Croke Park e risä Stadion in Irland, aber NEI zu Fuessball

[wikinger]

Scho no unglaublich. Do müesst Irland bi mögliche Playoffs in dr WM Quali, wäg dr Rugby Nationalmannschaft nach England, Wales oder Schottland usswiche, drby gäbs im Norde vo Dublin dr hochmoderni Croke Park mitemä Fassigsvermöge vo über 82'000 Plätz... In däm Stadion wärde usschliesslich die gälische Nationalsportarte wie Hurling oder Gaelic Football usdreit. Und dä Verband het sich klar gegä Fuessballspiel im Park usgsproche...

mehr über dr Croke Park: Croke Park bei Wikipedia oder croke park

[Mindl]

wieso muess immer alles für fuessball brucht währde?
du willsch jo au nid umbedingt e nationals schwingfest im joggeli ha oder?
die wänd halt nid das "blöde" fuessball ha...

[wikinger]

s'goht jo au nid um mini meinig. aber stell dir vor dr fcb müessti (nur mol agnoh) e barragespiel anstatt im joggeli gänf usstrage...

[1980]

Tradition verpflichtet, Respekt.

Hammerstadion!

[STEVIE GERRARD]

eis vo de geilste stadion won ich je gse han. absolut verständlich dass die kei fuessball wend erlaube i dem stadion. hurling und gaelic football hend halt nach wie vor die grösser bedütig in irland als fuessball.

aber s'nationalteam cha ja denn im celtic park spiele was au nid schlecht isch.