FCB-Forum

Sali zämme,

wo cha me in dr Region guet ässe? Ich suech immer wieder neui Möglichkeite, öbbis fein go z'ässe und wo au s'Härz und d'Seele im Huus stimmt, also eher familiär.

Vo mir folgende Tips...

- Restaurant Eigenhof, zwüsche Grellingen und Seewen (di sälbergmachte Cordon bleu sind e Wucht)
- Häxehüüsli (Rynacherheid) - Vor allem im Summer im Garte sehr schön und e grossi Uswahl an Spiessli

Chris

Bin eigentlich Berner aber wir haben Freunde aus Therwil. Die waren mit uns kürzlich in Mariastein zum Essen. Das Restaurant liegt bei einem Kloster. Sehr gut war das!

in mariastei ligge alli restaurant in dr nöchi vom kloster, du spassvogel

Für Währschafts bini in letschter zit vermehrt ins dütsche. in dr stadt gits mittlerwiile immer weniger gueti, wirklich HUUSgmachti Sache und wenn, denn sins priis vomene andere stärn.

empfählig: krone inzlinge. mega fründligi bedienig, extrem hochwärtigs und guets ässe in aständige, aber nid gstörte portione. priis für schwizer erschwinglich, aber scho eher tüür für dütschland.

wennd in dr schwiz bliibe willsch: für währschaft gangi ame gärn no ins jägerstübli nach binnige.

Bad Eptingen oder Auberge St-Laurent (Sierentz, mit emene Michelin-stärn).

Restaurant Stucki an der Bruderholzallee. D'Parkplatzsituation isch aber chli müehsam.

Wirtschaft Zihlmann in Biel-Bänke
Ufer 7 am Rhy
Kunschthalle bim Theater
E guete Burger bekunnsch im Union Dinner
Die bescht Pizza gits im Margherita in dr Steine
Werk 8 im Gundeli gits super Fish & Chips

Cheval Blanc

krone in alt-weil oder dr schwane

Absolut dr Hit, het aber si Priis: Restaurant zur Sonne in Röschenz

Les Quatres Saisons im Hotel Pullman, Basel
Matisse, Basel
Bel Etage im Teufelhof

im "Landgasthof zur Sonne" in Rümmingen hani mol guet gspiise

Osteria im Schärme oder d Bärgmatte in Hofstette.

NaSrI hat geschrieben:E guete Burger bekunnsch im Union Dinner

Die beschte aber im La Manufacture im Gundeli.

NaSrI hat geschrieben: E guete Burger bekunnsch im Union Dinner

dr burger isch guet aber völlig übertüürt für was de kriegsch! kleins teil, mit pommes und getränk locker 25-30 frangge, schlächte witz

Rest. Pinte in Sisseln oder Rössli in Eiken……..beides Familienbetriebe

Rebstock in Muttenz.
Familienbetrieb, nid grad günschtig.

s'Dolder Grand an dr Kurhausstrasse isch au immer wieder ä bsuech wert. S'git ä 6 oder 10 Gänger vom Heiko Nieder.

pan_mundial hat geschrieben:Die beschte aber im La Manufacture im Gundeli.

jo wenn die burger nur nit so klei, und dr priis so gross wär...

finds im Restaurant St. Jakob au ganz passend zu dinre beschribig

Master hat geschrieben:finds im Restaurant St. Jakob au ganz passend zu dinre beschribig

syt dr kohler druff isch, e absolut empfählenswärti adrässe. dr service top, salat und wasser gits eifach mol gratis ufe tisch. und wennd öppis eher liichts willsch: dä flammkueche hösch! wahnsinn!

und vor allem: ändligg emol e resti in dr regio, wode richtigi ami-spareribs griegsch. nid dä abpackti bell schissdrägg wosi dr im papa joes anestelle.

pan_mundial hat geschrieben:Die beschte aber im La Manufacture im Gundeli.

Sit e kollegin e läbensmittelvergiftig drvo trage het, miid ich dä lade.
Zuedem sind bi mir s ledscht mol hoor im burger gsi.