shady hat geschrieben:St. Gallen spielt übrigens seit der Saison 12/13 wieder in der Superliga und Yann Sommer wurde nach Vaduz in de ChL ausgeliehen.
Edith meint no: OK dr Sommer cha me jetzt au nid mitem Zlatan vergliche...
Alte, St. Galle het en damals noni welle/könne uslehne. Es wär zum Zitpunkt damals nur e Challenge League Club möglich gsi, de Albian het druff bestande wenn uslehne denn in dr SL. Da das nid zstand ko isch ischer denn zu Augsburg.
Und bim Sommer muess halt scho sage, dass e Gooli bitz e Spezialfall isch. Do gits grad mol 9 Stammplätz näbem FCB in dr SL. Im Gegesatz zu Ajeti, het aber de Sommer aj noni sit 3 Saisons immer wieder Isätz im 1 kha.
Egal, sisch doch eh eifach dra gläge dass me sich mitem Vater verstritte gha het wägem Arlind und beidi Sitte nid richtig gewillt gsi sin das zkitte.
Ich finds eifach bitz drnäbe dr Albian do in Sippehaft znäh wäge däm, will sini Entscheid sin schlussändlich au us sportlicher Perspektive durchus nochvollziehbar.
Unterem Muri die erste Isätz, denn vom Sousa zrugg in dU21 gschickt. Denn zrugggholt nachere halbe Saison aber kriegsch au nur wenig Teilisätz im 1.
Mitem Fischer wirds au nid viel besser obwohl de dini Scorerpünggt immer machsch wenn de spielsch. Gege YF Juventus die ganz 2. Halbzit am iilaufe gsi und denn trotzdäm nur no 18 Minute döffe spiele - döt hets glaub denn langsam klick gmacht. Im 15/16 machsch in 120 Min. Super League in dr Hirundi 3 Scorerpünggt, eigtl e guete wärt. In de wenige Momänt wo dhesch döffe, hesch zeigt dass de parat bisch. Denn im Winter wächslet de Breel noni, aber sisch klar dasser im Summer goht. Denn dEntüschig, Basel holt sich dr Toptorschütze us Slowenie Sporar und di wänn si ind Challenge League uslehne... Ok denn muesch halt au mol igseh, dass de Club schlicht nid uff di setzt oder di halt völlig anderst ischätzt.
Sisch e blödi gschicht gsi damals, aber em Albian quasi Charakterlosigkeit und Ungeduld (Het jo 3 Joor sitem Debüt uff si Chance gwartet und isch au nomol in dU21 zrugg) vorzwärfe findi eifach nid ganz in Ornig weme genau aneluegt. Und netürlich heter nid sTalänt vome Ronaldo, Zlatan und Co. Au nid vome Embolo. Aber ich glaub zum bim FCB e gueti Rolle zspiele, häts glängt, vor allem weme bitz meh ufen gsetzt hät.
Insgesamt heter in 762 Minute FCB 11 Scorerpünggt gmacht. Das isch eh starke Wärt füre u20 Spieler, au wenn dHälfti drvo im Cup gsi sin.
