FCB Pause / EHC Unterstützen?

Entertainer · Beitrag von **Entertainer** » 20.12.2004, 16:55

RALE BALE hat geschrieben:... finds au scheisse äntwäder mitemene FCB Shirt an EHC Match go und umgekehrt. Han gschribe, dass ichs schad find wäg dr Stimmig, do könnt me sicher einiges bewege. Dänk es würd automatisch mehr Stimmig gä, wenns im Schnitt 3500 Zueschauer hät rolleyes:

WORD!!!!!!

redblue-calvin · Beitrag von **redblue-calvin** » 20.12.2004, 16:57

RALE BALE hat geschrieben:... finds au scheisse äntwäder mitemene FCB Shirt an EHC Match go und umgekehrt. Han gschribe, dass ichs schad find wäg dr Stimmig, do könnt me sicher einiges bewege. Dänk es würd automatisch mehr Stimmig gä, wenns im Schnitt 3500 Zueschauer hät (miend jo nid grad alli sShirt vode Nr 7 azieh), zumindest e volli EHC Kurve wär doch was und do gits sicher vil FCB Fans wo no nie am EHC Match gsi sind und bestimmt sich könnte begeischtere lo oder wottsch das nid?

nomol sisch kei FCB Fahne gsi....

klar, aber wenn me so bedänkt: woni z morges gsi bi sind e huffe fcb fans drbi gsi - doch es sind die gsi wo schlächt ufgfalle sin! klar, es git au e baar ehc fans wo schnäll zur körpersproch griffe (;-)).. naja. y weisses nid, e nullahnends publikum muessy au nid ha

(wobie, d gisela findet, d ehc-fans sind gwaltdätik

)

Banjo · Beitrag von **Banjo** » 20.12.2004, 17:01

[quote="redblue-calvin"]klar, aber wenn me so bedänkt: woni z morges gsi bi sind e huffe fcb fans drbi gsi - doch es sind die gsi wo schlächt ufgfalle sin! klar, es git au e baar ehc fans wo schnäll zur körpersproch griffe (]

s gisela findet no viel...

redblue-calvin · Beitrag von **redblue-calvin** » 20.12.2004, 17:01

und es git vor allem au unter de EHC-fans modefans (gib zue, bi au erscht mim ufstieg drzue cho - bi aber bliibe) z.B. d brigade basel.. nochem abstieg spurlos vrschwunde.. die brigadefahne hani übrigens moll am aaraumatch gseh, wo dr fcb maischter hät chöne wärde)..

aber ebbe, wenn dr ehc nid würd ufstiege wäre au all die fcb fans widr wäg! sind doch alles pfiffeköpf, bi au jetzt no dr meinig, dass dr fcb nid alli fans wird bhalte, wenns ene nid gued lauft (aber das isch widerum e anders thema..)

Bodesurri · Beitrag von **Bodesurri** » 20.12.2004, 17:16

redblue-calvin hat geschrieben:z.B. d brigade basel.. nochem abstieg spurlos vrschwunde.. die brigadefahne hani übrigens moll am aaraumatch gseh, wo dr fcb maischter hät chöne wärde)..

Nei nit wohr weiss oepper me was mit der Brigade Basel passiert isch?

redblue-calvin · Beitrag von **redblue-calvin** » 20.12.2004, 17:24

Bodesurri hat geschrieben:Nei nit wohr weiss oepper me was mit der Brigade Basel passiert isch?

sie hän sich moll im ehcforum gmäldet - sie chieme nägscht johr widr.. hejo, nochem ufstieg..

Stavia · Beitrag von **Stavia** » 20.12.2004, 17:25

Also ich gang amigs no gärn go luege zwüschedure. Wobi ichs erlig gseit nume uf öbbe 2-3 Mätch bring pro Saison. Jetzt wo dr FCB spielfrei hett gang i sicher wieder mol go ineluege. Würd mer uff jede Fall nie in Sinn cho öbbis anders als Basel z'unterstütze

Bodesurri · Beitrag von **Bodesurri** » 20.12.2004, 17:26

redblue-calvin hat geschrieben:sie hän sich moll im ehcforum gmäldet - sie chieme nägscht johr widr.. hejo, nochem ufstieg..

