grande cantona!cantona hat geschrieben:Grundsätzlich bini dr Meinig, dass dr hütig FCB füre negschte Schritt in Europa vom potential här parat wär, wenn dr Stocker blibt. Mitemne guete Teamgeischt, Euphorie vom Erfolg, ihgläbte und fitte neue Spieler und mit Glück isch viel möglich. S Stadion von Benfica kenne mr jo, also absolute Vorteil im Final, grundsätzlich stoht uns nüt me im Wäg.
Bayern findet die Saison nonig so rächt ins Spiel, dr Guardialo macht Kapriole.
Dr Mourinho baut Chelsea um, klassischi Übergangssaison, vo dene isch nüt z erwarte.
Barcelona het z viel Stars, dr Neymar vrhaltet sich wiene Diva und zerstört dr Team Spirit, die kömme nid wit.
Arsenal isch halt Arsenal, ohni Van Persie sind die nüt.
ManU isch im grosse Umbruch, Ferguson wäg, das brucht zit bis sy zrugg sind.
Real Madrid isch e kaputti Mannschaft, dr Ronaldo weiss nid was är will, die mien sich zerscht no Forme
Portugisischi Mannschafte hän gege uns sowieso nie e Stich, also muessi die gar nid speziell erwähne
Im Topf zwei isch nüt gschieds din, PSG will z viel und das au no z schnäll, das goht so nid
Schlake isch am arsch, dr Stocker blibt bi uns
Milan und Juve frässe mr zum Z'Morge, italiänischi Mannschafte liege uns
Dr Räscht isch nid nennenswärt
Dr vierti Topf könnt uns am meischte abfordere, abr schlussändlich erstarre sy in Ehrfurcht im grosse Stadion zu St. Jakob, do isch nüt z hole.
Also kame eigentlich scho definitiv vomne erschte Platz in dr Gruppephase usgo.
Do mr denn die schlächtere Gegner zueglost kriege, isch dr Wäg bis in 1/4 Final eigentlich gebnet, do darf me nüt ahbrenne lo, alles anderi wär e Enttüschig. Mit unserem Budget muess me das schaffe.
Zum Ihzug in Final miemer denn allwä no grossi Mannschafte schlo, abr wie gseit, mit Teamgeischt und Wille isch das gege Mannschafte im Umbruch machbar. Ohni Spirit aber mit dr Naso dobe isch gege uns nüt z hole.
Und denn, wie erwähnt, dr Final in Lissabon. Absolute Vorteil, dass mr s Stadion kenne, grundsätzlich miemer dä Titel also hole.
ein vo de sympathischte user im forum!
?
