öhm, due mol wieder dr account vom oli missbruche...
also, do isch d priska
han jetzt die erschti chemo gha... isch mer ziemlig scheisse gange im spital... bin jetzt siit em samschtig deheim, fühl mi erstuunlig guet... naja, me muess sich das so vorstelle, wie en überdimensionle kater... und zudäm bii eifach mied und irgendwie isch stäge uffelaufe sehr asträngend... hmm, naja, aber das goht jo verbii, und dass weiss ich jo...
uff jede fall dänk ich jetzt, dass ich d hochdosis chemo mache wirde, also dass, woni nochhär in isolation muess si, und mini stammzälle transplantiert bikum, woni mer vorhär sälber tue "spände"... hmm, wird zwar hart, und 4 wuche im spital isch mer grad sälber no schleierhaft, wie ich's überläbe sötti, aber bi däre therpie isch d chance do, dassi gsund wirde... und die kanni numme jetzte mache, spöter goht dass nüm, usserdäm händ si mit sonige therapie im spital basel au erfahrige und vor allem, gueti erfahrige gmacht... git aber nid studie drüber, wie viil dass überhaupt nützt (well d therpie z tüür drfür isch), drum bini nonig so ganz sicher, aber irgendwie will ich nomol alles probiere, um gsund z wärde, well ich mir dass sunscht irgendwenn vorwärfe würdi... und me würdi mir dass jo nid eifach so aatue, wenn do halr ebbe nid d hoffnig uff e genesig wäri...
hmm, soviel mol vo mir... danke für die uffmunternde wort und drugged mer wiiterhin bitte alli verfüegbare düme... danke!
liebi grissli
priska (heidi)
)