E bits e Lausigi Usrede

RALE BALE · Beitrag von **RALE BALE** » 20.12.2004, 17:27

redblue-calvin hat geschrieben:und es git vor allem au unter de EHC-fans modefans (gib zue, bi au erscht mim ufstieg drzue cho - bi aber bliibe) z.B. d brigade basel.. nochem abstieg spurlos vrschwunde.. die brigadefahne hani übrigens moll am aaraumatch gseh, wo dr fcb maischter hät chöne wärde)..

aber ebbe, wenn dr ehc nid würd ufstiege wäre au all die fcb fans widr wäg! sind doch alles pfiffeköpf, bi au jetzt no dr meinig, dass dr fcb nid alli fans wird bhalte, wenns ene nid gued lauft (aber das isch widerum e anders thema..)

dfcbFANS häns Joorelang bewiese, dass sie relativ treu sind! Ghört aber nid zem Thema wär die bessere Fans het. SGoht dorum, dass es doch Wünschenswärt wär e weneli Fankultur anezbringe bim EHC wo au e gwüsse Quantität het, wär doch geil!

naja isches aber scho strange, dass mir alli us dr gliche Region kömme, aber de einti (in däm Fall EHC Fans) die andere (FCB Fans) gar nid im Stadion möchte ha. Ich sprich jetzt nid dMF ah (die wirds immer gä bim Erfolg)

Bodesurri · Beitrag von **Bodesurri** » 20.12.2004, 17:34

RALE BALE hat geschrieben:dfcbFANS häns Joorelang bewiese, dass sie relativ treu sind! Ghört aber nid zem Thema wär die bessere Fans het. SGoht dorum, dass es doch Wünschenswärt wär e weneli Fankultur anezbringe bim EHC wo au e gwüsse Quantität het, wär doch geil!

Chasch FCB und EHC nit vegliche? FCB Fans sind es unerklaerlichs Phaenomen?

crazychillbär · Beitrag von **crazychillbär** » 20.12.2004, 18:18

@Rale BALE
naja isches aber scho strange, dass mir alli us dr gliche Region kömme, aber de einti (in däm Fall EHC Fans) die andere (FCB Fans) gar nid im Stadion möchte ha. Ich sprich jetzt nid dMF ah (die wirds immer gä bim Erfolg)
Find ich auch aber ich finds toll , dass es nicht so schlimm ist wie in Mannheim. Da kommt es schonmal vor , dass du wenn du die Eishockeymannschaft die Adler Mannheim unterstützt von den Waldhof Mannheims Fans (Fussball) verschlagen wirst. Das ist schon schlimm.

Bodesurri · Beitrag von **Bodesurri** » 20.12.2004, 18:23

crazychillbär hat geschrieben: Find ich auch aber ich finds toll , dass es nicht so schlimm ist wie in Mannheim. Da kommt es schonmal vor , dass du wenn du die Eishockeymannschaft die Adler Mannheim unterstützt von den Waldhof Mannheims Fans (Fussball) verschlagen wirst. Das ist schon schlimm.

Krass

Rotblaui_Gfohr · Beitrag von **Rotblaui_Gfohr** » 20.12.2004, 20:03

um au mini wenigkait ins forum z bringe: warum nit mol dr ehc unterstütze? glar, vergliche ka mes mit em fcb überhaupt nit. so vill stoht fescht. also usser me isch NUR ehc fan. aber s isch no gmietligg in dr arena, au wenn nur die uff de stehplätz stimmig mache. usserdäm gseht me alles verdammt guet. isch jo nit so wie bim fuessball, wo mes im färnseh besser gseht, sondern ehnder umgekehrt.

HOPP EHC! ajoie tomorrow...

Fahneschwänker · Beitrag von **Fahneschwänker** » 21.12.2004, 08:28

redblue-calvin hat geschrieben:und es git vor allem au unter de EHC-fans modefans (gib zue, bi au erscht mim ufstieg drzue cho - bi aber bliibe) z.B. d brigade basel.. nochem abstieg spurlos vrschwunde.. die brigadefahne hani übrigens moll am aaraumatch gseh, wo dr fcb maischter hät chöne wärde)..

aber ebbe, wenn dr ehc nid würd ufstiege wäre au all die fcb fans widr wäg! sind doch alles pfiffeköpf, bi au jetzt no dr meinig, dass dr fcb nid alli fans wird bhalte, wenns ene nid gued lauft (aber das isch widerum e anders thema..)

super, und denn machsch do dr gossi max als sälbsternannte super-ehc-fan und findsch, mir bruche d fcb-fans nit - du bisch jo obererbärmlich! nimm di mol zruck! unnötigs getue vo irgendwelche lüt mit fcb-kompläx...

zu dr brigade: einigi lüt hän letscht saison stadionverbot becho... hoff si chömme nüm zruck!

dongga · Beitrag von **dongga** » 21.12.2004, 10:18

Eishockey geht mir am Arsch vorbei....so auch der EHC!

