sich der Spiegel erst Tagelang nur über den Film lustig gemacht hat...

http://www.spiegel.de/spiegelspecial/0, ... 47,00.html

Interessante Punkte aber auch einiges und Müll. Für eine detailliertere Betrachtung fehlt mir die Zeit. Was allerdings gut ist: "Vom Einschlag des Flugzeugs ins Pentagon veröffentlichten sie (=die Behörden) lange nur fünf Standbilder einer Überwachungskamera - erst seit kurzem ist der ganze Film zu sehen." Ja, jetzt sieht man 8 statt 5 Frames und noch immer kein Flugzeug

Übrigens: In Flugzeugen kann man bis 15'000m telefonieren, ganz locker...

Ich als Vielflieger kann dir sagen, dass du in 15000 sicher nicht telefonieren kannst, es sei denn, du bist einer der raren privaten Besitzer eines Satellitentelefons.

[IP-Lotto]

Ich als Vielflieger kann dir sagen, dass du in 15000 sicher nicht telefonieren kannst, es sei denn, du bist einer der raren privaten Besitzer eines Satellitentelefons.

Dann sind die Telefonhörer in den Airbüssern und Boeings also nur Atrappen?

Wir werden Gopfridschtutz schon überall verarscht!

[Ein Freund der Familie]

Schyyns gäbts jo Bewyys, wome däne Studis könnt s Muul stopfe mit.

Wurum zeigt me se nit?

nomol...dr tolkien hed e guete link zue spiegel online postet... dört wärde so guet wie alli pseudo verschwörigs theorie erklärt und ufklärt... aber ebe... isch jo eh alles fake und wieder e neui verschwörig dehinter!

[gruusigeSiech]

nomol...dr tolkien hed e guete link zue spiegel online postet... dört wärde so guet wie alli pseudo verschwörigs theorie erklärt und ufklärt... aber ebe... isch jo eh alles fake und wieder e neui verschwörig dehinter!

Alle? Ne ne, mein Lieber ...

[IP-Lotto]

nomol...dr tolkien hed e guete link zue spiegel online postet... dört wärde so guet wie alli pseudo verschwörigs theorie erklärt und ufklärt... aber ebe... isch jo eh alles fake und wieder e neui verschwörig dehinter!

Hesch e harte Dagg gha? Oder d Baldriandröpfli vrgässe?

Oder wöttsch öbbe behaupte, dass de uff irgendeim vo däne Fötteli oder Ruckelvideos das Flugi gsee hesch, wo schyyns ins Pentagon dätscht isch?

Y weiss jo au nit, was schtimmt und was nit. Aber grad alles als Schwindel abtue - egal vo weelere Sytte - dunggt mi doch grad e biz aifach.

[El Capullo]

Y weiss jo au nit, was schtimmt und was nit.

das ganze Thema wird vrmuetlig au en ewig dunggels Rätsel blyybe wie die wohri Todesursach vo dr Marylin Monroe

[IP-Lotto]

das ganze Thema wird vrmuetlig au en ewig dunggels Rätsel blyybe wie die wohri Todesursach vo dr Marylin Monroe

Höggschti Zytt für e Lischte mit so unglöste Fäll.

- Ist Duplo wirklich die längste Praline der Welt?
- Warum sind sowohl Urin als auch Menstruationsblut in der Werbung blau?

[Ein Freund der Familie]

jäso, du glaubsch de Medie...?? dämfall glaubsch aber au no an Osterhaas, odr wie hämmrs?

ich arbeit sälber in de mediewält (pn falls wüsse wilsch in was fürere funktion) und weiss sehr guet wie manipulativ und verloge das business isch. aber hey, hesch den nids gfühl, wenn das alles fake isch (läbenslauf vo de terrorverdächtige, videos bim ichecke am terminal, züge, s abringe vom sprängstoff im wtc, s verschwinde lo vomene ganze jet etc.) würd irgendwenn mol eber d schnurre ufmache?

kai frog, d ammis händ wie immer vieli fähler gmacht bi de ufklärig und s ganze für sich gnutzt. aber wäge däm d auge vor de tatsache verschliesse find i abartig.

so verloge d medie au sind... so gäldgierig und uflage spitz sind si uf dr andere siite. kai mir bekannts europäischs printmedium würd im fall vonere verschwörig dere sach nid nochgoh, keins! würd viel z viel gäld bringe wenn ebis fuul wär und s den zem vorschin käm.

aber ebe... wieso de 1000 fakte wo für e terroristische aschlag spräche glaube schänke wenn es paar studis in dr stube e geile film zämme bastle.

