Wohnungskatzen

[access]

Hmm ich wött mir e katz kaufe, und ha dänkt ich frogg mol do inne was dir für tipps und erfahrige drmit hän?

[CubaLibre]

wenn d katz nid use dörf und du nit so viel daheim bisch, denn nimm 2, damit sie nid einsam isch.

[Zemdil]

1. nid kaufe! Tierheim, Buurehof, privat etc.

2. im Früehlig eini zuetue (wenn's e jungi muess syy)

3. guet erzieh und viel beschäftige, sunnscht kasch dini Möbel und Pflanze vergässe

4. wenn numme Wohnig, denn mind. zwei Katze!!!

[middle_sister]

emfpiehle au zwei, wenn tagsduure niemrts umme isch ..und lueg dass en balkon hesch (vernetzt) und gnieggend platz... denn gohts piccobello...

[Lou C. Fire]

wenn d katz nid use derf, denn nimm lieber gar keini....

[Dark Coyote]

Wenn die perfekt Huuskatz wotsch den kauf dir e:

BRITISH SHORT HAIR

[middle_sister]

wenn de willsch, ich könnt dir 2 uss sizilie mitbringe...
mini eltere händ grad no 4 junge vom letzte mai ....

[Diggi_Eier]

Kauf liebr e Hund. Katze sin Mischtviecher!

Greez

[Zemdil]

Katze sin Mischtviecher!

Greez

.. und Eier hänn kei Hirni ..

[Lou C. Fire]

Kauf liebr e Hund. Katze sin Mischtviecher!

Greez

hejo klar: sitz, friss, stirb und dä dummi Hund machts

[middle_sister]

muess me eigentlich uff importierti katze uss sizilie EST zahle ????

[Diggi_Eier]

.. und Eier hänn kei Hirni ..

Danke für dä super Konter, hesch bestimmt miesse lang übrlege

Nee, jetzt ärnscht: Jedi Katz, wo mer gha hän, odr demit z'tue gha hän sin Iiversüchtig wie d'Sau (Kai Joke, mi Fründin het sich regelmässig mit dere zofft, wel sie z'nacht ko isch go wüete und kratze)
Mit Hünd han-y nie Problem gha.

[access]

2. im Früehlig eini zuetue (wenn's e jungi muess syy)

aber ich ha gmeit die heige 2 würf, eine im herbscht ;-)

jo british short hair oder karteuser sinn au no rächt schöni katze, grundsätzlich hani gnueg platz (dänki) aber use könne si nit, usser uffe balkon. würd gärn e hund, aber (für das hani erschtens zwenig zitt und) ich wohn in dr stadt, do isch das nit so vorteilhaft... ;-)

[Hank Hoover]

was wohnungskratzen

mich kratzts nur manchmal am rücken...

[Lou C. Fire]

muess me eigentlich uff importierti katze uss sizilie EST zahle ????

isch jezz im Pfall kei Witz, aber woni mini us em Elsass gholt ha het dr Zellner z Allschwil doch tatsächlig welle, as ich e Wert aagib und denn druf MWSt. zahl....
Mann isch das e Diskussion gsi mit däm Dubbel. Woni denn ändlig gnueg gha ha, hanem gseit i well mit sim Chef rede. Do isch er ins Büro gange und i ha dur d Schibe gseh wie dr Chef numme no dr Kopf schittlet het. Denn isch dr ander usgho und het gseit, sig in Ornig....

[gego]

...also wenn d chatz nit use dörf lueg das eini (besser zwei) huuschatze nimmsch wo d eltere scho huuschatze gsi sind...chatze vomene burehoff i spere isch devinitif scheisse...

ps: chatze sind nid dumm ....hünd sind saudumm...nume wil die stikende sabernde folhtaxis das mache womer seit het das nüt mit inteligänz z'tue, sonder mit dummheit ....

[Dave]

do d'lösig für alli wo katze in dr wohnig wän halte

[Lou C. Fire]

[quote="access"]aber ich ha gmeit die heige 2 würf, eine im herbscht ]

jo s git Maie- und Auguschtkätzli. D Friehligkatze seit me aber sige robuschter.

