FCB-Forum

I ha folgendes Problem, evtl. ka mr jo öpper vo euch e baar Rotschleeg geh:

I hogg am PC und trink e kleini Fläsche Fäldschlössli Bier. Irgendwie bin ich drahkoh oder ane Kabel uf jede Fall isch mr d'Hälfti vom Fläschehals über mi Laptop gloffe. Und zwar e biz über d'Lutsprächer und dr Räscht unschön in d'Tastatur (alli Ahschlüss und Laufwärks sin troche blibe). Nach em putze mit em Lumpe het är sich nümm abstelle loh, d'Programms sin verschwunde und nur no s'Hintergrundbild isch ersichtlich gsi. Au längers drugge vom ON/OFF-Knopf het nüd brocht. So ha ich dr akku usezooge und en vom Strom abghängt.

I ha en jetzt mol zum trochne verkehrt aneglegt, mit dr Tastatur nach unde.

Söll i en ufschruube und biz mit eme fiechte Lumpe butze? Da jo Bier kläbrig isch.
Ahstelle möcht i en nid, wills e Kurze könnt geh.

...und z'lang warte will i eigentlich au nid, will die Elektronik im Laptop jo schiins könnti oxidiere.

Het öpper Tips? Isch öpper au mol in sonere Situation gsi? HELFT MIR!!!!

Sgschidschte wär gsi wenn de dr labtop grad nach dr bier duschi vom strom gno hättsch.
miteme fiechte lumpe würdi ufpasse... aber luegsch emol was anderi derzue sage... ich bi do nit so dr fachmann...

i han en zimli grad ab em strom gnoh... also schnäll s'bier wägbutzt und denn han en welle usschalte, wos nid gange isch han en ab em strom gnoh...

...jo i hoff eifach dass är wieder lauft, od. dass es mit ere billige reparatur z'behebe isch.

Ich nim a dass das grad kürzlich passiert isch... Mach folgendes: Loss es eifach mol tröchne für öbbe 24-36 STund. Luegsch dass gar kei Strom fliesst (Akku au entfärne) und duesch s Notebook schreg anestelle. Also machs uf und dues uf d Kante stelle so dass d Flüssigkleite könnte uslaufe... Theoretisch, wenn de glück hesch, verdampft alles und es funktioniert alles wie gehabt... in e warme Ruum stelle... Und wenns nid klappt het: Tastatur abnä und halt luege was öbbis abbeko het.

Cheers

s'isch mr geschter ohbe passiert... Jetzt schaff i no bis am 23.00 und denn probier i en nomol ahz'stelle. Mol luege obs klappt.

Wenn nid schrub d Tastatur und bbe, bsorg dr Sterils wasser und due guet putze. Wenn das au nid hilft: Loss es mi wüsse, vilcht ka ich no was rette....

d'bbe???
...

ebbe ha ich gmeint...

Mir ist mal eine Cola Flasche über der Tastatur ausgelaufen. Ich hab sofort das Kabel raus gezogen und die Tastatur unter der Dusche 3 Minuten ausgewaschen.


Nachdem ich sie dann 3 Tage zum trocknen aufgehängt hatte, funktionierte sie wieder einwandfrei....

dr Laptop ka ich schwer unter d'Duschi stelle...

UF JEDE FALL LAUFT DR LAPTOP WIEDER... EIFACH ZUUUU GEIL

Denne isch es sicher keine vo dr Marke Dell...

BillyBob hat geschrieben:Nachdem ich sie dann 3 Tage zum trocknen aufgehängt hatte,

Man stelle sich das bildlich vor... so geil...

Eckfahne hat geschrieben:Denne isch es sicher keine vo dr Marke Dell...

sony vaio modell: PCG-GRZ615M --> 1,5 Joor alt

Litmanen hat geschrieben:I ha folgendes Problem, evtl. ka mr jo öpper vo euch e baar Rotschleeg geh:

I hogg am PC und trink e kleini Fläsche Fäldschlössli Bier. Irgendwie bin ich drahkoh oder ane Kabel uf jede Fall isch mr d'Hälfti vom Fläschehals über mi Laptop gloffe. Und zwar e biz über d'Lutsprächer und dr Räscht unschön in d'Tastatur (alli Ahschlüss und Laufwärks sin troche blibe). Nach em putze mit em Lumpe het är sich nümm abstelle loh, d'Programms sin verschwunde und nur no s'Hintergrundbild isch ersichtlich gsi. Au längers drugge vom ON/OFF-Knopf het nüd brocht. So ha ich dr akku usezooge und en vom Strom abghängt.

I ha en jetzt mol zum trochne verkehrt aneglegt, mit dr Tastatur nach unde.

Söll i en ufschruube und biz mit eme fiechte Lumpe butze? Da jo Bier kläbrig isch.
Ahstelle möcht i en nid, wills e Kurze könnt geh.

...und z'lang warte will i eigentlich au nid, will die Elektronik im Laptop jo schiins könnti oxidiere.

Het öpper Tips? Isch öpper au mol in sonere Situation gsi? HELFT MIR!!!!

easyfish. kipp als absacker noch einen whisky hintennach und alles ist paletti...