zocker hat geschrieben:nid, dass ich nid plausch am erfolg hett, wo der roger het, aber die überhebliche roger supporter sind eifach peinlich, verwändets hirn, 1 slam sieg nach 2 johr isch kei kriterium
der roger het glück gha, dass är über johre kei ächti konkurränte het, ghörte die 2, wo ihn über johre besiege, zu däre generation wo der roger ghört, hätt der roger nid mol 12 slams im petto.
der roger demoliert über 8 johr slams jede, wo defensiv, technisch und mental nid gnüegt. in 8 johr hets 2 akteure gha, wo däne kriterie gnüege, die übrige nid. wenn irgend ä übrige der roger besiegt, isch der roger nid gnueg gierig, die 2. option, dass dä wo ihn beisegt het, ä uftritt het, wo ihm nochär 2 johr nümm glingt.
sorry, aber wenn du scho so sache seisch wie "die zwei wo ihn über johre besiege", denn isch das eifach komplette blödsinn. erschtens isch dr federer gege dr djokovic im h2h in fiehrig, zweitens het tennis sehr vil mit "matchup" ztue - s'gitt eifach gegner wo eim nit liige und am nadal si linkshand-defensivstil liggt am federer nit - vor allem uff sand.
d'tatsach ases eine wie dr nadal gitt, wo theoretisch scho dr mit abstand beschti spilr vo sinre ganze generation könnt sii unds abr nit isch, wills ebbe e sogar no bessere gitt, das isch zimligg dütligg.
s'argumänt "es het keini gegner gäh" isch eifach null duredänggt. gegner gitts immr, mr muess jede zerscht schloh und ussrdäm glaubich das dr nadal ohni federer vilicht gar nie so guet worde wär - schliessligg isch dr spilstil vo villne spiler druf usgrichtet, genau ebbe gege e federer könne zgwinne, d'mässlatte isch vom roger hochgleggt worde und alli andere drno bewärtet worde.
bevor dr federer umme gsi isch hets e roddick und vor allem e hewitt gäh, dr agassi isch i sine spoote joor au nit grad niemerts gsi und ganz z'schwige vo de räschtligge spilr wo so usenandrgnoh worde sin wie vo niemertem sittem björn borg.
s'argumänt das vilicht 1-2 anderi starki, dominanti spilr gfählt hen kammr jo mol so stohloh, abr das erklärt nit, wiso e federer sit 8 joor ununterbroche in grand slams im viertelfinal stoht und 23 grand slam-halbfinals erreicht het IN SERIE! vorem halbfinal trifft mr nit uff di andere top4-spilr, also spilts übrhaupt kei rolle ob sone andere spilr drbi gsi isch odr nit.
dr nadal isch einzig und elei uff sand e spilr wo gege dr roger gwinnt au wenn dr federer e guets spil zeigt - und dr nadal wird als beschte sandspilr vo allne ziite gnennt, ohni mit dr wimpere z'zucke.
uff jedem andere belag und gege jede andere spilr liggts am federer sinre form obr gwünnt odr nit (odr so ischs ämel joorelang gege ALLI) gsi.
kei ahnig wie mr so vrbockt, vrbländet odr eifach uniisichtig bliibt, andere offesichtligg dr erfolg nit gönnt odr sunschtwie e problem het. odr vilicht au sunscht e problem mitm federer hesch.
