cantona hat geschrieben:s luschtigi isch dass ihr do alli fakte ableieret wo mr alli wüsse. är schiesst mehr goal als alli andere, är kämpft wiene kranke füre fcb, är git immer alles, är pusht die junge spieler etc. jede schätzt ihn drfür isch ihm dankbar und me kas nid gnueg wärtschätze will mr ohni ihn höchschtwahrschinlich die letschte zwei johr nid meischter worde wäre. und wie au scho erwähnt, är isch mir sympathisch.
ich sag nid alex lach emol du weiche, kumm mol vor dr kurve go tanze etc. für mi zeigter eifach oft s glichi trotzigi vrhalte wiener am schluss in dr nati zeigt het (vrständlicherwiis). är wirkt irgendwie missvrstande, obwohl wirklich jede sini arbet ufem fäld schätzt. und das findi eifach nid nötig. ich glaub nid dases öppis an sinre spielwiis würd ändere, wenner das könnt ablege. und ob das ganzi dra ligt, dasser kei eiges lied het, weissi nid. är hätts abr sicher vrdient. wär interessant z seh ob das biz öppis ändere wurdi.
schlussändlich isch das ganzi extrem näbesächlich solangs e so lauft wie jetzt, abr e forum isch jo du zum diskutiere.
wie gseiht, es isch nunmal nid jede dr 0815 Strahlemann... wurum cha me e Mensch nid eifach eso akzeptiere, wie er isch???
Dr Alex isch scho immer e eigene gsi... au in dr Nati... nur het sich s'Publikum nid eso sehr uf ihn fokussiert, will er jo s'Ushängeschild vom schwizer Fuessball gsi isch... chum zrugg bi Basel het sich eifach d'Wohrnähmig vom Publikum verändertet....
Also, alles nix neues.... er het sich jo ab em 1. Meistertitel au nid esooo sehr gfreut, wills hat nid "sin" Titel gsi isch... so what... er isch eso... und ich dänk eifach, dass me vom Basler Publikum, wo sich immer so inbrüstig als anders tickend gseht, als d'Räschtschwiz... erwarte cha, dass me ihn nimmt, wie er isch und dankbar isch für sini Leistig, ihm dr Respäkt entgege bringt, wo ihm gebührt... und nid über Kacke diskutiert, wie sin Torjubel....
Es wär au e näbesächliche Furz, wenn mr letschte wäre... spielt also kei Rolle, obs lauft oder nid... scho nur, dass me sich so Gedankte macht isch jo lächerlich!