El Capullo, mir wäre nie en gmeinsame konsäns finde, egal was no usekunnt, mi kas immer so dreie das es verschwörig isch... immer ;-) zur not sind halt schlussändlig zig 1000 mensche drinn verwigled, aber hauptsach verschwörig allez!

mini quelle uf die ich mi stütz sind:

spiegel, spiegel online, nzz, nzz online, wältwuche, sf1, faz... und dr blick
falls die alli mitdrinn stecke, ok- den bini geil verarscht worde... kanis den au drmit läbe!

gruess EFDF

[El Capullo]

spiegel, spiegel online, nzz, nzz online, wältwuche, sf1, faz... und dr blick

na bravo...!

nö, gitt jo schliesslig Medie wo pro und anti Vrschwörig sin... wieni scho em IP-Lotteli gschriebe ha, die wirgligg Wohrhait wird vrmuetlig nie an Daag koh (wie bi vyylne andere Sache); aber y ha halt my Mainig - woni mr scho am 12.09.01 bildet ha ohni Medie-Yyfluss!

saluditos,
e.c.

[Ein Freund der Familie]

das ganze Thema wird vrmuetlig au en ewig dunggels Rätsel blyybe wie die wohri Todesursach vo dr Marylin Monroe

okay...

no ebis womr grad in sinn ko isch... ischdr schomol ufgfalle das bi so verschwörigs theorie immer d amis im spiel sind? (ufo landig, iluminate, elvis, monroe, jfk, mondlandig, 11/9 etc.) hmmmm... kas nid si das bi e grossteil vo dr bevölkerig e latänte antiamerikanismus vorhande isch und das ei form isch ihn uszläbe?

[IP-Lotto]

IP-Lotteli

Noch ein Mal! EIN MAL! Ghörsch? Und ich bringe deine Adresse in Erfahrung und rausche mit 5l Schlossgold, Schlauch und einem Trichter an!

Vrschtande?

[Ein Freund der Familie]

[quote="El Capullo"]na bravo...!

nö, gitt jo schliesslig Medie wo pro und anti Vrschwörig sin... wieni scho em IP-Lotteli gschriebe ha, die wirgligg Wohrhait wird vrmuetlig nie an Daag koh (wie bi vyylne andere Sache)]

welles seriöse (gids eh nid )printmedium schribt den das alles e verschwörig isch? i bitt ume bispiel....

[El Capullo]

Noch ein Mal! EIN MAL! Ghörsch? Und ich bringe deine Adresse in Erfahrung und rausche mit 5l Schlossgold, Schlauch und einem Trichter an!

Vrschtande?

oh FUCK - bi dere Drohig muessi my nadyyrlig schleunigscht entschuldige - duet mr laid Lotteli, sell nümmi vorkoh!

[El Capullo]

welles seriöse (gids eh nid )printmedium schribt den das alles e verschwörig isch? i bitt ume bispiel....

nai kains aber sie diens nit usschliesse oder wärfe zemindescht Frooge uff bi gwüsse "Fakte"

[Ein Freund der Familie]

nai kains aber sie diens nit usschliesse oder wärfe zemindescht Frooge uff bi gwüsse "Fakte"

okay... den kasch du mir sicher do es bispiel bringe... nume eins bitte...

[IP-Lotto]

spiegel, spiegel online, nzz, nzz online, wältwuche, sf1, faz... und dr blick

Kasch mer erkläre, wurum dass zahlti Journis sölle glaubwürdiger syy als unzahlti?


@El Capullo: Al Kalotta bereitet einen Anschlag vor!

[El Capullo]

okay... den kasch du mir sicher do es bispiel bringe... nume eins bitte...

wüsst jetz - ganz ehrlig - nit grad usswändig woni öbbis in dere Art glääse ha.

zue myyne reguläre Medie zelle:

print
BaZ
Spiegel
Focus
El País
Rock Hard

TV
SF-Tagesschau
Rundschau
10vor10
...sowie div. anderi Tagesgucks, speziell ARD/ZDF und TVE

no go zone
Blick, Facts sowie sämtligi "News"-Format vo de Private RTL/Pro7/Sat1 etc. (à la Taff, Sam oderweisichnichwas)

[El Capullo]

@El Capullo: Al Kalotta bereitet einen Anschlag vor!

