Gollum hat geschrieben:@ alli, wo finde :"Jöö, nei aber au. Dr liebi, ach so geniali und an sinere Situation völlig unschuldigi Sydebolle-Haki dörf me doch nid uspfyffe...":
Är het zwor grossi Verdienscht für e FCB. Das wird glaubi keine beschtritte. I wird em das au immer z'guet halte. Aber är het uns und dr Club deftig verarscht. Wende gopferdeggel dermasse an dr Nase ummegfiert worde bisch, denn wötti aber mol eine vo Euch gseh, wo anderscht handlet als das d Gigi gmacht het. Ihre in däre Situation Sturheit go vorwärfe, isch völlig drnääbe. D Gigi handlet so, wie jede Maa/Frau mit Ruckgrat handle würdi. Und jetzt spielt dr Haki also bim Gegner. I freu mi jo au für ihn, dass är ändlig mol wider ka spiele.
Für mi schtoht aber fescht: Är het uns verarscht, het vyl Goodwill verspielt, het sich teilwys dr Lächerlichkeit priisgää und kunnt nach sinere Odyssee durch Europa zruggkroche um bim Gegner go az'hüüre. Dä Burscht muess sich nid wundere, wenner vo uns uspfiffe wird! Ich würd nie e eigene Spieler uspfife, dasch für mi klar, aber dr Haki isch keine me vo uns, är isch jetzt e Gegner und s isch völlig legitim, ihm das au verständlich z mache.
Au ich würdi das zu 100% unterschriebe !!! ]
...