RALE BALE · Beitrag von **RALE BALE** » 21.12.2004, 10:38

Fahneschwänker hat geschrieben:super, und denn machsch do dr gossi max als sälbsternannte super-ehc-fan und findsch, mir bruche d fcb-fans nit - du bisch jo obererbärmlich! nimm di mol zruck! unnötigs getue vo irgendwelche lüt mit fcb-kompläx...

zu dr brigade: einigi lüt hän letscht saison stadionverbot becho... hoff si chömme nüm zruck!

@Brigade Thema, was häns sie agstellt?

sylt · Beitrag von **sylt** » 21.12.2004, 10:44

redblue-calvin hat geschrieben:erschtens passt s rotblau wirgligg nid in d arena, und zweitens hängt det scho syt immer hanse-fahne!

Min Jung, uf dr Kunschti zu 1. und 2. Liga-Zytte hetts öfters emol e rotblaui Fahne ka. Und vo Hanse-Fahne han y dört nonig viel gseh...

(Bevor mi jetzt druf ufmerksam machsch, dass Du vo dr Arena* redisch, versuechsch emol z verschtoh, was y Dir will sage!)

örjan berg · Beitrag von **örjan berg** » 21.12.2004, 10:46

de ehc het unterstützig verdient, souveräne leader in de nati-b und denn hets im spitzekampf nume 1747 zuschauer. beschämend fürne sportstadt wie basel

ScoUtd · Beitrag von **ScoUtd** » 21.12.2004, 10:47

örjan berg hat geschrieben:de ehc het unterstützig verdient, souveräne leader in de nati-b und denn hets im spitzekampf nume 1747 zuschauer. beschämend fürne sportstadt wie basel

Basel isch ebe kai Sportstadt, "numme" ä Fuessballstadt. Sunscht hätts no Handball, Basket, Volley usw.

örjan berg · Beitrag von **örjan berg** » 21.12.2004, 10:54

da het ebe scho öppis, suscht müässte zum bispiel d rtv handballer nit immer ums überläbä kämpfe.

Betreffend volleyball: Vom 27.-29. Dezember findet ir joggeli-halle e internationals volley turnier statt mit GRATIS itritt. es isch nume z empfehle derte mol verbyzluege. [url=http://]http://www.topvolley.ch[/url]

sylt · Beitrag von **sylt** » 21.12.2004, 10:55

ScoUtd hat geschrieben:Basel isch ebe kai Sportstadt, "numme" ä Fuessballstadt. Sunscht hätts no Handball, Basket, Volley usw.

Hämer jo alles, nur goht (fascht) kei Sau go luege...

ScoUtd · Beitrag von **ScoUtd** » 21.12.2004, 10:56

sylt hat geschrieben:Hämer jo alles, nur goht (fascht) kei Sau go luege...

Und isch (glaub) alles nid Premier League.... Das meini drmit, näb em FCB gitts aifach nütt. Leider

Hopp EHC

sylt · Beitrag von **sylt** » 21.12.2004, 11:02

gegoogelt...

Sportstadt heisst ja nicht unbedingt, dass überall immer 30'000 Leutz anwesend sind...

örjan berg · Beitrag von **örjan berg** » 21.12.2004, 11:07

ScoUtd hat geschrieben:Und isch (glaub) alles nid Premier League.... Das meini drmit, näb em FCB gitts aifach nütt. Leider

Hopp EHC

Letscht saison isch s meiste aber no gsi, aber ohni zueschauer und ohni geld... leider nüm.

örjan berg · Beitrag von **örjan berg** » 21.12.2004, 11:10

s eigentliche problem isch jo, dass im zfdrs halt nume über fuessball und yshockey brichtet wird. wenn bringe die mol unihockey, handball, volley, basket...?????

all schaltjoor mol, wenn überhaupt.

Auginho Basel · Beitrag von **Auginho Basel** » 21.12.2004, 12:01

redblue-calvin hat geschrieben:und es git vor allem au unter de EHC-fans modefans (gib zue, bi au erscht mim ufstieg drzue cho - bi aber bliibe) z.B. d brigade basel.. nochem abstieg spurlos vrschwunde.. die brigadefahne hani übrigens moll am aaraumatch gseh, wo dr fcb maischter hät chöne wärde)..

aber ebbe, wenn dr ehc nid würd ufstiege wäre au all die fcb fans widr wäg! sind doch alles pfiffeköpf, bi au jetzt no dr meinig, dass dr fcb nid alli fans wird bhalte, wenns ene nid gued lauft (aber das isch widerum e anders thema..)

