BillyTheKid hat geschrieben:Du verzellsch jo öppis vo "trällerliedli". Eigeinitiative wo?
Ich bi absolut zfriede mitem momentane Support.
denn isch jo guet, ich has jo numme gseit. ich sag numme soviil: ich gang sit fascht 20 joor an fascht jedes fcb spiil. und dr support, wo du so zfriide bisch mitem, isch vo denn, woni no unde in dr MK gstande bi, bis hüt zwar dütlich kreativer worde, aber au sälbschtherrlicher und nümme so "gewaltig" wie anno dazumals... gsäng müen s ganze stadion durchdringe und das funktioniert weder über kreativität, lutstärki oder so, sondern einzig und ellei durchs sändigsbewusstsii... zb. s eeefff-ceeee-baaasel bis zu de gegnerische fans oder zumindescht übers ganze spiilfäld schreie... passirt IMHO numme no bi spontansupport...
aber es isch mini bescheideni meinig und da ich nid zu de "entscheidende kreis" ghör, hüet ich mi drvor, initiative z ergriffe, und in d kurve abestampfe und sage "he, händr nonie vo sändigsewusstsi ghört, so goht das...." ich bi zwar offe und gang uf d lüüt zue, aber ich bi nid blöd...
aber wie gseit, wenn wirklich interässe wurdi bestoh, könnt ich, sag ich jetzt, bescheide wie ich bi, de lüüt zeige, wie me so sändet, dass es denn em ganze stadion durch mark und bei goht... sött jetzt nid arrogant si, ich ka das au numme, well das mi bruef sehr beinhaltet und ich mi dorum in minere usbildig sehr dodrmit usenandergsetzt ha, mit däm sände... me muess e bewusstsii dodrfür entwickle, suscht taugt das nüt... also, mini initiative bestoht dodrin, dass ich das jetzt do so sag...
ps: wenn ichs liis, tönt das nach grüen und esoterik mit so züüg...
aber ich stand au eher nid üf so sache...
