Goldust hat geschrieben: 06.07.2026, 05:56
bsunders interessant findi, das öpper zit ufwänder zum e dutzend fore abzklappere. jo, die formulierig, ok...aber so what...fühlsch di jetzt in dim fcb fan syy beleidigt? isch doch klar, dasme in sonere studie representativ unterwägs si will.
@threadersteller: due doch gärn e link publiziere wenn die studie mol publiziert isch. erkenntnis wurde mi wundernä
Text vom Biitrag markiere, Rächtsklick "Search the web for..." und scho hesch uf Google die ganze Links diräkt zu de andere Biiträg.
Nüt vo wäge Fore abklappere - aber isch ok, du blättrisch vermuetlich au no im Telefonbuech wenn öbberem willsch aalüte.
Und es het gar nüt mit beleidigt ztue: i ha mehr Infos zu dere "Akademische Umfrage" welle ha, will i das grundsätzlich e spannendi Sach find: Wer fiehrt d Studie dure (Schuel oder Forschigsiirichtig, Fakultät, Institut, Forschendi), kli mehr Details zum Zwäck vo dr Studie (was wird untersuecht und was soll mit de Date ermittlet wärde, wele wüsseschaftlich Hintergrund bestoht), Aagabe zum Dateschutz (Was für Date wärde erhobe, was wird gspeicheret, wie lang, wer het Zuegriff, Rächtsgrundlag, etc.), wie wärde die Informatione veröffentlicht (Bachelor/Master/Dissertation, Forschigsprojekt, Publikation, nur in aggregierter Form oder als Datesatz), existiert evtl. e Uftraggäber mit kommerziellem Hintergrund...
Wo i denn gseh ha dass dä Post in diverse Fore 1:1 existiert (usser halt uf d Teams individualisiert) bini kritisch worde was d Seriosität aagoht. Wenn dr Studie-Autor schlicht in jedem mögliche Fan-Forum in dr CH e Post macht dass ihn d Meinig vo genau dene Fans bsunders interessiert stimmt halt d Ussag an sich scho nüm.
Hesch di triggeret gfühlt durch mi Kommentar? Machsch sälber au so unseriösi Umfroge und fühlsch di ertappt?
Lueg, i ha e Friedensaagebot für di:
AKADEMISCHE UMFRAGE zum sälber usfülle - bsunders interessiert mit d Meinig vom [bitte eigene Name iitrage]):
[] mini Meinig interessiert
[] mini Meinig interessiert bsunders
[] ich bin chinatown
https://ulausannebusiness.eu.qualtrics. ... cQlkhA8poi
