Konter hat geschrieben:Ich weiss, me soll jetzt nit gross Lamentiere, do jo immerno sDamoklesschwert über uns hängt, aber dass ei (EI!) Schnapsfläschliwurf uffe Spielfäldreand, wo s Spiel in keinster Art und Wyys gstört het mit grad emol 10'000 Euro weniger sanktioniert wird wie mehreri Fackelwürf ufs Spielfäld, wo zumene Spielunterbruch gfiehrt het isch an Lächerlichkeit fast nit züberbiete.
Trotzdäm bini als Kurvegänger froh, dasses nit zunere Blocksperri ko isch (e kompletti Stadionsperri wär für mi eh nie zur Debatte gstande) und hoff, dass sich ändlig e jede bewusst isch, was sini Tate für Konsequenze hän. Defür dörfi mi vorem Ludo-Match wohl uf massivsti Ganzkörperkontrolle freue....
PS: No an Wärfer, falls de mitliesisch. Ich schliess mi em D1-Balkonhocker ah und wenn de Eier inde Hose hesch denne kasch di gfelligst bim FCB mälde. Ansunste wurdi dr no empfähle chli weniger Schnaps während Match zsuffe, wennd dFolg devo isch, dass di Hirn abstellt und dini Muskle nym im Griff hesch.
Gseh ich au so, isch im Verhältnis doch e harti Stroof, wenn de die andere Stroofe datiert vom 20.10. aluegsch. Me stellt sich vor, wie lang dr FCB vom europäische Wettbewärb wär usgschlosse worde, hätte FCB "Fans" dr Tatbestand vo Gala verursacht. Und söll mr keine sage d Türke wäre nid mindestens genauso unter Beobachtig wie mir.
S Verhältnis vo de Strofe het minere Meinig noch doch au e weeneli drmit z tue, dass d UEFA dr FCB in dr CL weniger guet vermarkte und TV-Gälder mitem generiere ka. Dörfsch natürlich nit lut dänke so öppis.
Bi sunst au vollkomme iverstande mit dim Post.
)