Wo gönd ihr go Bade in de Region?

[Nur So...]

Jetzt wo s wieder heiss wird... wo hänged'rs... und warum?

[Riot Kid]

bade stinggt.....entweder riil im meer oder grad bliibe loh...

[schwarzarbeiter]

gheimtipp:

vor dr schwizerhalle am rhy, zwische schwizerhalle und augst, isch echt voll geil dötte!

[Maldini_3]

Bottmiger Schwimmbad hani nur 5 Minute zFuess

Git aber gmietlichers

[*BEBBI*4ever!!!]

Ryynacher Badi

[mimpfeli]

- Hallwilersee
- Fraueli im Eglisee
- Bettigerbädli
- z'Augst am Rhy

[Russe]

mister eglisee 2005 binis

[Bodesurri]

bim Joggeli

[Nur So...]

- Hallwilersee
- Fraueli im Eglisee
- Bettigerbädli
- z'Augst am Rhy

Könne's alli eso zämefasse isch e guete Ueberblick...

- Birsköpfli
- Leufähri
- Gartebad St. Jakob

mängisch no

- Bottmige und Arlesheim...

[Marylou]

in aesch, aber nid am wuchenänd, wells denn nur fleischbärge het. huerefleischschau chani nämlig nid ha!!!!

suscht lieber neume imene flüssli (birs je nachdäm wo) oder imene seeli (muess me halt bitz wäg uff sich näh).

[Urlauber]

Augst am Rhy?? Meinet ihr dört wo grad no e Zältplatz isch??

[SoLo-BaSiLeA]

-Joggeli
-Birsköpfli
-Prattele

[schwarzarbeiter]

jo genau, wiiter vorne hets e grossi wiise, isch voll chillig dött

[mimpfeli]

jo genau, wiiter vorne hets e grossi wiise, isch voll chillig dött

Jo genau, dasch jo wohl absolut gediege dört!

[Gryff]

-dehaim
-im rhy
-über mittag im joggeli
-mit em göttikind gang i meischtens ins eglisee

[Fire of Basle]

- Hallwilersee
- Fraueli im Eglisee
- Bettigerbädli
- z'Augst am Rhy

Hallwilersee...hehe...do hani au gueti Erinnerige...hämer Mol dr ganz Lade ufem Zältplatz leerkauft...aber het abgseh vo Bier nur schei** Pesca/Lemon Fizz kah...uf jede Fall e geile See und e riese Fescht gsi...

[Mela1893]

- Birsköpfli (aber nur sünnele)
- Eglisee
- Bettige
- Rhyfälde
- Hallwilersee (nur sünnele) ;-)

[Fire of Basle]

[quote="Mela1893"]- Birsköpfli (aber nur sünnele)
- Eglisee
- Bettige
- Rhyfälde
- Hallwilersee (nur sünnele) ]

Was gohsch du an Hallwilersee (fahrsch jo au no e zytli!) nur zum goh sünnele? Lohnt sich di Ablick wenigschtens...sunscht muess ich mir überlege wieder dört ahnezgoh...

[Mela1893]

[quote="Fire of Basle"]Was gohsch du an Hallwilersee (fahrsch jo au no e zytli!) nur zum goh sünnele? Lohnt sich di Ablick wenigschtens...sunscht muess ich mir überlege wieder dört ahnezgoh... ]

weisch, be döt ufgwachse und be ab und zue no döt.. kennsch Di dämfall us döt?

[Fire of Basle]

weisch, be döt ufgwachse und be ab und zue no döt.. kennsch Di dämfall us döt?

Me merkts an dr Sproch... Uskenne isch übertriibe...bi Mol mit Kollege/inne dört gsi (dr eint het e Wohnwage uf däm Zältplatz) und denn isches wirklig heftig worde...so richtig flüssigi Wuche gsi... Aber ebe, nur zum Sünnele würd ich nit dört ahne goh...wobii mitem Sägelboot ufe See usefahre und eine durregäh, wenn de verstohsch...warum nit (denn wird me au bruun derbii )!?

[Pascilicious]

Bettigerbädli bisches!

[Sad Mo S.]

bi dr Sandra ihrem whirlpool deheim

[LiveForever]

dahei

[Nimmen_ins_Muul]

am rhy isches eifach immer am geilschde!vorallem am birskoepfli

[sek. Milieu]

hauseigenes schwimmbad!

[bombaclock]

Hauseigenes Schwimmbad!

[Haltestelle]

dahei

Bonz

P.S. Gilt nur für LiveForever und für käini andere Poolbsitzer oder Wannegänger

[DerZensor]

Stolze Rhyschwimmer - immer vu St.Alban Fähri-St.Johanns Fähri

[Gryff]

Stolze Rhyschwimmer - immer vu St.Alban Fähri-St.Johanns Fähri

ich machs ähnlig!
ich gang meischtens bim tinguely-museum ihne und schwimm bis zur uelifähri.

[Namelos]

Bottmiger Bad stinkt gruuusig...