isch wiederemol e ganz e geils fescht gsi geschter in dr bombonera.
3.5 stund vorem match hani mi uffe weg richtig stadion gmacht. doert akoh, hani endlich mi ticket vommene kolleg becho. denne agstande, polizei kontrolle und was passiert bi de dreikruez ? ei riese hektik, im erste moment kummi nid druss was abgoht, gseh nur das dreikruez eso gstellt sind, das meh logger kah durelaufe, ohni das s'kruez sich bewegt. vor jedem dreikruez sind denne no zwei type gstande, und dr dritti drvor, wo s'ticket het welle ha. polizei nid in dr noechi gsi.
und denne hanis gschnallt was abgoht. La 12 isch wieder emol am werk. do y s'ticket nid ha "entwertet" bim dreikruez, isch das jo no gueltig gsi, und die tickets wo sie eso in d'finger bekoh haend, die haend sie denne dusse wieder kenne verkaufe. und das sind e mengi tickets gsi, dementsprechend isch d'kurve au ueberfuellt gsi.
huette hani denne no in verschiedene ziitige glaese kah, das dr Rafa di Zeo vorem igang gstande isch, und selber gsait kah het, waer er in d'kurve ihne loht und waer nid, sogar de bulle gsait was sie selle mache und wo ahne stoh.
meh stellt sich das mol in basel vor: IFBS stoht vor de dreikruez, und sait waer in d'kurve kah stoh, und waer nid, waer jo eigentlich no e gueti sach
oebbe 2.5 stund vorem match, bini also im stadion dinne gsi, und y bi nid dr einzig gsi, sind scho x-tuusig luet dinne gsi, wo scho alli am singe gsi sind.
1.5 stund vorem match, sind beidi kurvene voll gsi und luet sind immerno ihne koh.
d'stimmig isch vorem match scho fantastisch gsi, und wo denne d'spieler uffs feld koh sind, isches erst richtig abgange.... foetzeliiiiiiiiiiiiiiiiiiiiiiiii. ha nued meh gseh kah, s'einzige wo meh het kenne erkenne sind foetzeli gsi, abartig hets ussgseh. bevor s'spiel agfange het, sind no 10 luet mit so art staubsuuger uffs feld gange, und haend feld gsuueberet. und denne hets spiel agfange.
1:0 boca, bombonera het kocht. 2 hz, 1:1 ussglich, bombonera isch fuer 15 sekunde "tot" gsi, oder isches d'ruehe vorem sturm gsi ??? denn nochher haend alli umso luetter mitgsunge kah.
s'spiel isch fertig, es git kai verlaengerig, goht direkt zum penalty schiesse. in dr kurve wird waehrendem ganze penalty schiesse luechtkueggeli gschosse, rot und grieni. gseht vollgeil uss.
El Pato abbondanzeri (dr goali) schiesst dr letschti und entscheidendi penalty, drinn, und denne gits kai halt meh, Fiesta en la Bombonera !!!!!!!
1.5 stund nochem match verlohni uebergluegglich s'stadion, in 5 daag zwei mol gseh wie Boca Campeon worde isch.
Bilder vo mir folge, do paar anderi.