Klar gits au unter de EHC Fans "Modefans", es gitt aber au sehr vili Lüt wo dr EHC scho lang treu begleite, Nati B / 1.Liga /2.Liga / 1.Liga / Nati B......
und denne 1 Saison Nati A jetzt wider Nati B.

Ich gang nit an jede EHC Match, bi aber immer wider gange,z.b. au e paar Mol in dr 2.Liga an e Uswärtsschpil....in de letschte 30Johr isch dr EHC ei einzigi Saison in dr Nati A gsi, sinn ächt nit die wo grad denne drzuecho sinn d Modefans?

wek · Beitrag von **wek** » 21.12.2004, 12:13

RALE BALE hat geschrieben:stimmt grundsätzlig, aber grad jetzt in de Fuessballlose Zyt gits mE unpassenders als unseri Fahne bim EHC Match... Isches jo unseri BHC Fahne, nid e FCB Fahne....aber egal

Die Hanse Fahne, bzw, dä Mensch wo die ufhängt söll doch eifach e weneli friehner ins Stadion ko (stell dir mol vo dInfernofahne wird erscht ca. 4 min vor Matchbeginn ufghängt). Isches mir aber au egal, finds jo geil, dass es immerhin e paar Mensche git, wo dr EHC unterstütze..

CHHEEERSSS

h

Moin Rale Bale ich hoffe die sache mit der Fahne wird nachher geklärt sein.

- Leider habe ich nur gehört was an diesem Abend/Nachmittag passiert ist, was ich aber weiss und zu unserer "verteidigung" sagen kann ist, dass diese Fahne normalerweise NICHT so spät vor Ort ist.
Sicherlich ist die Situation etwas falsch verlaufen, man hätte eine Lösung finden können das auch Ihr für eure Fahne einen Platz gefunden hättet.
War wohl alles ein blöder Zufall, dass unsere Fahne zuspät kam und Eure zufällig noch im Rucksack war.

Aber du wirst mir recht geben, wenn Du dir die Situation andersherum vorstellst, dass Ihr gleich reagiert hättet ?!? Ihr habt bestimmt auch Euren festen Platz im Joggeli.

...klar war zur Margrethen noch keine Hansefahne zu sehen, es gab ja auch noch keine.

Vieleicht findet Ihr den Weg nochmals ins Stadion und man kann bei einem Bierchen nochmals etwas plaudern.

-Finde es schade das hier teils versucht wird die beiden Vereine FCB / EHC gegeneinander aufzuhetzen.

-Zum Thema Birgade Stadionverbote, wohl mehrheitlich wegen pyro!
Hoffe trotzdem dass es bald wieder mal brennt wie in Thurgau oder La schodfo diese Saison

sylt · Beitrag von **sylt** » 21.12.2004, 14:01

wek hat geschrieben: ...klar war zur Margrethen noch keine Hansefahne zu sehen, es gab ja auch noch keine.

Ha das au nit abschätzig gege d Hanse gmeint!!

RALE BALE · Beitrag von **RALE BALE** » 21.12.2004, 14:06

[quote="wek"]Moin Rale Bale ich hoffe die sache mit der Fahne wird nachher geklärt sein.

Saleee easy wäg dr Fahne (nomol isch nume e Randnotiz gsi, het aber anschienend einiges usglöst). Isches e Yladig gsi zem Bier tringge vo Euch?

redblue-calvin · Beitrag von **redblue-calvin** » 21.12.2004, 14:38

Fahneschwänker hat geschrieben:super, und denn machsch do dr gossi max als sälbsternannte super-ehc-fan und findsch, mir bruche d fcb-fans nit - du bisch jo obererbärmlich! nimm di mol zruck! unnötigs getue vo irgendwelche lüt mit fcb-kompläx...

zu dr brigade: einigi lüt hän letscht saison stadionverbot becho... hoff si chömme nüm zruck!

sälbschternannte ehc-fan? wieso au nid? y ha ganz bestimmt kei fcb-kompläx, y finds äfach unnötig wenn lüt mit rotblaue shirts oder miteme fcb schal ane ehc match chöme! und wenn sie denn erscht no über d lyt, capo etc. läschtere.. sotigi bruuchts nid! sölle vo mir us gärn "fcb-fans" drzuecho, aber die mien denn akzeptiere dasses ishockey isch (also kei fcb-schal)! lyys doch emoll richtig!

p.s.: me hets gseh an de gratis spiel - d stimmig isch an beidne mätch ganz beschisse gsi (so vowäge d arena zittere loh ]s.stiller, gang bitte niemeh ane EHC-Match, sunscht hesch denn widr öpis z motze..[/color]