FCB-Forum

Wär gooht alles am Donnstig nach dr Fasnacht diräkt vom Zmorgeässe an Fuessballmatch mit em Kostüm ????
Das wär jo mol e Choreo oder ??

PRO Fasnacht-Freies Stadion!

Ikarus hat geschrieben:PRO Fasnacht-Freies Stadion!

Ouuuhhhh bisch Du e Spielverderber !!!
Chunt me ächt übeerhaupt mit Holzzoggeli ins Stadion ???

Da die fasnacht am Donnerstag um 04.00 endet, werde ich mir erlauben, in rotblau and den Match zu gehen. Ausserdem möchte ich nicht mit dem "Stimmungsmacher der Kurve" verwechselt werden.

Keenig vo Basel hat geschrieben:Wär gooht alles am Donnstig nach dr Fasnacht diräkt vom Zmorgeässe an Fuessballmatch mit em Kostüm ????
Das wär jo mol e Choreo oder ??

WÄÄÄÄÄÄÄÄÄ höret uff mit dämm Säich!!! sunscht wärde ab sofort am Morgestreich numme no Doppelhalter und Pyro statt Latärne benutzt und statt "Morgestraich, vorwärts,Marsch..." wird e UFFTA organisiert...

Näi, hei gohts no??? I ha mi immernonig vo dene piinliche Ufftritt vo dr Guggemusig im alte Joggeli erholt...

[quote="Mätzli"]Da die fasnacht am Donnerstag um 04.00 endet, werde ich mir erlauben, in rotblau and den Match zu gehen. Ausserdem möchte ich nicht mit dem "Stimmungsmacher der Kurve" verwechselt werden. ]
merci mätzli, au ich wird rot-blau an dä match ko, alles andere isch nur pienlich.

rotoloso hat geschrieben: Näi, hei gohts no??? I ha mi immernonig vo dene piinliche Ufftritt vo dr Guggemusig im alte Joggeli erholt...

Damfall bisch nid am letschte Matsch im neue Joggeli gsi!

Ha hüt no Brächreiz!

Koschtümiert cho an Lille Matsch fändi OK, eifach kei Gugge, aber grad e gar keini!

Heavy hat geschrieben:Damfall bisch nid am letschte Matsch im neue Joggeli gsi!

Ha hüt no Brächreiz!

Koschtümiert cho an Lille Matsch fändi OK, eifach kei Gugge, aber grad e gar keini!

Am letschte Match im neue Joggeli? Was isch denn döt so schlimms gse?

rotoloso hat geschrieben:Am letschte Match im neue Joggeli? Was isch denn döt so schlimms gse?

D Gugge am Schluss

Keenig vo Basel hat geschrieben:D Gugge am Schluss

Jä meinsch gege Feyenoord?

wenn jetzt dr match am mittwuch wäri.
denn wäri mit em kostüm cho.

aber d fasnacht isch jo am 04.00 fertig

rotoloso hat geschrieben:Jä meinsch gege Feyenoord?

Yep. Do sinn e baar "Musikante" dur 's Olympiator uf e Rase gwagglet. Isch aber eine vo de nid so bekannte Gugge gsi, kai top shot. Soone gmischt Hyffeli, mit irgendeme komische namme, wo grad erfolgrychj 's 5 jährige gfyyrt hän ( "mit 22 sauscheene Ueli")

Mätzli hat geschrieben:Yep. Do sinn e baar "Musikante" dur 's Olympiator uf e Rase gwagglet. Isch aber eine vo de nid so bekannte Gugge gsi, kai top shot. Soone gmischt Hyffeli, mit irgendeme komische namme, wo grad erfolgrychj 's 5 jährige gfyyrt hän ( "mit 22 sauscheene Ueli")

Do bin i grad bim Schlusspfiff devodüst wäge dämm

rotoloso hat geschrieben:Do bin i grad bim Schlusspfiff devodüst wäge dämm

ist der unterdessen wieder aufgetaucht?

zum thema: eine der dümmsten ideen, die ich je gelesen haben. fasnacht ist am donnerstagmorgen zu ende.

rotoloso hat geschrieben:WÄÄÄÄÄÄÄÄÄ höret uff mit dämm Säich!!! sunscht wärde ab sofort am Morgestreich numme no Doppelhalter und Pyro statt Latärne benutzt und statt "Morgestraich, vorwärts,Marsch..." wird e UFFTA organisiert...