[Dark Coyote]

[quote="access"]aber ich ha gmeit die heige 2 würf, eine im herbscht ]

british short hair chasch eifach super in dr Wohnig halte! sind halt eifach chli tüür

[Pascilicious]

Für Wohnigskatze muesch eifach luege, dass immer allzyt bereit bisch, gnueg Gäld uf dr Site hesch und e lange censored hesch. Mehr bruchts nit.
Für normali Katze, oft spiele, frässe gäh etc.

[Diggi_Eier]

do d'lösig für alli wo katze in dr wohnig wän halte

Isch eh e Fake, die ganz Siite

[access]

british short hair chasch eifach super in dr Wohnig halte! sind halt eifach chli tüür

was heisst düür?

[Zemdil]

muess me eigentlich uff importierti katze uss sizilie EST zahle ????

Jo!!!!!

[middle_sister]

Für Wohnigskatze muesch eifach luege, dass immer allzyt bereit bisch, gnueg Gäld uf dr Site hesch und e lange censored hesch. Mehr bruchts nit.
Für normali Katze, oft spiele, frässe gäh etc.

was bitte isch en censored ?????

[Lou C. Fire]

[quote="access"]aber ich ha gmeit die heige 2 würf, eine im herbscht ]

karteuser sin definitiv Psychos, kanni numme abroote, aber vermuetlig meinsch du eifach sone graue, letschtändlig aber stinggnormali Europäerin.

PS: wenn sie nid usekenne, ka dr numme d Aschaffig vo somene hässlige Katzekratzbaum empfähle. Seht zwar Scheisse us, Dini Möbel wärde Dr's aber dangge.

[access]

hän die katze bi euch viel sache kaputt gmacht.. mir hän ebbe au e parkett bode und um dä hani ebbe au bitz angscht... aber ich lieb katze und dorum wötti eigentlich eini ;-)

[middle_sister]

[quote="Zemdil"]Jo!!!!! ]


uff dini antwort han ich genau gwartet .....

wenn ich scho uff salami und wii muess EST zahle, isch klar gsi, dass denn bi de katze erscht rächt .....

wieviel wärt hett en gwöhnlichi katz, wo me im mischtkübel vorgfunde hett ????

[mimpfeli]

- Nie ei Katz elai halte (mMn au wenn Sie ussekönne)

- Guet erzieh sunscht hesch emol e schöni Couch kah

- Pflanze uffestelle oder halt e fyyns Gitterli drum umme (sunscht darfsch zoobe go d'Ärde isammle)

- Buurehoof oder Tierheim

- Am beschte uss eme Friehligswurf

- Terasse vernetze nitt vergässe, sunscht hesch denn dr Schock vom Läbe wenn zoobe irgendöbbis im Hinterhoof wie dini Katz miaut....


Edit: Couch hett chli miesse dra glaube und d'Vorhäng (bevorzugts Klätterobjekt). Gohsch miteme Wassersprüher hinter de Katze noche, so lehre sy's

[access]

karteuser sin definitiv Psychos, kanni numme abroote, aber vermuetlig meinsch du eifach sone graue, letschtändlig aber stinggnormali Europäerin.

PS: wenn sie nid usekenne, ka dr numme d Aschaffig vo somene hässlige Katzekratzbaum empfähle. Seht zwar Scheisse us, Dini Möbel wärde Dr's aber dangge.

wieso psycho, ich ha ebbe scho ander ghört ;-)

jo eh, e katzebaum wird eh ahgschafft... au e katz dörf bitz konfort ha! scheiss egal, lieber öbbis wo nit schön usseht drfür schöni möbel ;-)

[Lou C. Fire]

uff dini antwort han ich genau gwartet .....

wenn ich scho uff salami und wii muess EST zahle, isch klar gsi, dass denn bi de katze erscht rächt .....

wieviel wärt hett en gwöhnlichi katz, wo me im mischtkübel vorgfunde hett ????

guggsdu meine Antwort, Zemdil labert doch bekannterweise nur Stuss