In dr Baz von gester isch e wirkligg guete Artikel gschriebe worde, bitte folgt folgendem Link
Quelle:
http://bazonline.ch/mobileapp/#/story/23097579/8
Dert wird vomene meeglige Abgang Abrahams gsprochen - wie er de Traum formuliert, in dem Summer mitem FC Basel s'Double z'gwynne und denn drzue no d'CL
... das het er allerdings mitere Grimasse gseit.
Er will damit nur unterstriche, dass erst ca. abemene Vorstoss bis in d'Viertelfinal vo dr CL d'argentinischi Nationalmannschaft uf Spieler ufmergsam wird, respektive allefalls Nominatione erfolge.
Was ich no veruggd find (den ich lieb d'mischig vo südamerikanischem mitem europäische Fuessball), dass er de letscht Südamerikaspieler in de Reihe vom FC Basel isch.
16 Spieler us Arg, Bar, Chile und Ecu sin in de letschte 11 Johr bim FCB unter Vrtrag gsi (e ganzi Mengi) und jetzt wurd de letscht goh - sofern nid no es paar Wunder passiere
.
Ich persönlich trau ihm zue, bimene Club in de europäische Top-5 Lige z'spiele, wie z.B. Villareal, wo villicht nid zu de absolute Top-Shots gheert (allà Barça, Real, ManUtd, Münche, Milan, Inter usw. ), aber wo in Argentinie definitiv wohrgnoh wird.
*träummoduson*
Würd mi allerdings freue, würd es Ufgebot klappe, wenn er no bim FC Basel spielt.
Das war eh emol en Traum, dass gwyssi Länder mol in Zuekunft nid drum ume cheme für ihri Ufgebot ind Schwiz uf Basel z'reise 
*träummodusoff*
(Bild geliehen von © http://www.tageswoche.ch)
