FCB-Forum

N'Abend alli zämme

Ha e Problem: sit churzer Zyt (glaub sit i dr Firefox updatet ha) hani bi Videos im Browser, also z.Bsp. uf youtube kei Ton me. Das Problem isch im Firefox und au im IE. Wenni aber e Video vo youtube abelad chanis im VLC ohni Problem mit Sound luege, nur isch das uf langi Zyt gseh chli umständlich.

Het öbber e Idee, wasi chönt mache?
I ha scho an de Plugins umeprobiert, dr Flashplayer aktualisiert, Codecs installiert und au versuecht dr Firefox z'downgrade, aber das isch schief gange (er het sich nid lo starte, ha denn wider miesse uf die aktuelli Version update).

Bi langsam am Verzwiifle...
Crane

Betriebssystem?

Win XP mit SP2

installier mol dr opera (isch eh dr bescht browser) und lueg öbs mit däm goht... sorry, e bessere tip hani dir grad nit

youtube funzt mit flash, hol dr dä mol neu

http://www.adobe.com/shockwave/download ... ang=German

(und vergiss Opera...)

Mr.T hat geschrieben:youtube funzt mit flash, hol dr dä mol neu

hani gmacht, allerdings ohni Ergäbnis

Jetzt wirds ganz lustig:
I ha bi mir am PC hinde e 5.1 OnBoard Soundkarte, woni mi 5.1 Alag agschlosse ha. bi VLC, Mediaplayer etc lauft alles wunderbar, aber ebbe im Browser nid.

Jetzt hani vorne am Ghüüs no e normali Kopfhörer-Buchse für Stereo-Kopfhörer.
Und lueg au a: mit dene hani Sound, au im Browser.

I ha neume gläse, das Youtube und Konsorte dr Sound nur Stereo abspiele unds dorum zu Problem cha cho, no frogi mi eifach, werums bis jetzt funktioniert het...

Het öbber e Idee, was me zum Bispiel bim Firefox chönt umstelle, das dä wider Töön abspielt?