Bolzblatzholzer hat geschrieben:Das stimmt doch widr bitz zueversichtliger.
Well bis jetz ische delgado transfer nie in froog
koh, weller äfach zviel koschtet hät (lohn).
Das het jo au dr heitz immer so gseit kah.
Aber jetz gohts jo schinbar nüm hauptsächlig umd
Monnete. Drum: Go for it heitz und heusler!!
Villicht dorum, ebb dr Verein dr Familie Delgado zur site stoht, wenn's um d'Integrierig vo sinere Frau z.B. in dr hiesige Arbetswelt goht, oder wenner seit, dass er sich do sesshaft mache will (quasi zweiti Heimat nebst ARG) - und deswege nebst em Vertrag ine Immobilie investiere möcht, woner denn (z.B. Mehrfamilieliegeschaft) cha vermiete, um quasi nach sinere aktive Karriere als Spieler e feschts Standbei z'ha - oder aber, dass mr no luegt, wie meh für Exponente vo dr Familie (Vater z.B.) e Ufenthaltsbewilligung cha organisiere??!
Ich glaub de letschti Transfer in sinere Karriere dürft sich um einiges komplexer darstelle - aber au dr FCB het vieles in peto (nebst de "eigene" Liegeschafte verfüegt dr Verein sicherlich über es geeignets Netzwerk, um die Alige sämtlig abzwickle z'kenne).
Mir werdes am Schluss denn gseh.
Aber ich merk: Geduld wird uf d'Probe gsetzt. Wär halt scho elegant, wenn's demnägscht zumene Entschaid käm (ob Pro oder Contra).
