FCB-Forum

Mir isch es hütt am Daag vrdammt langwiilig gsi,
also han ich e Reim zum fcb gschribe.
Isch nit wahnsinnig, aber ha dänkt ich dues mol ins Forum Poste
do isch er :

Dr Daag fohd ah, es isch so wyt,
Jetzt ischs FC Basel Zyt!
Ich pack dr Schal und d' Sunnebrülle,
Nimm drzue no my Kampfwille.
In dr Hand e Bier, im Muul e Stumpe,
Gly ischs Zyt zum umme gumpe.

Ich lauf jetzt z' Fuess zum Joggeli,
Bi scho tuusig mol im Stadion gsi,
Doch jedes mol ischs wie d Premiere,
Drzue cha me doch immer lehre!
Dr Häxechessel chunt immer nöcher,
Mi Puls schlot mit jedere Sekunde höcher!

Ich Stecks Ticket in Schalter,
Das wird immer modärner, mit em alter.
Lauf d Stäge uff, wird shampar nervös,
Bi scho vor em Spiel uff e Gegner bös.
Ich kauf mr e Wurscht, doch sicher kai Bier,
Im Joggeli ischs vrdammi nomol z tüür!

I gang abe ins D4 und suech mr e Platz,
D' Frau bliibt dehai, dr FCB isch mi Schatz.
D Mannschaffte laufe y, d' Kurve gheit durre,
Dr Capo schreit "Singe statt Schnurre!"
D' Fahne wärde gschwänkt, d Lunge leer gschraue,
Während dr FCB dr Gegener vom Platz tuet haue!

Dr Gegner schiesst grad s erste Goal,
Mi Buch macht weh, ich fühl mi nit wohl.
Doch wie me sait : Basel git nit uff,
Eine z kassiere macht uns nit muff!
1:1, 2:1, s Spiel isch vrbii,
Dr Sieger isch dr Club vom Rhy.

Die dritti Halbzyt fohd erscht ah,
Das ghört dzue, als zwölfte Maa.
Am Gegner zaige wärs besser cha,
uff em Platz und näbe draa.
Ich humple hai, alles tuet mr weh,
Das ganze nur für en FCB!

Gail gmacht!

wie lang bisch do dra khokt?

uf jede fall e super sach!

ROTundBLAU hat geschrieben:Gail gmacht!

wie lang bisch do dra khokt?

uf jede fall e super sach!

mercii..
hmm, e paar schuellektione..

Hammer gmacht ... super Text ... d Melodie ?

boreristnervös hat geschrieben: mercii..
hmm, e paar schuellektione..

ah denn isch d schuel aber wirglig langwillig wenn de in de stund e sone gaile raim schriebe kasch!

JöNnNi hat geschrieben:Hammer gmacht ... super Text ... d Melodie ?

Danke.
Hmm... unbestumme. Vorschläg?

jo ich hammer au überlegt wie do d melodie derzue kennti si......

es passe vieli melodie derzue wirdi mole sage!

aber welli das die bescht isch weisi au niid so rächt!

boreristnervös hat geschrieben: Lauf d Stäge uff, wird shampar nervös,
Bi scho vor em Spiel uff e Gegner bös.

I gang abe ins D4 und suech mr e Platz,
D' Frau bliibt dehai, dr FCB isch mi Schatz.
D Mannschaffte laufe y, d' Kurve gheit durre,
Dr Capo schreit "Singe statt Schnurre!"

Die dritti Halbzyt fohd erscht ah,
Das ghört dzue, als zwölfte Maa.
Am Gegner zaige wärs besser cha,
uff em Platz und näbe draa.
Ich humple hai, alles tuet mr weh,
Das ganze nur für en FCB!

Sind für mich die geilsten Passagen...

ROTundBLAU hat geschrieben:jo ich hammer au überlegt wie do d melodie derzue kennti si......

es passe vieli melodie derzue wirdi mole sage!

aber welli das die bescht isch weisi au niid so rächt!

Mi störts au nit, ohni Melodie!

boreristnervös hat geschrieben: Mi störts au nit, ohni Melodie!

doch also sone hammer raim brucht au e hammer melodie niid woor?

ROTundBLAU hat geschrieben:doch also sone hammer raim brucht au e hammer melodie niid woor?

dangge.
wenn de mainsch

neue song ab jetzt

Super Sach! Sunsch kasch es au als Schnitzellbangg singe und dr Referain: Ei du scheene, ei du scheene, ei und scheene FCB!

bebbinho85 hat geschrieben:Super Sach! Sunsch kasch es au als Schnitzellbangg singe und dr Referain: Ei du scheene, ei du scheene, ei und scheene FCB!

Danke!
Jo, ha mr au dängt, so quasi als Schnitzellbangg...

Greengo hat geschrieben:neue song ab jetzt

klar..

scheen git s wieder poesie
im forum doo vom club vom rhy
liebe borisischnervees
i hoff, s sin d admins hit nit bees
und leen de thread e so lo stoo
well s all zue oft scho vor isch koo
es sin bi värs-thread scho noch stunde
die ganze kommentäär verschwunde
är het s verdient, wenn me duet schryybe
drum admins, leen doch s lesche blyybe

Schooffseggel hat geschrieben:scheen git s wieder poesie
im forum doo vom club vom rhy
liebe borisischnervees
i hoff, s sin d admins hit nit bees
und leen de thread e so lo stoo
well s all zue oft scho vor isch koo
es sin bi värs-thread scho noch stunde
die ganze kommentäär verschwunde
är het s verdient, wenn me duet schryybe
drum admins, leen doch s lesche blyybe

Schooffseggel hat geschrieben:scheen git s wieder poesie
im forum doo vom club vom rhy
liebe borisischnervees
i hoff, s sin d admins hit nit bees
und leen de thread e so lo stoo
well s all zue oft scho vor isch koo
es sin bi värs-thread scho noch stunde
die ganze kommentäär verschwunde
är het s verdient, wenn me duet schryybe
drum admins, leen doch s lesche blyybe

wow daas sind joo alles naturtalent in däm forum.....

Schooffseggel hat geschrieben:scheen git s wieder poesie
im forum doo vom club vom rhy
liebe borisischnervees
i hoff, s sin d admins hit nit bees
und leen de thread e so lo stoo
well s all zue oft scho vor isch koo
es sin bi värs-thread scho noch stunde
die ganze kommentäär verschwunde
är het s verdient, wenn me duet schryybe
drum admins, leen doch s lesche blyybe

let's hope so.

ROTundBLAU hat geschrieben:wow daas sind joo alles naturtalent in däm forum.....

dass schoofseggel ein naturtalent ist, war schon länger bekannt. dass boreristnervös zu den poeten gestossen ist, ist hingegen neu. ich freue mich über euren weiteren ergüsse. merci für diese geistreichen höhenflüge hier im forum!