Näi, hei gohts no??? I ha mi immernonig vo dene piinliche Ufftritt vo dr Guggemusig im alte Joggeli erholt...

wo du recht hast, hast du recht. die fan-gugge, immer eine freude!!!

der alte sack

nogomet hat geschrieben:ist der unterdessen wieder aufgetaucht?

zum thema: eine der dümmsten ideen, die ich je gelesen haben. fasnacht ist am donnerstagmorgen zu ende.

Jo, han i wieder gfunde, zum Glück...

Mätzli hat geschrieben:Da die fasnacht am Donnerstag um 04.00 endet, ...

D Fasnacht hört zwar nit am Vieri uff (hööret emool uff, dä Saich go wyterverbraite, wo d BaZ vor öbber 10 Joor yyfgfiert het!!! ), aber zum Umzie blybt uff jeede Fall gnueg Zyt.

Und: Wenn y amme in d MK lueg, denn sinn dört sowysoo scho lang nümm rot und blau die dominate Farbe...

Blauderi hat geschrieben:D Fasnacht hört zwar nit am Vieri uff (hööret emool uff, dä Saich go wyterverbraite, wo d BaZ vor öbber 10 Joor yyfgfiert het!!! ), aber zum Umzie blybt uff jeede Fall gnueg Zyt.

das Spielt doch kai rolle? Au wenn d'Fasnacht am Fryttig z'Nacht fertig wär... wieso muessme die im Joggeli go verlege? Ändwäder oder... Wenn dr Match am Zyschtig z'obe wär, würde jo denn am Mittwuch au nid alli mit de FCB-Fahne und go "FCB FCB" schreie am Ummzuug...

Me ka doch die 2 Sache trenne...

Blauderi hat geschrieben:D Fasnacht hört zwar nit am Vieri uff (hööret emool uff, dä Saich go wyterverbraite, wo d BaZ vor öbber 10 Joor yyfgfiert het!!! ), aber zum Umzie blybt uff jeede Fall gnueg Zyt.

...

Kunnt druff a, was du drunter verstosch: wenn de s'Drummle/Pfiffe meinsch, das isch bis am Donnschtig, 04:00 polizeilich erlaubt (siehe http://www.fasnachts-comite.ch/aktive/polizei.html). Nochhär muesch e Bewilligung für dini Clique iihole... wenn de eifach numme s' "In-dr-Beiz-hocke" meinsch, denn goht d'Fasnacht witter solang e Lade offehett.

Generell findi, dass me in Basel nid immer alles und jedes mit dr Fasnacht in Zämmehang bringe muess. D'Stadt bestoht no uss anderem. I bi froh, wenn im Joggeli keini Gugge/Clique irgendwelchi Darbietige zem Beschte gänn.

Keenig vo Basel hat geschrieben:Wär gooht alles am Donnstig nach dr Fasnacht diräkt vom Zmorgeässe an Fuessballmatch mit em Kostüm ????
Das wär jo mol e Choreo oder ??

Ich weiss aus gut informierter Quelle, dass insbesondere Guggemusikante im Goschdym am Donnschtig ihr Tik nicht ausgehändigt kriegen. Hochstapler sowieso nicht!

Blauderi hat geschrieben:D Fasnacht hört zwar nit am Vieri uff (hööret emool uff, dä Saich go wyterverbraite, wo d BaZ vor öbber 10 Joor yyfgfiert het!!! ), aber zum Umzie blybt uff jeede Fall gnueg Zyt.

Und: Wenn y amme in d MK lueg, denn sinn dört sowysoo scho lang nümm rot und blau die dominate Farbe...

Isch mer ebbe au scho zue ohre koh, dass es Glygge sell gääh, wo am fimfi no im Vollwix vor em Hotel Basel duureparadiere.

(Nai, y ha nid pfyffe

S'einzige wo dr vo dr Fasnacht chönnet mitnäh isch e Pauke, dr Räscht blibt gfelligscht dehei!

Fussball ist weder fasnacht noch sonst irgendeine spassige veranstaltung!
darum gehören verkleidungen, gugge, trommler, pfiffer etc NICHT ins stadion!

