FCB-Forum

Salü Forum

Was für eine schweizer Versicherung würde allfällige Selbstbehalte übernehmen, welche ich z.Bsp. durch einen Vollkaskoversicherung oder Diebstahlversicherung habe, bei einem Mietauto im Ausland?

Und was bedeutet die folgende Option beim Mietauto: Top Up Cover (includes Third Party Plus, Damage Waiver Plus, Super Personal Accident and Effects Cover, 1 free additional driver) (TUC)

und

Super Personal Accident & Effects Cover (SPAEC)

Cheers

Ha au grad no Froge zu Versicherige.

Sött mol e Huusrots- und Privathaftpflichtversicherig ha und es sin paar Pünkt uftaucht wo ich nit so sicher bi was nötig isch und was mr eher nit brucht.


- Bruch ich e Glasversicherig wenn ich Mieter bi und keini Möbel us Glas bsitz? E Fänschterschiebe würd jo d'Privathaftpflicht übernäh wenns mich nit tüscht.

- Was für e Schadenssumme macht bi dr Haftpflicht Sinn? (3mio/5mio/10mio)

- Weli Versicherig würdet dir vorschloh?

- Sunschtigi Tipps für e Unwüssende?

Merci schomol zum Vorus

Skrotum hat geschrieben:Ha au grad no Froge zu Versicherige.

Sött mol e Huusrots- und Privathaftpflichtversicherig ha und es sin paar Pünkt uftaucht wo ich nit so sicher bi was nötig isch und was mr eher nit brucht.


- Bruch ich e Glasversicherig wenn ich Mieter bi und keini Möbel us Glas bsitz? E Fänschterschiebe würd jo d'Privathaftpflicht übernäh wenns mich nit tüscht.

- Was für e Schadenssumme macht bi dr Haftpflicht Sinn? (3mio/5mio/10mio)

- Weli Versicherig würdet dir vorschloh?

- Sunschtigi Tipps für e Unwüssende?

Merci schomol zum Vorus

Ich bi mir grad nit sicher, ob Schiebe wriklich sowieso versichert sind, ich glaubs eher nit. Zue Glas köhre auf Lavabos und WC-Schüssle...aber die göhn im normalfall jo au nit kaputt.

Eifach nit überversichere.

Hol dir vo verschiedene Gsellschaffte Offerte ih. Es hän nit alli die gliche Leischtige dinne. Au dr Selbstbehalt isch zum Teil verschiede...

@sharky: sorry das stimmt so nit!

als mieter isch alles wo zur wohnig ghört (fenster, lavabo, parkett, etc.) über d'privathaftpflichtversicherig abdeckt. bi glasbruch wird unterschiede zwüsche mobiliarglas (clubtisch, vitrineglas, etc.) und gebäudeglas (lavabo, fensterscheibe, etc.). mobiliarglas muesch halt selber wüsse öp du überhaupt so öppis hesch und gebäudeglas isch als mieter nit nötig.

versicherigssumme vo 5 mio isch normal. mit däm betrag sött au dr schlimmschtmöglich fall abdeckt si.

hesch süscht no froge? ich ha 15 johr in dr schadeabteilig vo dr mobiliar versicherig gschafft... sött also chli chönne uskunft geh :-)