*angsthab*

[Ein Freund der Familie]

Kasch mer erkläre, wurum dass zahlti Journis sölle glaubwürdiger syy als unzahlti?


@El Capullo: Al Kalotta bereitet einen Anschlag vor!

rofl.. hed zwar nüd mitm ganze ztue, abr ok...

du hesch uf dr einte syte 2 studis wo dehaim e sone filmli bastle, d quelle derfür sinds i-net und s färnseh... hmm... uf dr andere syte hesch ebe 100`000 journis wo defür zahlt wärde enere sach nochzgoh, über kontakt in alli berich vodr wirtschaft und politik verfüege und immer anere geile story interessiert sind.

beidi gruppe sind an öffentlichkeit und an gäld interessiert.... wieso gosch du dervo us das all die "ächte" journis das ganze decke und nur die beide an dr wohrheit interessiert sind?

hey ufwache... wenn do ebis z hole wär, den wäre scho lang ganz anderi lüt hinter dere verschwörig här, do ebis kenne ufzdecke wär wie e sächser im loto für dä journi... dä müesst nie meh arbeite...

[Ein Freund der Familie]

wüsst jetz - ganz ehrlig - nit grad usswändig woni öbbis in dere Art glääse ha.

zue myyne reguläre Medie zelle:

print
BaZ
Spiegel
Focus
El País
Rock Hard

TV
SF-Tagesschau
Rundschau
10vor10
...sowie div. anderi Tagesgucks, speziell ARD/ZDF und TVE

no go zone
Blick, Facts sowie sämtligi "News"-Format vo de Private RTL/Pro7/Sat1 etc. (à la Taff, Sam oderweisichnichwas)

i will di ächt nid persenlig agriffe, aber genau so entstöhnd verschwörige... niemrts ka genau sage vo wo är ebis weiss, aber es isch halt eifach so. wärnds gegäüber x, in däm fall printmedie, ka ufzähle wo das enthärte.

e konkrets biispiel:

am afang hets gheisse, im wtc sind keini jude ums läbe cho... hmmm.. es gid jetzt no lüt wo das behaupte. nur wo sind d fakte? natürlich sind jude ums läbe cho, aber meh hets mol in d wält gsetzt und den hets d rundi gmacht... so funktioniert e verschwörig respkt. e grücht ;-)

[IP-Lotto]

rofl.. hed zwar nüd mitm ganze ztue, abr ok...

du hesch uf dr einte syte 2 studis wo dehaim e sone filmli bastle, d quelle derfür sinds i-net und s färnseh... hmm... uf dr andere syte hesch ebe 100`000 journis wo defür zahlt wärde enere sach nochzgoh, über kontakt in alli berich vodr wirtschaft und politik verfüege und immer anere geile story interessiert sind.

beidi gruppe sind an öffentlichkeit und an gäld interessiert.... wieso gosch du dervo us das all die "ächte" journis das ganze decke und nur die beide an dr wohrheit interessiert sind?

hey ufwache... wenn do ebis z hole wär, den wäre scho lang ganz anderi lüt hinter dere verschwörig här, do ebis kenne ufzdecke wär wie e sächser im loto für dä journi... dä müesst nie meh arbeite...

Na Bravo, roll di nur no e biz uffem Bode - weich mues er no anschyynend nit emol syy ...

Klar hetts mitem Thema z tue, usser notierlig, du meinsch jetzt neuerdings, dass dini Üsserige do inne völlig am Thema verbyygön.
Nei, y gang nit drvo uss, dass die "ächte Journis" alles wüssentlich degge. Aber genau well e huffe Lütt mit sonere abschätzige Haltig, uff alli, wo s aint oder ander in Froog schtelle - so öbbe, wie du by däm Thema - reagiere, könne sich die maischte ächte Journis sone ketzerischi Haltig gar nit laischte.

Und jetzt bis emol ehrlig, schyyns bisch jo vom Fach: Wievill vo dine 100'000 zahlte Profi-Journis bewege emoll ihren Arsch vom Schrybtisch und den Agenturmäldige, wo via Internet yynekööme, wäg?
Und wohär wöttsch wüsse, dass die beide Studis kaini wichtige persönliche Kontakt hänn? Und die einzige wo den Ungereimtheite noochegange sinn und ihri Sicht publiziert hänn, sinn si au nit. Es hett aifach no nie soviel Schtaub uffgwirblet, wie jetzt das Internet-Filmli.