D Fasnacht ghört genau wie dr FCB zu Basel drum sött me die akzeptiere wo halt diräkt vom zmorgeässe no im koscthym an Match gön! Das fändi no ganz geil! Aber i bi drgege,dass me EXTRA s koschtym füre match azieht! Wäms nüm hei längt söll aber ruhig eifach so an match!

[quote="Mätzli"]Isch mer ebbe au scho zue ohre koh, dass es Glygge sell gääh, wo am fimfi no im Vollwix vor em Hotel Basel duureparadiere.

(Nai, y ha nid pfyffe ]

ebbe! und vgl. meinen nachfolgenden Eintrag...

[quote="dark_magus"]Kunnt druff a, was du drunter verstosch: wenn de s'Drummle/Pfiffe meinsch, das isch bis am Donnschtig, 04:00 polizeilich erlaubt (siehe http://www.fasnachts-comite.ch/aktive/polizei.html). Nochhär muesch e Bewilligung für dini Clique iihole... ]

Klar main y s Drummlen und s Pfyffe. Denn wie Du richtig saisch, handlets sich do nummen um e Bolizey-Vorschrift, also um e Drummelverbot. S Comité het mit däm nüt z due, will s sowysoo kaini Vorschrifte mache ka und darf.

S Brobleem isch, ass in de letschte 10-15 Joor esoo vyyl Neu-Yyschtyyger hänn aafoo Fasnacht mache, wo gar nit wüsse, wie die Bolizey-Vorschriften entstande sinn. Friener het me jo am Mäntig und Zyschtig numme bis am Zwölfi und denn bis am zwai und no schbööter bis am vieri dörfe drummlen und pfyffe. Erscht syt e baar Joor darf me durchgehend musiziere.

Und genauso, wie me sich friener scho nit um die Bolizey-Vorschrifte kümmeret het (wär het denn scho amme am Zyschtig-Znacht am zwai uffghöört?), isch s jeedem sälber überloo, ob er sich will draa halte. Ass d Fasnacht am vieri soll verbyy syy, brobiere aim aifach Neu- und Nit-Fasnächtler yyzschwätze, wo halt ammen nit derby gsi sinn, wenn am Donnschtig am Morgen am Sibeni no Monschterzüüg dur d Innerstadt gässlet sin. Übrigens unbehelligt vo der Bolizey...

In de letschte Joor isch es aber sogar vorkoo, ass de vo Fasnächtler (!!???) täätlig aagriffe worde bisch, wenn de noo de Viere no pfyffend und drummelnd duur d Schtroosse zooge bisch. Dängg vo sottige, wo am Mäntig und Zyschtig amme am Ains haimegöön, ass sys am Mittwuch znacht sicher bis am vieri uushalte...

die huere drägg fasnacht goot mer scho soo gnue uf dr sack....

denn willi au nid no im stadion so stricher ha!

Goldfisch hat geschrieben:D Fasnacht ghört genau wie dr FCB zu Basel

genauso zu Basel gehören auch noch alle die,welche mit der Fasnacht nichts anfangen können:sehr wahrscheinlich sind es sogar deutlich mehr,nur damit das auch wieder mal gesagt ist

überhaupt-in einer Zeit,wo man sowieso alles sagen darf und kann,und die letzten Tabous Onanie+Selbstmord heissen,hat die Basler Fasnacht an politischer Authentizität verloren und muss aufpassen,nicht zu einer illustrierten Selbstfeier zu werden

plutokennedy hat geschrieben:überhaupt-in einer Zeit,wo man sowieso alles sagen darf und kann,und die letzten Tabous Onanie+Selbstmord heissen,hat die Basler Fasnacht an politischer Authentizität verloren und muss aufpassen,nicht zu einer illustrierten Selbstfeier zu werden

Doo hesch rächt! Und dorum wärs ebbe wichtig, ass me an der Fasnacht richtig haissi und brisanti Sujets usschbiilt und die denn möggligscht bissig und böös! Und doo zellt e Basserelle, wos yynesaicht, oder e kabutts Drämmli definitiv nit derzu. Politischi Sujets sinn gfroggt!

hmmmm im costum wär scho edel... loss es aber glaub au bliebe elay scho well-y in dr zwüschezit dehaime gsi bi und so gnue zit ha zem mi umz'zieh...
Apropo Fänds eyfach emol edel , wenn's z'Basel mol vonere Clique begleitet wurdi wo uffem Dach stoht , und immer zwische 2 Musizierende e Pyro!